أمتلكني بألاجبار

الجزء التاني . البارت التامن

8-------
امتلكني بالاجبار الجزء التاني .
مريم صحت علي صوت تليفونها اللي رن . غمضت عينيها و فتحتها بتعب . و بصت لقت نوران اللي بترن .
مريم خدت التليفون و ردت عليه بهدوء ./ نوران ازيك .
نوران بهدوء ./انا كويسه و انتي اخبارك ايه .
مريم اتعدلت بهدوء ./ تمام .
نوران ابتسمت بخبث ./كنت عايزه اعرف ادهم هيروح الشركه و لا لا اصلي رنيت و تليفونه مقفول .
مريم باستغراب ./معرفش يا نوران بس اكيد اه جاي . هو في حاجه .
نوران ./لا بس كان في بينا شوية شغل و روحتله امبارح و عندنا ميعاد تاني انهارده . خلاص مش هتعبك اكتر من كده انتي اكيد تعبانه مع العيال .
مريم قفلت التليفون بهدوء و هي مستغربه ازاي ادهم مقلهاش أنهم اتقابله و هيتقابله تاني .
مريم اتعدلت و راحت اوضتهم بهدوء . لقت ادهم بيلبس قدام المرايا بهدوء . ادهم بص عليها بطرف عينه و كمل لبس .
مريم غمضت عينيها بضيق و فتحتها بهدوء و قربت منه بخبث ./انت نازل الشركه .
ادهم بص عليها باستغراب ./اه . في حاجه .
مريم لفت ايديها حوالين رقبته بدلع ./كنت عايزاك تفضل معايا انهارده و نتكلم سواء .
ادهم رفع حاجبه باستغراب ./مريم انتي كويسه .
مريم هزت راسها بهدوء ./هينفع .
ادهم هز راسه بأسف ./مش هينفع يا مريم بس هحاول اخلص مواعيدي بدري .
مريم هزت راسها بيأس . ادهم حاصرها بخبث بين ايديه ./بس مفيش مانع من تصبيره لحد ما اجي .
مريم ابتسمت بتصنع و زقته بخفه ./لما تيجي .
ادهم ابتسم عليها بهدوء و سحب حاجته و نزل .
مريم قعدت بتفكير . لـ نفسها ./تفتكري كلامها صح . طب ليه مقليش . هو ده اللي مش هتدخلها حياتنا يا ادهم بتقابلها من ورايا ..... مريم هزت راسها برفض ... لا يا مريم ادهم بيحبك مستحيل يكون في حاجه .
مريم اتنهدت بتعب و قامت لبست بسرعه و راحت الشركه .
________________________________________
عند ادهم في المكتب .
نوران كانت قاعده بخبث بعد ما اتاكدت أن مريم زمانها جايه .
نوران ابتسمت بهدوء ./عامل ايه دلوقتي .
ادهم رجع لوره بهدوء ./كويس شويه .
نوران هزت كتفها ببراءة ./معلش ده طبيعي من دوشة العيال و الشغل اكيد دماغك لازم تتعبك .
ادهم حرك أيده علي دماغه بتعب ./اه فعلا . بس انا اول مره اتعب كده . و لا عمري اتاثرت بدوشة العيال بس تقريبا عشان مكنتش نايم بقالي فترة .
نوران هزت راسها بهدوء ./اه ممكن . بس بجد الله يكون في عون مريم . عارف توفق بين عيالها و اختها و بينك . برافو عليها بجد .
ادهم هز راسه بهدوء ./مش هنكمل شغل .
نوران اتعدلت بهدوء ./اه طبعا .
ادهم ابتسم بهدوء و هو حاسس انها ممكن تكون اتغيرت و ابتدي يشرحلها كل حاجه .
ادهم ابتسم بهدوء. /كده همضيلك الورق .
نوران ابتسمت بهدوء . و قربت الكرسي من غير ما ياخد باله .
الباب اتفتح بسرعه . و ادهم بص بصدمه علي مريم و قرب منها بسرعه . /مريم في حاجه حصلت .
مريم غمضت عينيها بضيق بعد ما شافت نوران . نوران فضلت تبص عليها بهدوء و كأنها عايزه تاكدلها اللي في دماغها. 
ادهم حرك أيده علي كتفها بسرعه./مريم حد من الولاد حصله حاجه .
مريم فتحت عينيها بهدوء و رجعت لوره و مشت بسرعه .
ادهم سحب مفاتيحه بسرعه ./معلش يا نوران نكمل مره تانيه .
و مشي وراها بسرعه . نوران بصت عليه بسخرية و سحبت ورقها و مشت .
________________________________________
مريم دخلت اوضتها بخنقه و هي بتاخد نفسها بسرعه .
ادهم دخل وراها و سحبها من دراعها بسرعه ./ في ايه . ايه لعب العيال ده . جيتي و مشيتي بسرعه من غير ما تنطقي بكلمه . في ايه يا مريم .
مريم بعدت ايديها بسخريه ./نوران كانت عندك بتعمل ايه .
ادهم بضيق ./شغل يا مريم . في بينا شغل .
مريم هزت راسها بهيستيريه ./ شغل فعلا اه . شغل يخليك متقوليش أنها جتلك و أنها هتجيلك تاني . والله و اعلم لو المقابلات بتاعتكم في الشغل بس و لا في ايه تاني .
ادهم فضل واقف مصدوم و مش عارف عارق يقول ايه ./مريم انتي كنتي عارفه انها عندي . مين اللي قالك يا مريم .
مريم بسخرية ./هو ده كل اللي همك . روح شوف شغلك يا ادهم . الله و اعلم شغل بس و لا انا مغفله .
ادهم سحبها من ايديها بغضب ./انتي لازم تقولي عرفتي منين . انا سايبك تتكلمي زي ما انتي عايزه . بس انا كمان من حقي اتكلم و اقولك أن دي اوهام في دماغك . ابوها أداها الصفقه و جاتلي عشان تعرف تفاصيل عن الشغل . انا اتفجأت بوجودها امبارح . و مقدرتش اكسفها عشان لقيتها متحمسه .
مريم بعدت ايديها بدموع ./و برشام منع الحمل اللي وفقت فجأة عليه و اللي بتتخانق معايا عشان اخده . ده كمان ملوش دعوه .
ادهم بصدمه ./مريم انتي اكيد مش شاكه فيا . اكيد في حاجه غلط .
مريم هزت راسها بدموع ./لا شاكه . شاكه و متاكده يا ادهم . الاول مكنتش عايزني اقرب من نوران . بعدها قولتلي خدي برشام منع الحمل . و انهارده نوران عندك و كانت قريبه منك يا ادهم . مشكش فيك ليه .
ادهم بغضب ./متشكيش فيا عشان بحبك . عشان كل اللي عدينا و مرينا بيه يا مريم . عشان في بينا بيت و ولاد . عشان انا حاربت عشانك و خسرت و كنت بتنازل عن اي حاجه قصاد وجودك معايا . ليه توصلينا لكده يا مريم ليه .
مريم غمضت عينيها بدموع ./ تقدر تفضي الشركه بتاعتك مع نصار .
ادهم هز راسه برفض ./مقدرش مينفعش يا مريم . دي شركتي انا و هو مقدرش اكسر فرحته و ثقته فيا .
مريم ضحكت بسخرية ./ طبعا متقدرش . متقدرش فعلا يا ادهم .... كملت بدموع .... الظاهر اني كنت غبيه لما افتكرت انك بتتنازل عن القضيه عشان ابوها . و انت ا...
ادهم سحبها من دراعها بغضب و هو بيضغط عليه ./الظاهر اني دلعتك كتير يا مريم . انتي اللي مش واخده بالك من اللي انا بعمله معاكي و عشانك . مش قادره تتغيري او تفكري بـ اي طريقه تانيه . دايما شايفه اني خاين و حقير . تفكيرك طول عمره هيفضل كده هتفضلي كده طول حياتك يا مريم . و اللي الدكتور النفسي معرفش يعملهولك يوم ما روحتي تتعالجي عنده من اهلك اعملهولك انا يا مريم .
مريم بصتله بدموع و صدمه ./انت بتعايرني يا ادهم . بتعايرني بـ حبي ليك و ثقتي فيك . بتقرر اللي اتعمل فيا زمان يا ادهم .
ادهم بعد بسرعه و هو مش عارف ازاي قال كده .
مريم بصتله بدموع ./عارف المشكله فين . أن انا مليش غيرك . معرفش حد غيرك يا ادهم .. معنديش حياه و لا أهل غيرك . مش هقدر اقولك امشي و اروح عند اهلي عشان انت عارف اني مليش حد . انت عندك حق فعلا . عندك حق تعمل فيا اللي انت عايزه عشان عارف اني هفضل طول عمري مكسوره قدامك .
ادهم سحبها ليه و مسك وشها بين ايديه بدموع ./محدش يقدر يكسرك طول ما انا عايش . انا اهلك يا مريم زي ما دايما بتقولي . انا اسف والله العظيم اسف بس انا تعبت يا مريم . تعبت من قلة ثقتك فيا . انتي اللي مش شايفه أن كل خناقه لازم تجبيلي فيها كل القديم .
ادهم مسح دموعها بين أيديها بحنان ./كفايه عشان خاطري كفايه . انا اسف والله مكنتش اقصد و لا اعرف قولت كده ازاي .... ادهم غمض عينه بدموع ... انا مليش غيرك يا مريم . مفيش واحده في الدنيا كلها تملي عيني و قلبي غيرك .
مريم دفنت راسها في حضنه بعياط ./قولتلك متستغلش ضعفي و حبي ليك يا ادهم .
ادهم حرك أيده علي شعرها بندم ./انا اسف صدقيني والله اسف . من بكره هعملك كل اللي انتي عايزاه بس كفايه عشان خاطري .
بعد شويه .. ادهم شالها بهدوء بعد ما اتاكد أنها نامت . و نيمها علي السرير بحرص . ادهم اتنهد بهدوء و بيفتكر حاجه و بينزل تحت .
ادهم دخل المكتب بسرعه ./داده عاليه عايز كوبايه عصير بسرعه .
عاليه ./حاضر ثواني .
عاليه جلاله العصير و ادهم خده و طلع بيه فوق . و وقف قدام اوضة مريم بهدوء و هو بيطلع برشامه و بيحطها في كوباية العصير . ادهم غمض عينه بضيق لـ نفسه ./اسف يا مريم بس مفيش حل غير كده .
ادهم دخل و قعد جنبها بهدوء . /مريم . مريم اصحي .
ادهم خبط بايده علي وشها بخفه . مريم فتحت عينيها بدموع و بصت لـ ادهم بتوتر . ادهم سحبها ليه بخبث ./مش اتفقنا كفايه عياط .
مريم رفعت عينيها بدموع و سكتت . ادهم سحب كوباية العصير بهدوء عشان عارف ان مريم مش هتكون مركزه عشان تفتكر ايه اللي حصل . أدهم قربها من بوقها بهدوء ./اشربي العصير بتاعك و نامي زي ما تحبي و نبقي نكمل كلام بعدين .
مريم بعدت وشها بضيق ./لا مش عايزه اشرب .
ادهم نزل الكوبايه من علي بوقها بزعل مصتنع ./ده انتي اللي طلبتيه يا مريم و انا نزلت و جيت لقيتك نمتي تاني . عشان خاطري اشربيه انتي اكيد مكلتيش من الصبح  .
مريم اتعدلت بتوتر و بعدت أيده عن وسطها و خدته منه و شربته بهدوء . ادهم فضل يبص عليها بقلق لحد ما اديته الكوبايه و هي بتقفل و تفتح في عينيها بالعافيه. ادهم خدها بتوتر ./انتي كويسه . مريم هزت راسها برفض ./ في صداع و عاي.....
نهت باقي كلامها لما راحت في النوم . أدهم قرب منها بهدوء ./مريم . مريم .
ادهم أتأكد أنها نامت و كلم الدكتور بسرعه . ادهم اتنهد بهدوء./عملت اللي قولتلي عليه ..ممكن تبعتلي حد ياخد التحاليل .
الدكتور ./ هي مدام مريم لازم تيجي بنفسها . في إشاعات لازم تتعمل عايزين نخلص كل حاجه عشان منحتجش الموقف ده تاني .
ادهم بص علي مريم بتوتر ./ايوه بس...
الدكتور قاطعه بهدوء ./متقلقش مش هتفوق و هتخدها و ترجع بسرعه قبل ما تفوق كمان . بس ده عشان مصلحتها و لا ايه .
ادهم بهدوء ./حاضر سلام .
ادهم قرب منها بتوتر و ميل باس راسها بحب . /انا اسف بس انا لازم اعمل كده عشان خايف عليكي . و قريب هتكوني كويسه و تقومي بالسلامه .
ادهم شالها بهدوء و هو بيفكر ممكن يقولها الموضوع ازاي بعد كده .
و نزلو و ركبها العربيه و ركب بسرعه و اتحرك و هو عينه عليها .
_______________________________________
تاني يوم .....
أدهم فضل صاحي جمبها طول الليل و مستنيها تصحي . مريم فتحت عينيها بتعب و هي حاسه بـ صداع شديد . و مسكت تليفونها بسرعه و اتعدلت بهدوء. / انا ازاي نمت كل ده .
ادهم قعد جمبها بقلق ./في حاجه تعباكي .
مريم بتوتر ./لا شويه صداع بس .
ادهم هز راسه بهدوء و حرك أيده علي شعرها ./كاميليا راحت المدرسة انهارده . و عز بيلعب في اوضته و دنيا مع ندي .
مريم هزت راسها بهدوء ./ الحمدلله محصلش حاجه .
ادهم حرك أيده علي خدها بهدوء ./هجبلك الفطار علي بال ما تاخدي شاور .
مريم بصت عليه باستغراب ./و شغلك .
ادهم ابتسم بهدوء ./هخلصه من هنا متقلقيش .
ادهم باس راسها بهدوء و نزل . و مريم فضلت تبص عليه بهدوء و قامت خدت هدومها و دخلت الحمام .
بعد شويه ادهم طلع و حط الصينيه علي الترابيزه بهدوء . و اتاكد أنها لسه في الحمام لما سمع صوت المايه .
ادهم طلع تليفونه بسرعه و كلم الدكتور .
الدكتور ./فاقت و لا لسه .
ادهم ./فاقت من شويه بس هي باين عليها مصدعه و تعبانه .
الدكتور ./ده طبيعي من تأثير البرشام و كمان ممكن الفترة الجايه يبتدي يظهر عليها أعراض المرض .
ادهم اتوتر بخوف ./بس انا مش عارف اقولها ازاي .
الدكتور ./خلينا نطمن علي التحاليل و الاشعه لما تطلع و نعرف لو كان ورم حميد و لا خبيث . و اول ما التحاليل تظهر هكلمك على طول .
ادهم هز راسه بتوتر لما شافها خرجت من الحمام . و قفل المكالمه بسرعه . مريم بصت عليه بهدوء و رجعت تنشف شعرها . ادهم قرب منها بهدوء و ميل باس كتفها بحب ./احسن دلوقتي .
مريم هزت راسها بهدوء .
ادهم لفها ليه بهدوء ./افطري الاول و خلينا نتكلم .
مريم رجعت لوره بهدوء. /مش عايزه اتكلم يا ادهم خلاص. 
ادهم رفع وشها ليه بهدوء. /خلاص ايه.
مريم هزت كتفها بقلة حيلة. /اللي حصل حصل خلاص . مفيش داعي نعيد نفس الكلام .
ادهم ابتسم بهدوء ./يعني مش زعلانه . مريم هزت راسها بهدوء . ادهم ابتسم بهدوء و ميل عشان يبوسها . مريم حطت ايديها علي صدره بخفه تمنعه و بعدت بهدوء ./معلش يا ادهم تعبانه .
ادهم قربها منه بهدوء ./مش ملاحظه ان دي تاني مره تبعديني عنك .
مريم اتنهدت بضيق ./ هروح اشوف عز و دنيا.
ادهم اتنهد بهدوء و اتاكد أن مريم لسه زعلانه بس بتتصرف بطريقتها.
وووو يتبععع....
امتلكني بالاجبار الجزء التاني
بقلم ملك عبد المنعم