أمتلكني بألاجبار

الجزء الثاني . البارت الخامس

5-----
امتلكني بالاجبار الجزء التاني .
بقلم ملك عبد المنعم .
ادهم دخل و مريم في أيده . مريم بصت المكان بانبهار . كان مطعم بسيط محجوز ليهم مع موسيقى هاديه .
ادهم قعدها علي الترابيزه و همس جمب ودنها بهدوء ./ثواني و هجيلك .
مريم هزت راسها بهدوء و هي بتبص علي المكان بانبهار .
ادهم جه من وره عينيها بعد شويه و لبسها السلسله علي رقبتها بتلذذ و ميل باسها برقه ./كل سنه و انتي طيبه يا اجمل حاجه حصلتلي .
مريم مسكت السلسلة بدموع ./الله يا ادهم دي جميله اوي ... مريم بصت علي ادهم بحب ... عمرك ما نسيت عيد ميلادي ابدا .
ادهم مسك ايديها بحب و باسهم ./كنت عارف انك ناسيه و أنه من اسبوع بس من تعب العيال مكنتاش بنشوف بعض غير قليل .
مريم ابتسمت بهدوء ./اوعدك اول ما نرجع هحاول اغير دل حاجه .
ادهم ابتسم عليها بهدوء ./لا يا حبيبتي انتي بتتعبي و بتفضلي معاهم اليوم كله . انا كفايه عندي انكم بخير و معايا .
مريم ابتسمت بارتياح .
ادهم سحبها من ايديها بهدوء ./ تسمحيلي اخطفك شويه و نرقص .
مريم ابتسمت عليه بكسوف و ركنت دماغها علي صدره .
ادهم حاوط وسطها بتملك و هو بيفتكر كل حاجه حصلت بينهم خلال السنين اللي فاته ./انتي و كاميليا و عز و دنيا كل حياتي . ربنا يخليكم ليا .
مريم رفعت نفسها و باسته بكسوف ./و يخليك ليا يا اجمل حاجه في حياتي ...... مريم دخلت في حضنه بهدوء ...انت السبب في السعاده اللي انا فيها دلوقتي . حنية الدنيا كلها لقيتها معاك . اوعدني يا ادهم تفضل تحبني علي طول .
ادهم حرك أيده علي شعرها بهدوء ./بحبك و هفضل احبك لحد ما اموت يا مريم . هتفضلي في عيني و قلبي لأخر لحظه في حياتي .
مريم غمضت عينيها بحب و هي بتلف ايديها علي وسطه .
_______________________________________
فات تلت ايام كانت مريم و ادهم و رجعو من السفر . و حياتهم ابتدت تتحسن من ناحية ما بس مريم لسه بتكلم نوران و شايفه أنها صح .
مريم كانت قاعده هي و نوران .
نوران ضحكت بهدوء ./بس شكلك اتبسطتي  .
مريم اتنهدت بحب . /اوي الصراحه . ادهم فعلا كان عنده حق انا و هو كنا محتاجين السفريه دي . و محتاجين نفصل عن دوشة العيال .
نوران ابتسمت بضيق مخبي ./انتي مخوفتيش من رد فعل ادهم لما حملتي بسرعه .
مريم هزت راسها بهدوء ./انا معرفتش اني حامل غير لما كنت في الشهر التالت . و ادهم كان فرحان اوي  . حتي انا كنت مضايقه و مخضوضه ساعتها بس هو مخلنيش احس بحاجه الصراحه . و لما دنيا جت كان فرحان بيها اكتر مني .
نوران ابتسمت بخبث ./طبيعي يا حبيبتي يكون فرحان ما هو بيعوض .
مريم بصتلها بعدم فهم . نوران بتوتر ./انا اسفه انا مقصدش . انا اقصد يعني أن طبيعي يكون ادهم فرحان بكل ده و عايز يجيب عيال كتير عشان يعوض اللي كان بيحصل معاه و اللي كان عايش فيه . ادهم يعتبر عاش حياته وحيد و ملوش اخوات خالص . فـ ممكن يكون عايز يكون عيلة كبيره و أسرة .
مريم ابتسمت بهدوء ./اه طبعا ده شئ طبيعي . بس ادهم دايما بيقول أن الأسرة دي بتربطنا ببعض اكتر عشان كده فرحان و ربنا يقدرني و أسعده علي قد ما اقدر .
نوران ابتسمت بضيق لأنها فهمت أن مريم فهمت هدفها و طريقة كلامها . مريم بصت عليها من بعيد بخبث و ابتسمت بهدوء.
____________________________________
ادهم ابتسم بهدوء اول ما دخل البيت و لقاه هادي . و دخل المطبخ لما سمع صوت مريم من جوه .
ادهم ابتسم بهدوء و حضنها من ضهرها بتملك ./شكلك رايقه اوي .
مريم ابتسمت بهدوء ./ اوي .
ادهم لعب في شعرها بهدوء . /و ايه سر الروقان ده .
مريم ابتسمت بكسوف ./ هقولك .
ادهم دفن رأسه في رقبتها بتوهان./مش وقته . دلوقتي في حاجات اهم بكتير .
مريم ابتسمت بهدوء . بس بعدت بسرعه لما شافت ندي المربيه على باب المطبخ .
مريم بتوتر ./ايوه يا ندي في حاجه .
ندي بسرعه ./كاميليا تعبانه او...
مريم قاطعتها بسرعه و طلعت هي و ادهم فوق . مريم جريت عند كاميليا بخوف ./. كاميليا... مالك في ايه ..
كاميليا مكنتش قادره تفتح عينيها و بتاخد نفسها بالعافيه .
ادهم قرب منهم بسرعه . /كاميليا اهدي ...خدي نفسك بالراحه اهدي ..
كاميليا فتحت عينيها بتعب قبل ما تغمض عينيها و وشها يزرق . مريم بصت لادهم بدموع ./اتصرف يا ادهم خلينا نروح المستشفى .
ادهم هز راسه بسرعه و شال كاميليا و نزلو .
_______________________________________
الدكتور خرج و علامات الاسف علي وشه ./لازم تعمل العمليه دلوقتي .
مريم بصدمه و دموع ./ازاي يا دكتور . كاميليا لسه متمتش السن .
الدكتور بسرعه ./اكتر من كده ممكن تفضل علي جهاز الأكسجين . لازم تعمل العمليه حالا و احنا هنا هنعمل اللازم عشان نحافظ علي حالتها .
ادهم ./طب لو ينفع نخليها تسافر بره .
الدكتور هز راسه برفض ./مينفعش حالتها متسمحش نهائي . و احنا هنا هنعملها كل الإجراءات بس لو خرجت من هنا من غير ما تعمل العمليه . انا هشيل مسئؤليتي لو حصلها حاجه .
ادهم هز راسه بهدوء . و الدكتور سابه و مشي .
مريم دخلت في حضن ادهم بعياط ./هتروح مني يا ادهم ..
ادهم حرك أيده علي شعرها يهديها بحنان ./اهدي هتبقي كويسه والله . صدقيني ده احسن ليها بدل ما تتعب اكتر .
________________________________________
عند معتز و نور .
معتز حضن نور من ضهرها بهدوء ./هتفضلي زعلانه كده كتير .
نور هزت راسها بزعل مصطنع . معتز باس خدها بحب ./حقك عليا .
نور لفتله بهدوء ./يعني خلاص هتخلينا نرجع مصر .
معتز اتنهد بهدوء ./ يا نور انا شغلي هنا بقي ماشي كويس اوي . و الولاد كمان مستقبلهم هنا هيكون احسن بكتير . انا كل اللي اقدر اعمله أن إحنا نسافر في الاجازه .
نور اتنهدت بضيق ./ يا معتز انا حياتي هناك وحشتني . انا هنا بخاف اروح مكان من غيرك أتوه .
معتز دفن وشه في رقبتها بتوهان ./متنزليش من غيري .
نور غمضت عينيها بضعف . معتز اتكلم بهدوء ./زين و وعد نايمين و انتي بقالك كتير قاسيه عليا .
نور لفت ايديها حوالين رقبته بكسوف .
______________________________________
بعد سبع ساعات .
مريم و ادهم جريو علي الدكتور لما شافو خرج .
ادهم بسرعه ./ هي عامله ايه دلوقتي .
الدكتور بهدوء ./ الحمدلله العمليه عدت علي خير هننقلها اوضه عاديه و تقدره تشوفها كمان ساعتين .
مريم حضنت ادهم بدموع . ادهم ابتسم بهدوء./خلاص يا حبيبتي هي بقت كويسه .
ادهم خرجها من حضنه بهدوء بس لقي جسمها غير متزن .
ادهم حرك أيده علي وشها بخفه ./مريم . مريم في ايه مالك ..
ادهم شالها بسرعه و دخلها الاوضه و دخل وراه الدكتور و الممرضه .
الدكتور كشف عليها و بعد بهدوء ./ضغطها عالي شويه ممكن يكون بسبب الضغط اللي اتعرضتله . هنعملها تحاليل و هديها مهدئ و هتفوق انشاء الله .
ادهم بصله بخضه ./تحاليل ليه .
الدكتور ابتسم بهدوء ./ده مجرد إجراء روتيني عشان لو في نقص في الفيتامينات متقلقش .
و سابو و مشي .
ادهم قعد جمب مريم بقلق و ركن دماغه علي ايديها و هو بيحرك أيده علي شعرها .
________________________________________
بعد وقت كبير كانت مريم و ادهم عند كاميليا .
مريم هزت راسها بدموع ./هي مفقتش ليه يا ادهم .
ادهم حرك أيده علي شعرها بحنان./مريم كفايه عياط انتي مش ناقصه ..و الدكتور طمني و قال اني هي هتاخد وقت علي بال ما تفوق بس عشان خاطري اهدي .
مريم بصتله بدموع و مسكت ايديها و فضلت تبص عليها بدموع .
الممرضه دخلت عليهم بهدوء ./استاذ ادهم الدكتور عايز حضرتك تحت .
مريم قامت بقلق ./انا هنزل معاك .
ادهم ابتسم بهدوء./يا مريم هنزل اشوفه و اجي . و انتي خليكي مع كاميليا عشان لو فاقت. متقلقيش .
_______________________________________
ادهم دخل عند الدكتور و قعد قصاده بهدوء ./خير يا دكتور . كاميليا كويسه صح .
الدكتور هز راسه بأسف ./ كاميليا حالتها الصحيه كويسه جدا و هتمارس حياتها طبيعي من غير تعب .هو الموضوع يخص مدام مريم مش كاميليا .
ادهم اتعدل بسرعه ./مريم مالها .
الدكتور طلع التحاليل بهدوء ./لما مدام مريم أغمي عليها عملنالها تحاليل كـ إجراء روتيني بس عشان نطمن عليها بس التحاليل مطمنش خالص .
ادهم سحب التحاليل بغضب و فتحها بس مفهمش حاجه ./ التحاليل دي فيها ايه . انا مش فاهم منها حاجه فهمني .
الدكتور ./مدام مريم عندها ورم في الرحم . دي مجرد تحاليل مبدايه اللي بينتلنا الحاله ماشيه ازاي . في تحاليل و اشاعات و اجراءات تانيه كتير . بس لازم تتعمل في اقرب وقت .
ادهم وقف بعدم فهم ./ اكيد في حاجه غلط . مستحيل مستحيل .. مريم معندهاش اي اعراض . مريم كويسه معندهاش حاجه انا متاكد .
الدكتور ./اتفضل اقعد يا استاذ ادهم .....
ادهم قعد بضيق و هو مش عارف يستوعب اللي بيقوله .
الدكتور ./انا مكنتش عايز اقول حاجه زي كده غير لما نتأكد الاول . بس مدام مريم نسبه كبيره من الورم اللي عندها خبيث بس هي في المراحل الأولي انشاء الله . بس احنا عارفين أن الأورام السرطانية مش بتظهر اعراضها غير في النهايه . يعني في امل و امل كبير .
ادهم مسك دماغه بتعب ./مستحيل ..في حاجه غلط انا متاكد .
الدكتور ./تقدر تاخد التحاليل لاي دكتور غيري هيقولك نفس الحاجه . بس ياريت حضرتك متتاخرش علي علاجها اكتر من كده عشان حالتها متسوئش اكتر من كده .

وووو يتبععع ....
امتلكني بالاجبار الجزء التاني
بقلم ملك عبد المنعم