أمتلكني بألاجبار

البارت التاسع العشرون

29--------
امتلكني بالاجبار
بقلم ملك عبد المنعم
في القسم ...
ادهم كان قاعد و جمبه مريم اللي كانت في عالم تاني . ادهم بص عليها بضيق منها و هو مش فاهم ليه مضايقه عليه و كان شايف أنه يستاهل اللي حصل .
قطع تفكيرهم صوت وكيل النيابه  ./انا هسيبكم مع المتهم شويه .
مريم رفعت وشها بخوف و هي شيفاه واقف قدامها .
جلال بص عليها بندم و قرب منها بلهفة . بس مريم رجعت لوره بخوف .
ادهم مسك ايديها و قربها منه ./مريم لو تعبانه خلينا نمشي .
مريم بصت علي جلال بدموع ./ليه جيت هنا يا بابا . قبضو عليك ليه .
جلال قرب منها بدموع ./عملت اللي كان لازم يتعمل من زمان.  انا دلوقتي بس فهمت اني كنت بموتك و بموت نفسي بالبطي طول السنين اللي فاتو . بس انا صلحت كل حاجه يا مريم كل حاجه .
مريم بصتله بعدم فهم ./صلحت كل حاجه ازاي . انت قصدك ايه .
جلال ابتسم بنصر ./قتلتها . و خلصت الدنيا من شرها و خلصتك و خلصت نفسي.
مريم حطت ايديها علي بوقها بصدمه ./قتلتها . ليه انت معندكش رحمه . و لا رحمتني و لا رحمة ماما و لا رحمتها حرام عليك .
جلال بغضب ./هي اللي قتلت امك .هي اللي خلاك يتيمه انتي و اختك يا مريم .
مريم قعدت على الكرسي بدموع . ادهم قعد قصادها بحزن علي حالتها ./مريم خلينا نمشي احسن .
مريم بصتله بدموع .و بصت لـ جلال ./انت متخيل اني ممكن اصدق اللي انت بتقوله . انت بني ادم كداب . هي مستحيل تكون عملت كده .انت اللي قتلت ماما من ظلمك و ضربك ليها . انت السبب في كل اللي حصل .
جلال غمض عينه بحزن و هو بيفتكر اللي حصل .
Flash back .
جلال دخل البيت بهدوء و هو سامع صوت ناديه من اوضتها .
ناديه كانت بتتكلم في التليفون بغضب. 
ناديه بغضب ./انا قهرت مريم علي امها . و زي ما قتلت امها هقتلها . البت دي نقطة ضعف جلال . مش هستني اكتر من كده عليهم هما الاتنين . و لا هي و لا امها كان يستاهله السعاده اللي هما فيها . الاتنين لازم تكون نهايتهم واحده .تلت ايام يا اما تقتلها يا اما تجبها و انا هقتلها .
جلال دخل عليه بغضب . /كنتي بتكلمي مين يا ناديه .
ناديه بصت علي التليفون بتوتر./ده ده..
جلال سحبها من شعرها ./مش كفايه كده عليكي . قتلتي اختك و لسه عايزه تقتلي بنتها . عملولك ايه عشان تعملي فيهم كده . جايبه السواد ده كله منين ..
ناديه بعدته بغضب . و اتكلمت بسخريه ./هي اللي كانت بتكرهني . انت اخترتها و اتجوزتها هي . و ابويا رماني لاي واحد و أطلقت بعد سنه . و انت كل يوم بتحبها اكتر من الاول . استخسرتك فيها .  انت من حقي انا .
جلال بقرف ./ و انا معاكي انا بقيت معاكي . ليه مصره تخلي بنتي تكرهني اكتر من كده . كفايه اللي عملته فيها . حياتها بقت كويسه و استقرت بعيد عني . ليه عايزه تقتليها يا ناديه ليه .
ناديه بسخريه ./طب ما أنت قتلت امها معايا و لا نسيت .
جلال بغضب ./منستش لا و لا هقدر انسي . بس انتي السبب . انتي اللي دخلتي حياتي و خلتيني اعمل كده .خلتيني اقسي عليها و علي بناتي . و دلوقتي عايزه تكرري اللي حصل في مريم تاني يا ناديه بس انت مش هسمحلك تعملي ده تاني. 
ناديه بغضب ./تسمح و لا متسمحش انت حر . بس انا اللي مش هسمح أن مريم تكون زي امها.  نهايتهم هما الاتنين واحده يا جلال. 
جلال قرب عليها بخبث ./يبقي انتي اللي اخترتي يا ناديه .
ناديه بصت عليه بخوف . و قبل ما تتكلم مسك رقبتها بايده.  و هو بيضغط عليها بغل و غضب . جلال زقها بغضب علي السرير و ضحك بسخرية ./خلصت خلاص يا ناديه . خلاص خلصت. 
نهاية الـFlash back
مريم بصتله بصدمه ./مستحيل لا . مستحيل . كنت عارف ان هي اللي قتلت امي .
ادهم بص عليه بغضب و قرف .
مريم وقف قصاده بدموع . /كنت عارف انها اللي قتلت امي و سكت . طب و انا بلاش انا . كاميليا اللي ملحقتش تعيش مع امها . اتولدت لقت ابوها مبهدل اختها و امها ماتت قبل ما تعرف يعني ايه ام . انت مستحيل تكون بني ادم . انا بكرهك اوي .
جلال بصلها بندم و اتكلم بهيستيريه . /بس انا خلصتك منها . قتلتها عشان متاذكيش . انا عارف اني غلطت . بس انا قتلتها خلاص . هي مش هتعرف تاذيكي تاني .
مريم ابتسمت بسخرية وسط دموعها ./انت قتلتني كتير و انت مش واخد بالك . قتلتني لما كنت بتمد ايدك عليا . و لما خلتني أتم ١٨ سنه عشان تجوزني بالعافيه . و لما خلتني اهرب و اعيش مع اختي  و كنت كل شويه تبتذني بيها عشان تاخد فلوس ...... كملت بدموع و هي بتبص علي ادهم....... و لما خليت واحد يتجوزني غصب عني عشان ابتذني بيها . تفتكر لو انت كنت موجود كان ممكن يعمل كده . لو كان ليا عيله و اهل يحموني منه بس انت حرمتني من كل حاجه .
ادهم غمض عينه بضيق من نفسه . و هو شايف نفسه حقير اوي عشان مهتمش لمشاعرها من البدايه .
جلال بص علي ادهم بضيق ./انتي ليه مقولتليش .
مريم ضحكت بسخرية./كنت هتجبلي حقي . و لا كنت هتتفق معاه علي فلوس اكتر . طيب احنا لسه فيها . ..... مريم سحبت ادهم من أيده و وقفته قدام جلال ...... خدلي حقي منه . اهو قدامك .
جلال بص عليه بضيق و نزل دماغه بيأس .
مريم وقفت قدامه بدموع ./علي الاقل هو بيحاول يعوضني عن كل ده . انما انت محاولتش لحظه انك تصلح اي حاجه . انت تستاهل اللي انت فيه و اكتر . و متقلقش مش هعرف كاميليا حاجه مش عايزاها لما تكبر تتعالج عند دكتور نفسي زي .
مريم اتنهدت بدموع و بصت لـ ادهم ./انا عايزه امشي .
ادهم حرك رأسه بهدوء و مسك ايديها و مشي .
ادهم قرب علي ودن جلال بهمس ./حتي لو هي بعدت عني . صدقني بحق كل دمعه نزلت منها بسببك هخليك تموت كل يوم الف مره قبل ما تتعدم .
ادهم سحب مريم و مشيو .
____________________________________
عند نور و معتز في المكتب .
نور حطت ايديها علي خدها بتعب ./ مش هنخلص . احنا بقالنا يومين شغالين علي نفس الصفقه .
معتز رجع دماغه لوره بتعب ./تصدقي انتي بتتكلمي صح .
نور بصت عليه بإعجاب. /انت باين عليك شغال هنا بقالك كتير . مشاء الله عليك حافظ كل تفصيله في الشغل .
معتز ابتسم بهدوء ./انا تقريبا من يوم ما اتولدت و انا مكنتش في حياتي صحاب غير ادهم . لما باباه اتوفي صمم اني اجي اشتغل معاه . و الشركات كبرت و بقي في كل مكان شركه .  بقيت دايما انا شايل حمل الشركه دي . و ادهم علي طول مسافر يتابع الشركات اللي بره .
نور ابتسمت علي علاقتهم بهدوء . بس قاطعهم دخول جومانه . معتز اتنهد بقرف و بص عليها بهدوء . /في حاجه بت جومانه .
جومانه بصت علي نور بضيق. /عايزه اتكلم مع حضرتك في موضوع لوحدنا .
نور قامت باحراج./طب عن اذنك يا معتز .
جومانه بصت عليها بقرف . بس معتز ابتسم بهدوء./خلصي شغلك عشان هوصلك .
نور هزت راسها بهدوء و مشت .
جومانه قربت من معتز بدلع . /بقالك كتير مبتبعتليش . موحشتكش و لا ايه .
معتز بعد ايديها اللي حطتها علي كتفه بضيق . /احنا في الشركه .
جومانه بضيق ./في الشركه و لا خايف تدخل علينا .
معتز باستغراب./هي مين دي .
جومانه ./ الاستاذه نور  . اللي من ساعة ما جت و انت مش معايا خالص . و كل يوم توصلها و مقضينها ضحك و هزار طول اليوم .
معتز ببرود./و انتي مالك .
جومانه بضيق ./لا مالي يا معتز . انت اللي كنت بتبعتلي اجيلك المكتب . اشمعنا لما جت بقيت منفعش .
معتز بص عليها بهدوء ./ انا مكنتش بغصبك علي حاجه و لا عشمتك بحاجه. انتي اللي كنتي بتجيلي و تعرضي نفسك عليا.  وخلاص كان فيه و خلاص يا جومانه. 
جومانه ./يعني ايه يا معتز  .
معتز. /يعني خلاص احنا مكنتش في بينا حاجه اصلا . و اسمي مستر معتز و ياريت تمشي بقي عشان انا مش قادر اشوفك قدامي .
جومانه بصتله بغل و مشت . جومانه بصت علي نور بحقد و مشت و هي مضايقه . نور حركت كتفها بعدم فهم من نظراتها و كملت شغلها  .
________________________________
مريم طلعت أوضتها و قعدت علي السرير بتعب . ادهم دخل وراها و قفل الباب بهدوء و قرب منها .
مريم بصت عليه بدموع و دخلت في حضنه و هي بتعيط .
ادهم اتنهد بهدوء و شدد من حضنه ليها .
ادهم حرك أيده علي شعرها بحنان ./ كفايه يا مريم . اهدي عشان خاطري .
مريم اتكلمت بعياط ./كان عارف يا ادهم ان هي السبب . كان عايش حياته و هو مشترك في قتلها .
ادهم حرك أيده علي ضهرها. /خلاص يا حبيبتي هو دلوقتي خد عقابه . و معتقدش أن ممكن يخرج بعد اللي عمله . اقل حاجه اعدام . و ده كفيل يرجعلك حق مامتك .
ادهم خرجها من حضنه و مسك وشها بين أيديه . /انا اسف يا مريم . اسف علي كل مره اذيتك فيها و انا مش واخد بالي . اسف علي كل حاجه وحشه فكرتك بيها من غير ما اعرف . انا بحبك اوي يا مريم . بحبك اكتر من اي حاجه حبيتها في حياتي .
مريم ابتسمت بتعب و هي بتدخل في حضنه تاني .
مريم غمضت عينيها بتعب ./ عايزه انام يا ادهم .
ادهم رجع دماغه لوره و سحبها لحضنه . و حرك أيده علي شعرها بحب.
مريم حطت ايديها علي بطنها بتعب و غمضت عينيها. 
__________________________________
تاني يوم .....
نور بصت علي تليفونها اللي بيرن بتعب و ردت بهدوء .
نور ./الو يا معتز .
معتز بضيق./برن عليكي من بدري مش بتردي ليه .
نور اتنهدت بتعب ./معلش بس كنت نايمه. 
معتز بقلق./مش هتيجي الشغل انهارده .
نور بتعب./لا مش هقدر تعبانه شويه.
معتز بقلق./ليه مالك .
نور مسحت علي وشها بتعب ./شكلي خدت دور برد .
معتز / اجي اخدك للدكتور.
نور برفض ./لا مش مستاهله انا شويه و هكون كويسه. 
معتز قفل معاها بعد ما صممت علي موقفها و كمل شغل بضيق . هو اعترف لنفسه أنه بيحبها و أنه مش قادر يخليها بعيده عنه .
________________________________
ادهم صحي و بص علي مريم بهدوء و خوف أنها تبعد عنه . ادهم حرك أيده علي وشها بحب.  مريم فتحت عينيها بهدوء بس نزلتها بكسوف لما شافت نظرات ادهم . ادهم رفع راسها بهدوء و ميل باسها برقه ./صباح الخير .
مريم ابتسمت بكسوف ./صباح النور .
ادهم بص علي ملامحها برغبه . بس شاف أنه مش لازم يقرب منها غير لما هي تكون عايزه ده زي ما وعدها .
ادهم ابتسم بحب ./ يلا غيري هدومك علي بال ما اعملك الفطار عشان نروح الشركه .
مريم هزت راسها بهدوء و هو سابها و مشي .
مريم خلصت لبست و وقفت قدام المرايا و هي بتحرك أيديها علي بطنها بخوف ./ لازم اعمل تحاليل بسرعه قبل ما ادهم ياخد باله .
مريم اتنهدت بضيق و نزلت تحت و بعد شويه مشيو سواء .
_________________________________
معتز وقف بعربيته قدام بيت نور بهدوء و هو مش عارف امتي جه هنا . اتنهد بضيق من نفسه . و فضل واقف شويه لحد ما شاف فاطمه نزلت . طلع فوق .
_______________________________
نوران بصت علي باباها من وره الازاز بحزن و خوف . لحد ما الدكتور جه . و اتكلم بيأس ./حالته الصحيه اكدتلنا أن كل ده نفسي مش عضوي . تقريبا اتعرض لصدمه خلته رافض يستعوبها و مش قادر يرجع للحياة مره تانيه .
نوران افتكرت اللي حصل بخوف و قالت في نفسها ./معقول يكون سمع .  بس لا لا اكيد مسمعش حاجه .
نوران ./ممكن لو حصل اي حاجه او في اي جديد حضرتك تكلمني و تبلغني . حضرتك فاهمني اكيد .
الدكتور بعدم فهم./تمام طبعا . بس استاذ علي كان هنا امبارح و سألني عليه و قالي نفس اللي حضرتك قولتيه . انا اسف طبعا اني قولت حاجه زي كده. 
نوران اتنهدت بضيق ./ياريت اي حاجه تحصل تبلغني انا يا دكتور .
الدكتور حرك رأسه بهدوء و سبها و مشي .
نوران اتكلم بغضب ./هخلص منك امتي يا علي .
___________________________________
مريم دخلت مكتب ادهم بهدوء .
مريم اتكلمت و هي بتبص في الورق ./ادهم الورق ده...
بس وقفت كلام بصدمه لما شافت دكتور انور موجود .
ادهم ابتسم بهدوء و وقف جمب مريم . و سحبها لحضنه من وسطها بهدوء .
ادهم ./دكتور انور جاي مخصوص عشان يباركلنا يا مريم .
مريم بلعت ريقها بتوتر . انور وقف بخبث و قرب منهم .
انور ابتسم بخبث ./عارف ان هي جت متاخر شويه بس الف مبروك يا مريم .
مريم بصت علي أيده اللي مدهالها بخوف . و لمست أيده بسرعه و بعدت بتذكر .
ادهم بص عليه بهدوء./بس كده مينفعش انت لازم تيجي تتغدي معانا بكره . عشان تعوض التأخير ده .
انور ابتسم بهدوء ./ ماشي هظبط مواعيدي و اكلمك . همشي انا دلوقتي عشان ورايا محاضرات في الجامعه .
ادهم هز راسه بهدوء و سلم عليه و انور مشي .
ادهم بص علي مريم اللي جسمها اتجمد مكانه . و لمس أيدها بحب بس اتكلم بخضه لما حس بايديها ساقعه . /مريم انتي كويسه في حاجه تعباكي .
مريم هزت راسها برفض .ادهم سحبها علي الكنبه بهدوء و قعد قصدها و هو بيدلك ايديها بقلق . /اومال ايدك ساقعه ليه كده .
مريم سحبت ايديها بتوتر . /مفيش حاجه يا ادهم انا كويسه .
ادهم حرك أيده علي شعرها بحنان ./طب تحبي نروح لو مش مرتاحه .
مريم هزت راسها بسرعه . و ادهم بص عليها بيأس و مشيو .
_________________________________
في مكان آخر .....
علي وقف قصاد شخص بهدوء ./ادهم بيدور وراك الفترة دي . خليك مختفي احسن ليك و ليا .
الشخص اتكلم بضيق ./انا مش مختفي انا محبوس و لا عارف ارجع شغلي . و لا عارف انزل من البيت من غير ما ابص ورايا. انا بقيت خايف افتح باب الشقه .
علي اتكلم بغضب./ما أنت لو كنت اخترت راجل صح كان ضرب المسدس في قلبه و ريحنا .
الشخص ./هو انت ليه عايز تنتقم من ادهم اوي كده . شايف أن انت مش مستفاد حاجه من قتله .
علي اتكلم بسخرية./انا فعلا مش مستفاد حاجه . بس هبقي فرحان و انا شايفه بيموت قدام عيني . ادهم خد كل حاجه بحبها . حتي عمي كان بيحبو اكتر مني . حتي البني امنه الوحيده اللي حبيتها بجد حبته هو . بس هي غبيه . حبها اتحول لكره و انتقام و خلاني اشوفها علي حقيقتها. بس هو يستاهل و يستاهل اوي كمان .
الشخص بصله بهدوء و اتكلم بحقد ./هو فعلا خد كل حاجه و كفايه عليه لحد كده .
__________________________________
نور فتحت الباب بهدوء بس بصت بصدمه لما شافت معتز . /معتز . انت بتعمل ايه هنا. 
معتز دخل و قفل الباب بهدوء./انا اسف بس انا كنت قلقان عليكي . و معرفتش اكمل شغل غير لما اطمن عليكي و اشوفك بنفسي  .
نور بصتله بتوتر و عدم فهم ./ و افرض ماما كانت هنا .
معتز ابتسم بهدوء ./لا متخفيش انا فضلت مستني تحت لحد ما اتاكدت انها مشت .
نور ابتسمت عليه بعدم فهم . معتز قرب منها بهدوء و حط أيده علي دماغها . و شال أيده بضيق . /انتي ازاي قايمه و انتي تعبانه كده . دماغك كمان سخنه. 
نور ضحكت عليه . و هو بص عليها بضيق ./هو انا بقول نكته .
نور كتمت ضحكتها ./اصلك غريب اوي يا معتز .
معتز اتنهد بضيق ./غريب عشان قلقان عليكي .
نور هزت راسها بهدوء./ده دور برد عادي بييجي للناس كلها. 
معتز حرك رأسه بـ عدم اهتمام لكلامها . /فين المطبخ .
نور بعدم فهم ./ليه .
معتز بضيق./اسكتي خالص .قوليلي فين المطبخ .
نور شاورتله عليه . و هو دخل و هي دخلت وراه .
نور بضيق ./طب ممكن تفهمني هتعمل ايه .
معتز . /اكيد حضرتك مكلتيش .و هعملك حاجه تشربيها عشان تاخدي الدواء . عشان تنزلي الشغل بكره انا مش هسمحلك تغيبي تاني .
نور ابتسم عليه بهدوء . /طب انا بتعرف تعمل اكل يا معتز .
معتز ابتسم بهدوء./انا بقالي سنين عايش لوحدي .. اكيد بعرف اعمل كل حاجه.
نور وقفت قصاده بهدوء./طيب يلا وريني . بس بسرعه قبل ما ماما تيجي .
معتز قرب منها بخبث ./طب ما تيجي .
نور بصت عليه بتوتر . / مينفعش تشوفك هنا .
معتز حاصرها بخبث ./طب و انتي مش خايفه مني .
نور بلعت ريقها بتوتر و هي باصه علي قربه منها بخوف./هخاف ليه .
امتلكني بالاجبار ....
بقلم ملك عبد المنعم...