أمتلكني بألاجبار

الخامس عشر

15------
امتكلني بألاجبار
بقلم ملك عبد المنعم
ادهم بغضب./عشان بدل ما انتقم منك انتقمت من نفسي . عشان حبيتك يا مريم.
مريم رجعت لوره برفض . و دموع./لا انت اكيد مش بني ادم. مستحيل مستحيل تكون بني ادم طبيعي .
ادهم سحبها ليه بغضب . / مريم ممكن تهدي عشان نتكلم .
مريم هزت راسها برفض و دموع./لا يا ادهم . اللي بيحب مبيأذيش . و انت اذتني يا ادهم .
ادهم سبها بعصبيه./لا مأذتكيش . يمكن اتجوزتك بطريقه غلط . بس مأذتكيش يا مريم مأذتكيش .
مريم بقهر./اومال تسمي اللي حصل ب ايه . دمرت حياتي و مستقبلي و بتقولي بحب . انهي حب اللي ممكن يكون بالشكل ده .
ادهم بزعيق./مكنتش المفروض تكوني في طريقي يا مريم . مكنتش لازم تدخلي حياتي .
مريم بدموع/طب ليه دخلتني فيها مطلاما مش عايزني .
ادهم بغضب./انتي اللي دخلتي نفسك فيها يا مريم. فرضتي نفسك على حياتي يوم ما وقفتي قصادي و حطيتي عينك في عيني . يوم ما اتحدتيني و عملتي اللي مفيش حد قدر يعمله .
مريم قعدت على الكرسي و هي بتعيط .
ادهم كمل كلامه بهدوء./كنت عايز اثبت لنفسي اني متاثرتش بوجودك .و بدل ما ابعدك عني قربتك مني . معرفش ازاي و ليه حبيتك انتي . حتي و انا عارف انك كرهاني .
ادهم قعد قدامها./تعالي يا مريم ننسي اللي حصل . انا عارف اني اذيتك بس مش لدرجة اني اشوف نظرة الكره و الخوف اللي في عينك دي .
مريم بصتله بدموع./تفتكر انا هقدر انسي .
ادهم مسح دموعها./انا مش عايز منك حاجه . انا عايزك تديني فرصه . فرصه اقدر اوريكي أننا مش الشخص اللي في دماغك.
مريم غمضت عينيها بحزن./كل حاجه في حياتي اتفرضت عليا . مكنتش بايدي اختار اهلي . و دلوقتي مش بأيدي اختار شريك حياتي .....مريم اتنهدت بقلة حيلة....... مفيش قدامي غير فرصه اديهالك .
ادهم ابتسم بهدوء و هو بيسحبها عشان تقوم .
ادهم /دلوقتي ممكن ترتاحي شويه . على بال ما اعمل كام حاجه و اجيلك تاني .
مريم بصتله بهدوء و متكلمتش.
_______________________________
فاطمه فتحت الباب و هي بتبص على ناديه بهدوء.
فاطمه/ادخلي يا ناديه .
نادية دخلت بغرور و هي بتبص على أركان الشقه . نور طلعت من اوضتها على صوت الباب و بصت بضيق و اتكلمت. /ازيك يا خالتو.
ناديه بصتلها بحب مصتنع./ازيك يا نور . و ازيك يا فاطمه عامله ايه .
فاطمه قعدت قصادها بهدوء./الحمدلله و انتي عامله ايه.
ناديه /انا كويسه . بس قولت اجي ابارك ل نور اللي اتخطبت كده من غير ما خالتها تعرف .
نور ابتسمت بتصنع./معلش يا خالتي جت بسرعه.
ناديه بضيق./اه ما انا عارفه يا حبيبتي عموماً الف مبروك .
فاطمه اتنهدت بضيق. هي مش مرتاحه لوجودها . و حاسه ان وراها حاجه.
فاطمه/الله يبارك فيكي يا ناديه .ادخلي يا نور اعملي لخالتك حاجه تشربها .
نور حركت رأسها بهدوء و مشيت.
ناديه /انا قولت اجي اتكلم معاكي عشان تنصحي بنت اختك .
فاطمه بضيق./عايزه ايه من مريم تاني يا ناديه .
ناديه /هعوز منها ايه يا فاطمه . دي بنت اختي و بعدين دي انا اللي مربياها من ساعة ما أمها ماتت يعني بنتي .
فاطمه بسخرية./أمها اللي ماتت و لا اللي قتلتيها يا ناديه.
ناديه /قتل ايه و بتاع ايه يا فاطمه دي اختي هقتل اختي.
فاطمه بحدة./اسمعي يا ناديه . تكوني فكراني مش عارفه إن انتي و جلال كنتو متجوزين من قبل موت سعاد اللي موتيها من حصرتها على نفسها و بناتها . بس بناتها خط احمر يا ناديه و كفايه اللي عملتيه مع مريم لحد دلوقتي سيبي البت في حالها و مع جوزها . و اظن يعني أن انتي مش عايزاهم عشان وحشوكي و اكيد وراكي مصلحه من وراهم.
ناديه قامت بهدوء./ و انا اللي كنت فكراكي هتعقليها . اتاريكي انتي اللي مقوماها علينا و على ابوها . انا همشي يا فاطمه بس لينا مقابله تاني .
________________________________
نصار / سيبهم يا علي يقضي الكام يوم . لما يرجع نبعتله المفاجأة الكبيره .
علي/انا شايف أننا نخلص منه و باسرع وقت .
نصار بغضب/انت متشوفش حاجه . ادهم لازم يموت بالبطئ و اشوفه و هو مقهور قدامي . انما الموت رحمه ليه.
علي ابتسم بتصنع./انا كل اللي هممني حق بنت عمي اللي سايبينه بقاله سنين و جه الوقت اننا ناخده .
نصار بحزن./هاخده والله العظيم ما هسيبه يرتاح يوم . هخليه يشوف الموت بعينيه.
___________________________________
ادهم دخل اوضة مريم. و قعد جمبها بهدوء و هو مبتسم . كان مبسوط أنها ادته الفرصه . حتي لو كانت من جواها مش عايزه كده . مكنتش قدامها غير الاختيار ده . و هو كان مبسوط لدرجة أنه نسي أن هي مش حباه. كان بيقنع نفسه أنه هيقدر يخليها تحبه .
ادهم ميل يبعد شعرها عن وشها . و هو بيهمس./مريم . مريم اصحي .
مريم فتحت عينيها بضيق./في ايه .
ادهم ابتسم بهدوء./يلا قومي كفايه نوم بقي .
مريم غمضت عينيها تاني./عايزه انام شويه يا ادهم.
ادهم بصلها بضيق. هو عارف انها بتتهرب منه./ماشي يا مريم نامي .
ادهم نام جمبها بهدوء و كل شويه عينه تروح عليها لحد ما نام.
______________________________
تاني يوم . عند اسر و نور ..
اسر /ما كنتي خليتي السواق يجيبها و خلاص يا نور.
نور / اسر لو مش فاضي تقدر تمشي انت اللي صممت تيجي معايا.
اسر بهدوء/نور انا مقصدش. انا شايفك بتتعبي نفسك . و ادهم مخصص السواق بتاعه لكاميليا عشان يوديها و يجيبها يبقي ليه التعب بقي .
نور اتنهدت بهدوء./مريم قالتلي اكون معاها .
اسر /انا مش فاهم ليه مريم قلقانه عليها كل ده .
نور / هي بس عشان اول مره تسيبها لوحدها و خايفه شويه. 
اسر بشك./اه ممكن .
_________________________________
ادهم صحي و هو بيبص علي مريم في كل اركان الأوضه .
ادهم مسح على وشه بضيق./هتكون راحت فين .
مريم فتحت الباب و دخلت بهدوء . ادهم /كنتي فين .
مريم /كنت تحت يعني هكون فين .
ادهم بهدوء./انا بس قلقت لما ملقتكيش .
مريم بسخرية./اكيد مش ههرب مثلا .
ادهم بص عليها بهدوء و قعد جمبها.
ادهم اتنهد بهدوء./ مريم اتفاقنا كان فرصه تديهالي . بس اللي انتي بتعمليه ده عكس كلامنا امبارح . فرصه واحده يا مريم . فرصه واحده ممكن تغير حياتي و حياتك .
مريم بصتله بهدوء و متكلمتش.
__________________________________
ناديه /انت ايه جابك هنا جلال لو جه و شافك هتبقي مصيبه .
الشاب/الفلوس اللى معايا خلصت و مش معايا فلوس ادفع ايجار الشقه .
ناديه/مش انا قولتلك لو عوزت حاجه رن عليا .
الشاب/رنيت عليكي و انتي مش بتردي . انا لو فلوسي مجتليش هقول لجلال كل حاجه .
ناديه/خلاص امشي امشي و انا هجبلك الفلوس بكره .
الشاب/ماشي ماشي .
_________________________________
ادهم خد من مريم التليفون. /اهو خليتك تكلميها و اطمنتي عليها .
مريم ابتسمت بهدوء. / هو احنا هنرجع امتي .
ادهم حرك أيده على خدها بهدوء./علي اخر الاسبوع .
مريم بزهق./طب و بعدين هنفضل طول الاسبوع قاعدين هنا.
ادهم اتنهد بضيق./ طب انتي عايزه ايه .
مريم / معقول نكون في الغردقه و نفضل في البيت.
ادهم ضحك عليها و كمل بهدوء./بقول نطلع بكره و نخلينا انهارده نسمع فيلم و نسهر سواء .
مريم بتفكير./ماشي.
ادهم بص عليها بهدوء و شغل الفيلم . مريم سندت دماغها على كتفه و غمضت عينيها بنوم. /عايزه انام .
ادهم شالها و طلع ووووو
أمتلكني بألاجبار
بقلم ملك عبد المنعم