أمتلكني بألاجبار

الجزء التاني . البارت السادس .

6------
امتلكني بالاجبار الجزء التاني
بقلم ملك عبد المنعم .
ادهم فضل ماشي بتعب و هو عمال يفتكر كل حاجه بينهم و مش متخيل أن مريم ممكن يكون عندها حاجه . ادهم غمض عينه بوجع و افتكر كلام الدكتور أن مفيش وقت و رن علي معتز .
معتز بمرح ./وحشتك و لا ايه .
ادهم بجمود ./هبعتلك تحاليل تخص حد اعرفه . شوف احسن دكتور عندك و خليه يشوف نتيجة التحاليل دي ايه .
معتز اتعدل بهدوء ./حاضر ماشي . بس انت كويس .
ادهم اتنهد بتعب ./بعدين يا معتز بعدين .
ادهم قفل و صورله التحاليل و اتنهد بهدوء قبل ما يدخل عند مريم و كاميليا .
مريم ابتسمت بهدوء لما شافته . /كاميليا اول ما فاقت سألت عليك .
ادهم ابتسم بهدوء و قرب منهم . ادهم باس راس كاميليا بمرح ./ كده تقلقينا عليكي .
كاميليا هزت راسها بهدوء عشان مكنتش عارفه تتكلم .
مريم بصتله بهدوء ./الممرضه كمان قالتلنا أنها ممكن تخرج بعد يومين و تكمل المتابعه في البيت .
ادهم حرك أيده علي شعرها بهدوء ./الحمدلله أننا اطمنا عليها .
كاميليا ابتسمت بهدوء و مسكت ايد مريم و غمضت عينيها بتعب .
مريم بصت علي ادهم بشك ./انت كويس .
ادهم هز راسه بهدوء ./كويس يا حبيبتي كويس .
مريم اتنهدت بشك و هي بتبص علي كاميليا لحد ما نامت جمبها . ادهم قعد بعيد يبص عليه بهدوء و قرب منها و نزل لمستواها و هو بيبعد شعرها عن وشها بتأمل . و بعدين غمض عينه بضيق لما افتكر كلام الدكتور . ادهم مسك ايد مريم بهدوء و حط دماغه علي رجلها لحد ما نام .
بعد شويه مريم فتحت عينيها بنوم و ابتسمت بهدوء و هي شايفه ادهم حاضن ايديها و كاميليا ماسكه ايديها التانيه و كملت نوم .
________________________________________
نوران ./مش هعرف اروحلها تاني . ابتديت احس انها هتشك فيا .
.../خلاص اختفي يومين كده و حاولي تروحيله الشركه بـ اي طريقه. و انتي كده كده مينفعش تروحي دلوقتي هما زمانهم في المستشفي.
نوران ./مستشفى ليه .
..../اختها بتعمل عمليه . يعني وجودك معاها مش هيعمل حاجه بس وجودك جمبه هيعمل . عشان كده لازم تكوني معاه و لوحده و انتي و شطارتك .
نوران بسخرية ./ادهم بيموت في مريم . مستحيل حتي يفكر فيا أو في غيري . رغم أن انا اللي عيشت معاه اكتر منها . بس هو ممكن يفضلها عن اي حاجه في الدنيا .
....../و مين قال إننا عايزينه يكرها . مفيش راجل مبيضعفش يا نوران . و لحظة ضعف ادهم الايام الجايه و انتي و شطارتك .
نوران اتنهدت بتفكير .
______________________________________
تاني يوم .
نصار كان قاعد عند اماني و هو بيلعب مع فريد بضحك .
اماني قربت منهم بضحك علي حركات فريد و ابتسمت عليهم بهدوء . /اول ما حضرتك بتيجي بينسي نفسه و حياته .
نصار شاله لحضنه بحزن ./فريد ده اغلي حاجه عندي . احلي حاجه عملها أبوه في حياته . كأن ربنا عايز يسعدنا بـ اجمل فريد في الدنيا .
اماني ابتسمت بحزن . /مفيش اخبار جديده .
نصار هز راسه بضيق ./بس مش عايزك تخافي . ادهم موصي عليكي حراصه كبيره اوي و مفيش اي حد يقدر يدخل هنا .
اماني هزت راسها بهدوء ./ الحمدلله أن ربنا وقفلي ناس ولاد حلال زي حضرتك و ادهم بيه و الا كان زماني مرميه انا و ابني في الشارع .
نصار ابتسم بهدوء ./متقوليش كده انتي زي بنتي و فريد زي حفيدي . و انتي و هو مسئوليتي لحد ما اموت .
اماني ابتسمت بهدوء و هي بتبص علي فريد بدموع فرحه .
________________________________________
الدكتور كان عند كاميليا في الأوضه بيكشف عليها .
الدكتور بعد عنها بهدوء ./الحمدلله حالتها كويسه و عكس توقعاتنا .
مريم ابتسمت بدموع ./ الحمدلله . هي تقدر تخرج امتي .
الدكتور بهدوء ./ممكن بكره . بس اهم حاجه في ورقة تعليمات باكلها و مواعيد علاجها شوية حاجات كده لازم تمشي عليها شهر عشان حالتها تتحسن و انا هتابع حالتها من وقت للتاني .
مريم هزت راسها بهدوء و هي بتبص علي كاميليا بحب و هي بتفتكر كانت خايفه عليها ازاي .
ادهم سحب كرسي و قعد جمبهم بهدوء ./تحبي تروحي تطمني علي زين و دنيا و انا افضل معاها .
مريم بصت عليها برفض أنها تسيبها . كاميليا ابتسمت بتعب ./ممكن تروحي تشوفيهم .
مريم هزت راسها برفض ./انا مش همشي من هنا غير و انتي معايا .
مريم بصت لـ ادهم بتوتر ./لو انت تعبان ممكن تروح و تجيلنا بليل .
ادهم ابتسم و هز راسه برفض ./مش هسيبكم لوحدكم انا هطمن عليهم من داده عاليه و هخلي ندي نفضل معاهم  و مش هنمشي غير و كاميليا معانا .
مريم ابتسمت بهدوء و هي بتبص علي كاميليا.
_______________________________________
بعد يومين ... كانت كاميليا و مريم و ادهم رجعو البيت . و مريم كانت مهتميه بـ كاميليا اوي و بتحاول تضحك رغم قلقها عليها .
عز حضن مريم بعياط . مريم حضنته بدموع. /خلاص اسفه مش هسيبك تاني والله .
عز خرج من حضنها و هو بيبص عليها بدموع . مريم حركت أيديها علي خده بحب ./خلاص بقي حقك عليا .
مريم فضلت تبوس فيه و تضحكه لحد ما ضحك معاها و لعبو سواء .
تحت عند ادهم ....
ادهم فتح تليفونه بهدوء و شاف معتز مكلمه كتير . رن عليه بتوتر من النتيجة و كلمه .
معتز بهدوء ./بكلمك بقالي كتير يا ادهم في ايه .
ادهم اتنهد بهدوء ./كان ورايا شغل كتير معلش . المهم عملتلي ايه في اللي قولتلك عليه .
معتز ./ الدكتوره قالت أن في احتمال كبير يكون في ورم و غالبا في الرحم و في تحاليل تاني هي اللي هتبين لو الورم ده حميد أو خبيث .
ادهم غمض عينه بضيق و تعب . معتز بشك./ادهم انت معايا .
ادهم . /اه معاك . بس معلش هقفل عشان عندي شغل .
ادهم قفل و فضل قاعد تحت بتفكير و هو مش عارف يعمل ايه .
مريم كانت شايله دنيا بهدوء لحد ما نامت . قربت من السرير و حطيتها بحرص و وقفت قصادها بتأمل ./هتطلعي شبهي فعلا .
مريم ضحكت بصوت واطي . مريم ابتسمت بهدوء و هي مبسوطه بالهدوء اللي في البيت بعد ما كله نام . و افتكرت أن ادهم مظهرش من ساعة ما رجعو .
مريم نزلت تحت و هي بتدور عليه لحد ما عرفت أنه في المكتب . ادهم كان سرحان بتعب و هو بيفكر ممكن يعمل ايه بعد كده . لدرجة أنه مخدش باله أن مريم دخلت . مريم وقفت قدامه بشك ./ادهم في ايه. 
ادهم فاق و ابتسم بهدوء ./نزلتي ليه .
مريم بصت عليه بشك ./كاميليا و العيال نامو . و انت سايبني و قاعد لوحدك هنا .
ادهم ابتسم عليها بحب و سحبها قعدها علي رجله بهدوء. /خلاص انا اسف.
مريم بصتله بزعل متصنع و مردتش . ادهم ابتسم عليها بخبث ./اروح اصالحك فوق احسن .
مريم هزت راسها بكسوف. /لا أنا مش زعلانه خلاص .
ادهم هز راسه برفض و زعل مصتنع ./لا انا ميرضنيش انك تبقي زعلانه. 
مريم حطت دماغها علي صدره بهدوء. /مش زعلانه خلاص .
ادهم ابتسم بهدوء و حرك أيده علي شعرها بحنان ./ مالك .
مريم غمضت عينيها بتعب ./اليومين اللي فاتو كان اصعب يومين عدو عليا . الحمدلله اني اطمنت عليها .
ادهم ابتسم بحزن ./الحمدلله يا حبيبتي . خلاص هي دلوقتي احسن بكتير و علي الاقل مش هتتعب تاني زي الاول. 
مريم رفعت وشها ليه بهدوء ./عندك حق .
ادهم حرك أيده علي خدها بهدوء ./نامي شويه انتي بقالك يومين منمتيش .
مريم هزت راسها بهدوء و دفنت راسها في حضنه لحد ما نامت .
ادهم بص عليها بهدوء و حضنها بتملك و نام هو كمان .
________________________________________
عز نزل من اوضته و هو بيدعك أيده في عينه بنوم لحد ما دخل مكتب ادهم . و ابتسم ببراءة لما شافهم موجودين . عز قرب منهم و مسك ايد مريم عشان يصحيها . عز ببراءة ../مامي..مامي ..
عز سكت بدموع و كمل ./مامي .
مريم فتحت عينيها بتعب ./ايوه يا عز صحيت امتي يا حبيبي .
عز مسك ايديها بضيق ./قومي يلا .
مريم ابتسمت بتعب و اتعدلت من حضن ادهم بهدوء ./حاضر بس انت قولي عايز ايه .
عز بص علي ادهم بضيق ./يلا نطلع بره .
مريم هزت راسها بهدوء ./حاضر .
ادهم فتح عينه بضيق و حاوط وسطها بتملك ./رايحه فين .
مريم ابتسمت بهدوء ./ اطلع كمل نومك فوق و انا هشوف عز .
ادهم اتعدل بضيق . /خير يا استاذ عز .
عز بص عليه بضيق و مسك مريم من ايديها تاني ./يلا يا مامي نطلع .
مريم ضحكت عليه بهدوء ./حاضر .
مريم اتعدلت عشان تقوم . بس ادهم سحبها بضيق ./حاضر ايه . الاستاذ غيران عليكي مني يا مريم .
مريم ابتسمت بهدوء ./ يا ادهم ده عيل صغير خليني اشوفه ماله .
عز بص عليهم بضيق و مستني مريم تخلص .
ادهم حرك أيده علي شعرها بهدوء ./عيل صغير علي نفسه بس يغير عليكي مني لا .
مريم بعدت بكسوف ./هشوفه و ابقي اجيلك يا ادهم .
عز مسك ايد مريم بنصر و بص علي ادهم و طلعله لسانه بضحك و مشي .
ادهم اتعدل بضيق ./ عيل صغير قال ده احنا اللي عيال .
مريم طلعت و قعدت و شالت عز علي رجلها ./ايه يا حبيبي مالك .
عز ضحك ببراءة ./جعان .
مريم ضحكت عليه بهدوء ./بس كده . حاضر هعملك احلي اكل .
عز ابتسم بفرحه و لف أيده حوالين رقبتها . مريم شالته بحب و دخلت المطبخ و قعدته علي الرخامه جمبها .
مريم وقفت قصاده بحذر ./اوعي تعمل حاجه او تتحرك عشان متقعش .
عز هز راسه ببراءة و ابتسم بسرعه .
مريم ضحكت عليه بهدوء . /بتستغل حبي ليك يا صغير انت .
مريم بقت تتحرك بسرعه في المطبخ عشان تعمله الاكل .
ادهم وقف علي باب المطبخ و ابتسم بهدوء . و بعدها افتكر كلام الدكتور و وشه بهت بخوف علي مريم . و قرر أنه يروح للدكتور بسرعه .
_________________________________________
مريم فضلت قاعده جمب كاميليا اللي كانت نايمه بهدوء .
ادهم دخل عندهم و ابتسم بهدوء. /مش يلا عشان تنامي شويه .
مريم هزت راسها بهدوء ./انا هنام معاها انهارده .
ادهم نزل لمستواها بهدوء ./يا حبيبتي الدكتور قال إننا لازم نحسسها أن كل حاجه عاديه . هي لو صحت و لقيتك جمبها هتحس أن في حاجه . و بعدين ما هي في الاوضه اللي جمبك في اي وقت ابقي تعالي اطمني عليها .
مريم هزت راسها بهدوء و مشت معاه .
ووو... يتبع ...
امتلكني بالاجبار الجزء التاني
بقلم ملك عبد المنعم .