5-----
أمتلكني بألاجبار
بقلم ملك عبد المنعم
مريم فتحت عينيها بخضه و هي بتبص حواليها مسحت على وشها بضيق و هي بتفتكر اللي حصل امبارح بحزن ..
مريم فتحت الباب بخوف و هي بتنادي علي كاميليا بس بلعت ريقها بخوف لما خبطت في ادهم
ادهم بصلها بتقيم/بتترعشي كده ليه
مريم بتوتر/كاميليا.. كاميليا فين .
ادهم رد عليها و هي بيدخل الاوضه و بيخلع جاكيت البدله/كاميليا زمنها في المدرسه دلوقتي متقلقيش السواق بتاعي وصلها و اطمن أنها دخلت المدرسه كمان
مريم قعدت على السرير و دموعها بتنزل بصمت
ادهم اتنهد و هو بيبص عليها.مش مصدق أن كل ده من خوفها على اختها.. مش عارف يصدقها و يصدق أن مشاعرها دي حقيقية..
ادهم قعد جمبها و اتكلم بهدوء/مش ملاحظه ان خوفك على اختك بزيادة شويه
مريم بصتله بسخريه و هي بتمسح دموعها/معنديش حاجة غيرها اخاف عليها
ادهم ببرود/انا مش هأذيها لو كنت هعمل كده كنت هعمل عشان احقق اللي انتي فيه دلوقتي مطلاما اتحقق يبقي معنديش سبب يخليني أئذيها
مريم بدموع/طب عملت كده ليه انا قولتلك ممكن أصلح اللي عملته..انا عندي استعداد والله اغير كلامي ..بس انت مش هتستفاد حاجه من وجودي هنا
ادهم حرك أيده علي وشها بهدوء/و مين قالك اني مش هستفاد..ده انا هستفاد كتير اوي و اظن انتي كمان هتستفادي..في لحظه مسك شعرها بين أيديه و همس جنب ودنها..ده انتي مرات ادهم نصار فوقي و اعرفي انتي بتتكلمي مع مين..عشان متشوفيش وش اوحش من اللي انتي شايفاه يا مريم .
ادهم قام و هو بيرمي مريم على السرير و بيتكلم/اجهزي دكتورة العلاج الطبيعي جايه كمان ساعه
و سبها و مشي..
____________________________
نصار ابتسم بخبث/دي كده مش محتاجه خالص
علي /العربيه اللى كانت بتراقبهم كانت بتراقبها هي من قبله يعني المقصوده هي مش هو
نصار ضحك بشر/احنا نختفي احسن كفايه عليه اللي هيحصله
علي /تقصد ايه يا باشا
نصار/اقصد أن اللي احنا بنحاول نعمله في سنين جت هي و هتعمله في يومين و من غير اي مساعده خليه فرحان بعروسته و خلينا احنا نتفرج من بعيد
علي ابتسم بخبث/تفتكر دي ممكن تكون معاه و لا معانا
نصار بخبث/هي مش معاه و لا معانا بس احنا نعرف نخليها معانا
___________________________
عند جلال ...
ناديه دخلت عليه و هي بتبص عليه بخبث/تعالي شوفي يا حبيبي بنتك
جلال بفرحه/مالها بعتت فلوس
ناديه /و هي اللي زي دي هتفتكرك انت ليه و هي في العز لوحدها
جلال بقرف/مطلاما مبعتتش يبقي مالها
ناديه بخبث/بنتك قاعده عند راجل كبير اوي في الفيلا بتاعته هي و اختها
جلال وقف بغضب/انتي عارفه اللي بتقوليه ده لو طلع غلط ممكن اعمل فيكي ايه
ناديه/لا يا حبيبي مش غلط انت اللي نايم على ودانك و مش دريان باللي بنتك بتعمله من وراك الاول خدت اختها و مشيت و دلوقتي قاعده مع راجل في فيلته والله اعلم لو اول مره و لا متعوده
جلال بصلها بعيونه اللي احمرت من الغضب/فين العنوان
ناديه ابتسمت و هي بتديله الورقه/اهو روح شوف هتعمل ايه مع السنيوره بنتك
جلال خد الورقه و مشي بغضب و هي ابتسمت بخبث و هي بتقول/اللي معرفتش اعمله في امك خديه انتي مكانها
____________________________
عند مريم
كانت الدكتوره موجوده و هي بتحاول تساعد مريم في العلاج .
في الناحيه التانيه كان قاعد ادهم اللي كل خمس ثواني يخطف نظر على مريم اللي بتتوجع ..
الدكتور ابتسمت /ساعديني شويه هو الموضوع صعب بس انتي حالتك متستهلش كل الحزن ده
مريم ابتسمت بهدوء/بس انا بحس بتقل في دراعي و لما بتحركيه مش بحس بيه
الدكتوره/ده طبيعي عشان لسه في البدايه بس متنسيش أن أهم حاجه في حالتك النفسيه بلاش الدموع اللي في عينك و اليأس ده كله
مريم /شكرا
الدكتوره ابتسمت و هي بتديها ورقة التعليمات/كفايه عليكي كده النهارده و بكره هجيلك في نفس الميعاد
ادهم قرب منها و اتكلم بهدوء /تعبناكي معانا يا دكتوره
الدكتوره/لا مفيش تعب و لا حاجة بس اهم حاجه النفسيه الكويسه عن اذنكم .
ادهم قرب من مريم اللي كانت بتهرب بعيونها بعيد عنه ..
ادهم اتنهد بصعوبه/الدكتور كلمني و قالي أن حالتك كويسه و ان العلاج محتاج مجهود منك و نفسيه كويسه زي ما الدكتوره قالت
مريم بسخريه/و انت شايف أن اللي احنا فيه ده ممكن يساهم في علاج حاجه
ادهم ببرود /اللي انتي فيه ده بقيتي فيه خلاص اظن تفكري في اللي انتي فيه دلوقتي مش تفكري في اللي حصل و لو مش خايفه على نفسك خافي على اختك اللي هتعمل ايه من غيرك لو حصلك حاجه
مريم غمضت عينيها بحزن بس فتحتها على صوت كاميليا اللي جت من المدرسه على حضنها
مريم طلعتها من حضنها /مش قبل ما تروحي المدرسه بردك كان المفروض تيجي تقوليلي و تديني الحضن بتاع كل يوم
كاميليا ببراءة/كنت هجيلك بس عمو ادهم قالي انك تعبانه و نايمه و ركبني العربيه و قالي أن عمو هيوديني من المدرسه و يجبني
مريم مشت ايديها على شعرها بحب /ماشي بس بعد كده قبل ما تروحي في مكان تقوليلي حتي لو نايمه تصحيني
كاميليا حركت راسها و هي بتبص على ايد مريم /ايدك لسه وجعاكي
مريم حركت راسها ببراءة/ايوه بس مش هطول حبه صغيرين كده
ادهم كان واقف من بعيد بيتابع حوارهم و هو مبتسم مش متخيل أن في علاقة حب بالشكل ده ازاي قادره تزيف حزنها قدام اختها و تتعامل ببراءة معاها ادهم ضحك على برائتهم لدرجة أن مريم و كاميليا بصو عليه بأستغراب
ادهم اتكلم بابتسامة/طب يلا يا كاميليا اطلعي غيري هدومك عشان الغداء
كاميليا حركت رأسها ببراءة و مشت.
ادهم بص على مريم بتقيم/هما أهلك فين يا مريم
مريم بصتله بتوتر/ليه
ادهم/بسأل عادي اصلي مستغرب ازاي باباكي و مامتك سايبينك انتي و اختك لوحدكم
مريم سكتت بتوتر و ادهم وقف قدامها و هو منتظر ردها
بس قطع كلامهم و شرودهم صوت واحد هي عرفاه كويس
مريم بلعت ريقها بخوف/بابا
ادهم بص عليه بتعجب و هو بيبص على خوف مريم
و جلال بص عليه بغضب و هو بيطلع السكينه من جيبه ووو...
أمتلكني بألاجبار
بقلم ملك عبد المنعم
أنت تقرأ
أمتلكني بألاجبار
Roman d'amourهاديه و جميله كل هدفها سعادة اختها بتقع في طريق شخص عنيد و اناني هدفه فلوسه بس يا تري القدر هيكون ليه رأي تاني؟ ممكن تنجو من اذي أهلها ..بس يا تري هتنجو من أذاه ؟
