أمتلكني بألاجبار

الجزء التاني . البارت التاسع

9--------
امتلكني بالاجبار الجزء التاني
بقلم ملك عبد المنعم
ادهم دخل البيت عند نصار .
نصار حضنه و سلم عليه بهدوء ./تعالي ندخل المكتب احسن .
ادهم هز راسه بهدوء و مشي معاه . نوران كانت واقفه بتوتر بتبص عليهم و هي مش عارفه ايه اللي جاب ادهم عندهم .
نوران نزلت بتوتر و وقفت عند الباب .
نصار ابتسم بهدوء . /قالب وشك ليه .
ادهم اتعدل بتوتر ./هو في حاجه لازم اتكلم مع حضرتك فيها.
نصار ابتسم و هز راسه بهدوء ./اتكلم انا معاك .
ادهم بهدوء ./وجود نوران في الشغل اللي بينا ممكن يعملي مشاكل بيني و بين مريم . و انا مش حابب ده يحصل عشان منوصلش لنتيجه اكبر من كده . حضرتك فهمني اكيد .
نصار هز راسه بتفهم ./انا فاهمك اكيد . بس انا كنت فاكر ان كل حاجه اتغيرت خصوصا أن نوران و مريم بقو صحاب . و كمان نوران طريقتها و تفكيرها كل حاجه فيها اتغيرت .
ادهم ابتسم بهدوء ./انا فاهم ده و انا مش بقول لحضرتك تخرج من حياتنا و علاقتها هي و مريم ملهاش دعوه بكل ده . الفكره ان نوران وجودها جمبي أو معايا في اي مكان هيسبب مشاكل و انا مش عايز ده يحصل . و علي فكره مريم متعرفش اني جاي اقول الكلام ده . و من اول مقابله لـ نوران معانا مريم أضيقت مني عشان طريقتي معاها .
نصار ابتسم بهدوء. /مش محتاج تبررلي حاجه . انت واحد خايف علي بيتك و مراتك و ده حقك . انا في الاول و الاخر عايز سعادتكم .
ادهم ابتسم بهدوء و سكت .
نوران اتعدلت بغضب و طلعت اوضتها بسرعه. نوران قفلت الباب بعصبيه. /مستحملش يخليني اكتر من كده . اكيد هي السبب و هي اللي قالتله يعمل كده . غبيه غبيه . فكراني مش هعرف ارجعه ليا بحركاتهم الزباله دي . لا يا مريم لا . ادهم مكنتش من حقك عشان يكون ليكي و حق التلت سنين اللي اتسجنتهم هخدهم منك و هوريكي يا مريم .
نوران سحبت تليفونها بغضب و عملت مكالمه و سحبت شنطتها و مشت .
______________________________________
مريم كانت بتلعب مع عز في الجنينه و هما مبسوطين .
مريم شالته بسرعه و وقعت بيه علي ضهرها .
مريم ضحكت و هي مسكاه ./مسكتك اهو .
عز بصلها بضيق مصتنع . مريم شالته لـ فوق ./هتفضل زعلان كتير .
عز ضحك و هو مبسوط و فضل يلعب برجله عشان تنزله .
عز بص علي ادهم اللي جاي من بعيد و شاور عليه بفرحه ./بابا .
مريم بصت لوره بهدوء و نزلت عز اللي جري عليه . و قامت و هي بتنفض هدومها .
ادهم شال عز بسرعه و هو بيلعب معاه . مريم قربت منهم بهدوء و خدت عز بضحك. /يلا عشان تغير هدومك عشان اتبهدلت .
عز ضحك بهدوء و اترمي عليها . مريم ضحكت عليه بحب و خدته و دخلت . ادهم اتنهد بهدوء و دخل وراها .
مريم ابتسمت بهدوء لـ ندي ./معلش يا ندي ممكن تغيريله هدومه .
ندي هزت راسها و ابتسمت بهدوء و خدته منها .
مريم بصت علي ادهم اللي دخل وراها . مريم وقفت قصاده بهدوء ./ندي هتيجي بعد كده من الصبح و هتفضل طول اليوم لحد ما نرجع.
ادهم بص عليها باستغراب ./نرجع منين .
مريم ابتسمت بسخرية ./من الشغل .
مريم طلعت بره في الجنينه و قعدت علي الكرسي بهدوء . ادهم بص عليها بضيق و ضغط علي أيده بغضب من تصرفاتها و اتنهد بهدوء عشان يعرف يتكلم معاها و طلع وراها .
ادهم قعد قصادها بهدوء ./ايه اللي حط في دماغك فكرة الشغل يا مريم .
مريم هزت كتفها بهدوء ./عادي تغيير .
ادهم ابتسم بسخرية. /و الاولاد انتي شايفه أننا ينفع نسيبهم في سن زي ده و ترجعيلهم بليل و ميشوفكيش غير كام ساعه في اليوم .
مريم ابتسمت بهدوء. /عادي يا ادهم ما انت بتعمل كده.
ادهم بضيق ./انا ابوهم و اوقات بقدر أوفق و اكون معاهم و اوقات بكمل شغلي من هنا عشان مسبكوش لوحدكم .
مريم اتنهدت بهدوء. /عادي يا ادهم هروح معاك الشغل و ابقي اخد اجازه وقت ما احب .
ادهم ابتسم بسخرية ./انتي عايزه توصلي لـ ايه يا مريم .
مريم ابتسمت بهدوء. /و لا حاجه . انا زهقت من قعدت البيت و من حقي أنزل اشتغل و لو مش عايزني معاك انا معايا كلية اعلام و لو قدمت في اي جرنال أو شركة اعلانات هتقبل .
ادهم ضغط علي أيده بغضب . و ابتسم بضيق ./اللي تشوفيه يا مريم .
مريم ابتسمت بخبث و قربت منه بكسوف و باسته علي خده ./ربنا يخليك ليا .
ادهم غمض عينه باستمتاع و علي بال ما فتحها كانت مشت من قدامه . ادهم غمض عينه بضيق من حركاتها . لـ نفسه ./ربنا يستر علي الفترة الجايه .
________________________________________
تاني يوم .
ادهم خرج من الحمام و بص علي مريم بصدمه . ادهم قرب منها بغضب ./ايه اللي عملاه ده .
مريم ابتسمت ببرود ./ايه مالي .
ادهم شاور علي وشها بضيق ./ايه الميكب ده . من امتي و انتي بتحطي ميكب.
مريم ربعت ايديها ببرود ./من دلوقتي .
ادهم رفع أيده بغضب من طريقتها و كورها بغضب ./مريم متختبريش صبري و اتفضلي امسحي اللي في وشك ده .
مريم بهدوء ./و لو ممسحتوش .
ادهم ابتسم بهدوء ./ يبقي هخليكي تمسحيه بطريقتي .
ادهم راح قفل الباب بالمفتاح و خد المفتاح في جيبه . و قعد ببرود علي الكنبه. /لما تقرري تمسحي اللي في وشك نبقي نفكر وقتها هنروح و لا لا .
مريم قربت منه بضيق ./انت هتحبسني و لا ايه . افتح الباب يا ادهم .
ادهم هز راسه ببرود ./ الميكب اللي انتي حطاه ده مينفعش تخرجي بيه بره الاوضه دي . و لو حبيتي تخرجي يبقي تشيلي اللي علي وشك ده .
مريم بصتله بغضب ./انت بتعمل كده عشان مش عايزني انزل معاك صح .
ادهم وقف ببرود و قرب منها بهدوء و هي بترجع لوره ./بالعكس . انتي اللي بتحاولي تختبري صبري . قولت عايزه انزل شغل قولتلك حاضر . رغم اني رافض الفكرة بس مردتش ازعلك ..... مريم شهقت بخضه لما خبطت في الحيطه . ادهم حاصرها بين أيديه بهدوء ..... انما شكلك ده مستحيل تخرجي بيه بره الاوضه دي .
مريم بصت عليه بتوتر . ادهم رجع شعرها وره ودنها بهدوء ./فيكي ايه يا مريم .
مريم غمضت عينيها بضيق و متكلمتش . ادهم ابتسم بخبث و ميل باسها بشغف مريم فتحت عينيها بضعف و بادلته بكسوف . ادهم ابتسم في نفسه بهدوء و بعد عنها ./ انا لو عليا بقول بلاش شغل انهارده .
مريم نزلت راسها بدموع عشان مكنتش عايزه تضعف قدامه . ادهم رفع وشها ليه بهدوء ./مالك يا مريم . ايه اللي غيرك .
مريم دموعها نزلت بضيق . /غيرانه و خايفه .
ادهم باستغراب ./ليه .
مريم بعدت ايده عن وشها بهدوء ./خايفه المشاكل ترجع تاني . و خايفه نوران ترجع تاخدك او تضعف قصادها ..مريم بصتله بدموع .. انا من حقي اخاف يا ادهم ..من حقي اخاف عليك و اخاف تضيع بين ايديا . خايفه اكون بنشغل مع العيال و نسياك بس انا بيكون غصب عني .
ادهم ابتسم بهدوء و حرك أيده علي خدها ./محدش يقدر يزغلل عيني غيرك يا مريم . انا من حقك و ملكك انتي و بس . و لا قلبي حب و لا هيحب غيرك .
مريم دخلت في حضنه بدموع ./متسبنيش يا ادهم انا مليش غيرك .
ادهم خرجها من حضنه بحب ./و لا انا ليا غيرك . مريم انا فضلت طول حياتي لوحدي . حياتي كان كلها شغل و شركات لحد ما انتي ظهرتي . من اول ما ظهرتي و انا عرفت اني بحبك . بقيتي اهلي و بيتي و كل حاجه في حياتي . و عملنا حياة انا و انتي و بنينا بيت و عيال انشاء الله يكونو احسن حاجه في الدنيا . و انا حياتي ابتدت علي ايديكي . و لا نوران و لا الف واحده يعوضوني عنك . انا بحبك انتي و بس يا مريم و بحب حياتي معاكي .
مريم لفت ايديها حوالين وسطه و دخلت في حضنه بعياط ./انا اسفه بس انا اتجننت لما شوفتها قريبه . افتكرت كل اللي حصل يا ادهم . ادهم انا مشوفتش حب و لا حنيه غير معاك . معرفش حد في الدنيا غيرك . انا بحبك اوي يا ادهم بحبك اوي .
ادهم حرك أيده علي شعرها بخوف و دفن رأسه في رقبتها ./و انا كمان بحبك اوي . و مقدرش اعيش من غير لحظه يا مريم .
مريم ابتسمت بهدوء و هي بتدخل في حضنه اكتر . و ادهم دفن رأسه في رقبتها بخوف لما افتكر كلام الدكتور .
ادهم خرج مريم من حضنه بهدوء ./ايه رايك لو سافرنا لـ نور و معتز يومين تلاته .
مريم ابتسمت باستغراب ./بجد هو ينفع .
ادهم حرك أيده علي خدها بهدوء ./ايوه طبعا ينفع . و ناخد الاولاد معانا كمان . و اخلي معتز يشوفلنا ناني تقعد مع الاولاد و ميشغلوكيش و في نفس الوقت متبقيش قلقانه .
مريم ابتسمت بهدوء ./كل حاجه عندك ليها حل .
ادهم حرك أيده علي شعرها ./ لو هتبقي مبسوطه مستعد اعمل اي حاجه .
مريم دخلت في حضنه بهدوء و غمضت عينيها ./انا مش مضايقه منك و لا من نوران . مضايقه من نفسي و خوفي . بقيت حاسه ان كل حاجه ممكن تتكرر تاني . عارف يا ادهم و انت مش هنا رغم اني ببقي مشغوله مع الاولاد . بس دماغي مش بتفكر غير فيك . و ان ممكن في يوم الاقيك بتتغير معايا ......مريم غمضت عينيها بدموع ....بابا كان بيحب ماما اوي . كنت بشوفه بيحبها و حنين عليها و عليا ازاي . و في يوم و ليله كل ده اتغير . انا من حقي اخاف يا ادهم صح .
ادهم حرك أيده علي شعرها بحنان ./بس انتي دلوقتي معايا مش معاه . معايا و مع دنيا و عز و كاميليا . و عيلتك اللي انتي كونتيها و اللي هنبنيها سواء . و في حضني انا يا مريم . انسي يا مريم انسي . دلوقتي مفيش حاجه من الماضي . الماضي انتهي يا حبيبتي خلاص . و انا مستحيل ائذيكي لحظه . مش عايز احس اني فشلت اعوضك عن كل حاجه .
مريم دخلت في حضنه اكتر و لفت ايديها حوالين وسطه ./بقالي يومين منمتش في حضنك .
ادهم ابتسم بهدوء و شالها و نزلها علي السرير بهدوء . /و انا معاكي انهارده كله . و لما تصحي نبقي نشوف حكاية الشغل دي تاني .
مريم هزت راسها بهدوء و دخلت في حضنه بسرعه و غاصت في نوم عميق .
________________________________________
عند نوران .
بغضب./انتي غبيه . قولتلك هي ملهاش دعوه . ادهم ممكن يخسر الدنيا كلها عشانها . اكيد مش هيفرق معاه أبوكي و لا حتي شركته . و قطعتي اكبر امل انك تدخلي الشركه دي تاني .
نوران بضيق ./اتفقنا أن انا اجبلك اللي انت عايزه . و في المقابل كمان ابعد اللي اسمها مريم دي .
بسخرية ./تبعدي مين . دي مراته يا حبيبتي . يعني املك ضعيف اوي . انا بعملك اللي انتي عايزاه . بس اي حاجه تاني متعمليهاش غير لما تقوليلي الاول . مش ناقصين مصايب تاني.
نوران قعدت بضيق .
بهدوء ./ فتحي عينك الفترة الجايه . علي حسب علمي أن ادهم بييجي يباشر الشغل عندكم في البيت . يعني لازم تتصرفي و في اقرب وقت .
نوران هزت راسها بهدوء .
_________________________________________
مريم خرجت من الحمام بهدوء .. و بصت بهدوء علي ادهم اللي نايم من ساعتها . مريم قربت منه بهدوء و هي بتحاول تصحيه . ادهم فتح عينه بضيق و صحي من المايه اللي نقطت علي وشه من شعر مريم . ادهم غمض عينه و فتحها بهدوء و حرك أيده علي رقبتها بهدوء ./صباح الخير.
مريم ابتسمت بسخرية ./صباح الخير ايه . احنا بقينا بليل يا ادهم .
ادهم اتعدل بهدوء و هو بيرجع شعرها بعيد عن كتفها ./ متعود ان عز هو اللي بيناكش فيا عشان يصحيني .
مريم ابتسمت بهدوء ./ مردتش اخليه يدخلك عشان يخليك نايم شويه .
ادهم قربها ليه من وسطها بتوهان ./و هو فين دلوقتي .
مريم حركت أيديها علي كتفه ببراءة ./تحت . ليه .
ادهم ابتسم بخبث ./احسن حاجه . الواد عز بيفهم بردك .
مريم ضحكت عليه بكسوف . ادهم ميل باسها برقه . مريم بادلته بكسوف و هي بتقربه منها اكتر . ادهم بعد بسرعه و بصلها بهدوء ./ خدتي البرشامه .
مريم دفنت راسها في رقبته بكسوف ./مش عايزه اخدها يا ادهم .
ادهم غمض عينه بضيق و و ابتسم بهدوء عشان هو حطهولها في الاكل من وراها . ادهم اتنهد بتوتر و دخلها في حضنه اكتر ./ اللي يريحك يا حبيبتي .
و بعدين ......
________________________________________
مريم كانت نايمه في حضن ادهم بشرود .
مريم اتكلمت بسرحان ./ ممكن تزعل يا ادهم لو جبت بيبي تاني .
ادهم رفع وشها ليه و ميل باسها برقه و بعد بسرعه ./اكيد لا . مش هزعل غير علي تعبك عشان عارف انك عايزه تمشي الناني بـ اي طريقه و توفقي بينهم هما التلاته و مش قادره . هخاف تتعبي اكتر بس ده مش معناه انك متجبيش بيبي تاني . بس هي المشكله في الوقت و سن عز و دنيا . بس لو انتي هتقدري انا معنديش مانع .
ادهم ابسم بخبث في اخر كلامه . مريم ضربته بخفه و كسوف و دخلت في حضنه اكتر ./انا فعلا مش هقدر علي اولاد الفترة دي . كفايه عز و دنيا و كمان سنهم لسه صغير و محتجني و كاميليا كمان محتجاني .
ادهم اتنهد بهدوء عشان حس انها ممكن توافق علي البرشام . هو موضوع أنه بيعمل حاجه من وراها ده مضيقه بس مفيش حل قدامه غير كده .
ادهم فاق من سرحانه علي صوت التليفون . ادهم بص عليه بتوتر و سحبه بسرعه . و بص علي مريم بهدوء ./هرد و اجيلك .
مريم هزت راسها بهدوء و غمضت عينيها بتعب . ادهم طلع بره بتوتر . و رد علي التليفون بسرعه. /خير يا دكتور . التحاليل ظهرت .
الدكتور بقلق ./تحاليل مدام مريم مطمنش ابدا يا استاذ ادهم . لازم حضرتك تجيلي عشان هي مينفعش تعرف النتائج دي دلوقتي خالص .
ادهم بلع ريقه بقلق ./هو في ايه يا دكتور .
الدكتور بسرعه ./تعالالي العياده دلوقتي .
ادهم قفل بسرعه و دخل غير هدومه . و بص علي مريم بهدوء لقاها نامت . قرب منها بسرعه و ميل باس شفايفها بخوف . و بعد بسرعه ./ كل حاجه هتكون كويسه اكيد . و مشي بسرعه و راح للدكتور ....
وووويتبعععع ......
امتلكني بالاجبار الجزء التاني
بقلم ملك عبد المنعم