أمتلكني بألاجبار

الثالث عشر

13------
أمتلكني بألاجبار
بقلم ملك عبد المنعم
ادهم فتح الباب بهدوء و هو بيبص على عاصم باستغراب .
عاصم بصله بغرور/مش هتقولي اتفضل و لا نتكلم على الباب.
ادهم /لا اتفضل .
عاصم دخل و هو بيبص على كل جزء من الفيلا بتركيز . و بص على ادهم اللي وقف قدامها بابتسامة. /دكتور عاصم اتقابلنا قبل كده في المستشفي و لا حضرتك نسيت.
ادهم /لا فاكر .بس مش عارف الصراحه ايه اللي جابك هنا .
عاصم بص على مريم اللي نزلت على صوت الباب . /ازيك يا مريم فكراني و لا لحقتي تنسي .
مريم وقف جمب ادهم بتوتر./الحمدلله.
ادهم/مقولتليش ايه اللي جابك هنا .
عاصم /هي مدام مريم مقالتلكش و لا ايه . انا كنت فاكر أنها مش بتخبي عليك حاجه.
مريم بصت على ادهم بخوف اللي بصلها بهدوء .
ادهم/ طب ما تعرفني اللي مريم كانت هتقولهولي .
عاصم بص لمريم بسخرية و رجع بص لادهم / معقول جوازكم حصل بسرعه . لدرجة أنك متعرفش أن ابو مراتك تاجر في مخدرات .
مريم بصت على ادهم بتوتر . /لا والله هو كداب .
عاصم / طب لو انا كداب . ليه عيشتي لوحدك . و ليه كنتي بتتعالجي عندي . و ليه هربتي من ابوكي ... كمل بسخريه ....معقول يا مريم متعرفيش ادهم باشا بكل حاجه .
عاصم بص لادهم بخبث ./طبعا جوازكم اللي حصل بسرعه هو اللي خلاها متلحقش تقولك حاجه. و اكيد انت عارف خبر زي ده ممكن يأثر عليك ازاي .
ادهم بص لمريم بهدوء مخيف/عرف جوازنا حصل بسرعه ازاي .
مريم بدموع/انا . والله معرفش .
ادهم بغضب و هو بيشد عاصم من قميصه ./انا ممكن اخد روحك في ايدي . و محدش يقدر يعملي حاجه وقتها . بس انا هخليك تسكت و بمزاجك حفاظاً على روحك .
عاصم بعد و بصله بخبث/ انا لو عليا هسكت بس مضمنش لو في ناس غيري ممكن تسكت و لا لا .
ادهم بصله بهدوء مخيف/ عايز تقول حاجه اتفضل قول مش همنعك . بس هخليك تكره نفسك في اللي يوم اللي قررت تلعب فيه مع ادهم نصار .
عاصم بصله بغضب . و سابه و مشي .
ادهم بص على مريم بغضب و سحبها من ايديها و همس /عرف جوازنا منين يا مريم .
مريم بدموع/معرفش . والله معرفش حاجه.
ادهم بغضب/مريم مش هكرر كلامي تاني .
مريم بصتله بخوف/انا والله معرفش . هو كلمني من يومين .بس انا والله مكلمتوش و عملتله بلوك والله. مقولتلوش حاجه.
ادهم مسح على وشه بغضب و هو بيبص علي جسمها اللي بقي بيترعش من الخوف/ليه هربتي من ابوكي يا مريم . ليييه تخلي واحد زي ده . يبتذني بسببك .
مريم بعدت بدموع /انت لو خايف على نفسك طلقني و سبني في حالي .
ادهم خبط أيده على الحيطه بغضب/كل شويه طلقني طلقني . طلاق مش هطلق يا مريم . و مفيش قدامك دلوقتي غير انك تقوليلي كل حاجه. عشان الحق اصلح مليون غلطه ممكن تحصل بسببك .
مريم/ انت مش من حقك تعرف اي حاجه يا ادهم . انا مش عايزاك . و كل يوم بفضل فيه معاك بكرهك اكتر من الاول يا ادهم .
ادهم سحبها من دراعها/لا من حقي . من حقي يا مريم . و مش هتتحركي من هنا غير لما اعرف كل حاجه .
مريم خبت وشها بدموع و هي بتترعش من الخوف .
ادهم بغضب اكبر/ هربتي ليه يا مريم . انطقي .
مريم بخوف/كان عايز يقتلني .
ادهم بصلها بعدم فهم/يقتلك . ابوكي هيقتلك ليه .
مريم بدموع/عشان هددته اني اعرف الناس حقيقته . و لما موافقتش علي الجواز هددني و قالي أنه هيقتلني  و يقتل كاميليا.
ادهم و هو بيحاول يهدي نفسه/مريم انا عايز اعرف كل حاجه و دلوقتي.
مريم غمضت عينيها بدموع/ هو كان عايزني اتجوز ابن عمي . بس هو مكنتش موافق و لا انا. و لما رفضت هددني هيجوزني بالعافيه . و لما هددته اني هقول لعمي على شغله . خالتي كانت بتهددني بكاميليا و أنها هتقتلها زي ما قتلت امي .
ادهم/خالتك قتلت امك. طب ازاي و ليه. 
مريم حطت ايديها على وشها/معرفش. والله معرفش .
ادهم غمض عينه بحزن و سحبها لحضنه بهدوء . مريم بعدت بغضب /متقربش مني تاني . انت بني ادم مريض. زيك زيو يا ادهم . انا بكرهك و بكرهو .
ادهم قرب منها بهدوء/مريم . خلاص اهدي و مش هعملك حاجه .
مريم بدموع/طلقني . و حيات اي حاجه بتحبها طلقني يا ادهم . و انا مش هعملك حاجه. و اوعدك مش هتشوف وشي تاني .
ادهم /مش قادر يا مريم . مش هقدر .
مريم بدموع/مش انت اتجوزتني عشان تحافظ على شغلك . طلقني و احمي نفسك و اسمك عشان عاصم ميهددكش بسببي .
ادهم/لا يا مريم. هعمل اي حاجه بس مش هطلقك يا مريم .
مريم بصتله بيأس و طلعت اوضتها .
_________________________________
نصار /خليه يدوق شويه من اللي خلاني ادوقه كل يوم .
علي /بس انت كده هتستفاد ايه ما يمكن يطلقها .
نصار/هو ده اللي عايزه . البنت دي لو بقت معانا حاجات كتير اوي هتتغير . حياة ادهم كلها هتدمر بسبب البنت دي .
علي /و لو مطلقهاش .
نصار غمض عينه بخبث/يبقي ادهم وقع في الفخ . و هي قصاد نوران .
علي بخوف/نصار ده ادهم بلاش اللعب معاه .
نصار بغضب/هو اللي لعب معايا يوم ما خلي بنتي تنتحر بسببه . و يوم ما حرق قلبي عليها . يبقي لازم يدوق من نفس الكاس . ادهم نصار لازم ينتهي .
_________________________________
معتز ببرود/خايف تعترف لنفسك بالحقيقه يا ادهم .
ادهم/حقيقة ايه .
معتز بخبث /انت حبيتها يا ادهم .
ادهم برفض/لا انا مش بحبها و لا بحب حد  .
معتز/طب طلقها و ريح نفسك من دوشة عاصم .
ادهم /مش عايز أطلقها يا معتز افهم .
معتز بخبث/ اومال اتجوزتها ليه .
ادهم /عشان اتحدتني يا معتز .عشان مفيش بنت قدرت تحط عينيها في عيني زي ما هي عملت . مفيش حد على وجه الارض قدر يتحداني . كان لازم تتعلم درس قوي مني .
معتز ببرود/و انت كده علمتها . متجوزها و عايش معاها و مش عايز تتطلقها. و مش قادره تقرب منها و خايف علي اذيتها . و لما طلبت شغل نزلتها شغل معاك عشان متبعدش عنك . و لما طلبت الطلاق رفضت عشان مخلصتش انتقامك . و انتقامك ده هيبتدي امتي يا ادهم .
ادهم بصله بضيق و هو بيحط دماغه بين أيديه/مش عايز أطلقها يا معتز . لما بسمعها بتقول طلقني ببقي هتجنن . انا مش هممني الشغل . بس كان كل همي اعرف ايه حصل معاها . ليه دايما خايفه علي نفسها و على اختها. كنت عايز اعرف كل حاجه عنها . كان نفسي اكون انا اللي عارف كل ده مش واحد زي عاصم و جاي يهددني بكلام فارغ .
معتز/طب ما انت عارف ان تهديد عاصم مش فارق معاك . و اللي كان فارق معاك خوفها . تقدر تقولي هتعمل ايه دلوقتي.
ادهم بصله بيأس .
معتز/ انت خايف عليها و لا منها.
ادهم بعدم فهم/هخاف منها ليه .
معتز بخبث/من تأثيرها عليك . في يوم و ليله خلتك تتجوزها . و في شهرين بقيت مهووس بيها و مش قادر تعترف لنفسك . عايز تبعدها عشان تثبت لنفسك عكس كده . و انت بتقربها منك اكتر يا ادهم . متقدرش تنكر أن هي اللي انتقمت مش انت يا ادهم .
ادهم بص عليه بشرود و غمض عينه بنوم .
_______________________________
مريم فتحت عينيها بضيق من حركة ادهم في الاوضه . 
ادهم بص عليها بهدوء/كل ده نوم .
مريم بضيق/ انا فضلت صاحيه طول الليل و منمتش غير الصبح .
ادهم /و فضلتي صاحيه ليه .
مريم بتوتر /اصل انت خرجت و مجتش .
ادهم قرب منها بهدوء/امم . معرفتيش تنامي و انا مش موجود .
مريم بسخريه/اكيد لا . بس فيلا طويله عريضه زي دي هخاف انام لوحدي و مفيش اي حد معانا . و عاليه بتمشي بليل و بتيجي الصبح . اكيد لازم اخاف.
ادهم اتنهد بضيق/ بكره هتتعودي يا مريم .
مريم /هنروح الشركه انهارده.
ادهم /لا .
مريم بضيق/ليه .
ادهم حرك أيده على خدها بهدوء/شايف اني لازم اخد اجازه اسبوع و جهزي شنطتك عشان هنسافر بكره .
مريم /بس كاميليا مش هينفع عشان المدرسه .
ادهم /هتسبيها عند خالتك و السواق بتاعي هيوديها و يجيبها كل يوم .
مريم /لا انا مينفعش اسيبها. 
ادهم بضيق / مش هيحصلها حاجه يا مريم . و جهزي نفسك عشان نكون جاهزين عشان خطوبة نور . اكيد مينفعش تروحي من غير جوزك.
____________________________
اماني بزهق/علي انا زهقت . احنا هنفضل لغاية امتي مخبيين جوازنا .
علي /يا حبيبتي فترة بس لحد ما اعرف اضبط شغلي . و يكون اخويا رجع من امريكا .
اماني /بس انا زهقت من كده . بنتقابل في السر زي الحراميه. و انا مش عارفه اقول لاخويا ايه تاني .
علي بضيق/ يوه يا اماني مش كل ما تشوفي وشي تسمعيني نفس الكلام .
اماني /اومال هنفضل لحد امتي كده . انا عملت اللى اتفقنا عليه و ساعدتك في موضوع مريم. بس انت موفتش بوعدك معايا .
علي حرك أيده على وشها بخبث /يا حبيبتي انا مش عايزك تشيلي هم اي حاجه. شهر بس و هضبط اموري و اجي اخطبك فورا. بس بلاش كل ما نتقابل تضيعي الوقت كلو في كلام فارغ .
اماني بخنقه/هو جوازنا دلوقتي بقي خنقه يا علي .
علي /لا طبعا ياروحي بس ده مش وقته
_______________________________
نور حضنت مريم بفرحه ./كنت فكراكي مش هتيجي .
مريم ابتسمت بهدوء/لا طبعا مقدرش مجيش. بس ايه الجمال ده كله .
نور /بجد شكلي حلو .
مريم/اوي يا حبيبتي . ربنا يتمملك على خير.
نور ابتسمت و هي بتبص على انعكاسها في المرايا./كفايه خوف بقي . ادهم كلم ماما و قالها أنه هيخلي كاميليا عندنا .
مريم /قلقانه عليها اوي يا نور .
نور /متخفيش عليها هي هتكون معايا . و ليكي عليا اخليها تكلمك كل يوم . اضحكي بقي .
مريم ابتسمت بهدوء .
________________________________
نور ابتسمت بدموع و اسر بيلبسها الدبله و بيبصلها بحب .
اسر قرب من ودنها/ امسحي دموعك دي . مش بحب اشوفها.
نور ابتسمت و هي بتمسح دموعها.
اسر بحب /مبروك عليا يا نور عيني .
نور ابتسمت بكسوف .
فاطمه ميلت على ادهم بهمس./شيل عينك من علي البنت مش هتتخطف .
ادهم ابتسم بهدوء . و هو شايفها مبسوطه .
________________________________
مريم قعدت على السرير و دموعها بتنزل في صمت.
ادهم اتنهد بضيق و قعد قدامها ./طب بتعيطي ليه دلوقتي.
مريم بدموع/متعودتش أنها تسيبني يا ادهم .
ادهم / يا مريم يومين و هنرجع و كمان نور و خالتك معاها و هتتطمني عليها وقت ما تحبي .
مريم بصتله بدموع و سكتت . ادهم رجع شعرها وره ودانها بهدوء و مسح دموعها بأيده . /خلاص بقي بطلي عياط .
مريم حركت راسها بهدوء. و اتكلمت بتوتر من نظراته/انا هدخل اغير هدومي .
ادهم مسك أيديها برفض . و ميل باسها بهدوء تحت صدمتها و هو محاصرها بين أيديه ووووو .....
امتكلني بألاجبار
بقلم ملك عبد المنعم