أمتلكني بألاجبار

الرابع و العشرون

24------
امتلكني بالأجبار
بقلم ملك عبد المنعم
مريم فتحت عينيها بتعب . بس حطت ايديها علي وشها بصدمه و دموع لما افتكرت اللي حصل . ادهم صحي على صوت عياطها . اتنهد بهدوء و هو بيحرك أيده علي طول دراعها ./صباح الخير يا حبيبتي .
مريم بصتله بدموع./ليه . ليه عملت كده .
ادهم اتعدل بهدوء . /عشان ده اللي كان لازم يحصل . كان لازم تعرفي انك ملكي انا يا مريم . و تعرفي انك مراتي و أن ممكن اعمل كده في اي وقت . و احنا اتفقنا على فرصه جديده و نبدأ حياتنا سواء . كان لازم ابعد خوفك مني يا مريم و اوريكي انك ملكي و من حقي انا و بس .
مريم دموعها نزلت بقهرة ./بس انت وافقت تاخدني غصب عني . مهتمتش لدموعي و خوفي و كملت . انت معملتش ده عشاني.  انت عملت كده عشان ترضي نفسك و غرورك يا ادهم .
ادهم دفن رأسه في رقبتها بضيق ./ مش مهم السبب ايه . المهم أنه حصل يا مريم . و كده نقدر نبتدي صفحه جديده مع بعض .
مريم بعدته بضيق  . ادهم اتنهد بهدوء و هو بيحاول يتحكم في غضبه . و خد هدومه و دخل الحمام.
_______________________________
معتز كان بيكمل شغله بهدوء . بس ابتسم فجأة و هو بيفتكر نور . معتز مسك تليفونه و رن عليها .
عند نور ______
نور كانت واقفه في البلكونه بضيق و هي بتفتكر اللي حصلها .
فاطمه قربت منها بهدوء. /مالك يا نور . انتي كويسه .
نور ابتسمت بهدوء./اه يا ماما الحمدلله.
فاطمه حركت ايديها علي شعرها بحنان ./مش ناويه تقوليلي ايه السبب اللي خلاكي تفسخي خطوبتك.
نور بهدوء./مفيش سبب يا ماما. انا بس شايفه أننا عكس بعض  و مردتش أظلمه و اظلم نفسي .
فاطمه بحب ./ماشي يا حبيبتى . اكيد ربنا شايلك نصيب احسن .
نور ابتسمت بهدوء .
كاميليا جابت التليفون لنور و هي بتتكلم بضيق./يلا بقي شوفي تليفونك و البسي . انا زهقت من الحبسه دي .
نور بحب ./حاضر . روحي البسي انتي و هخرجك اجمل خروجه. 
فاطمه مسكت ايد كاميليا بحنان./يلا نشوف حبيبة خالتو هتلبس ايه .
و خدتها و مشت .
نور ردت علي التليفون.
معتز بلهفه./ازيك يا نور عامله ايه.
نور ./الحمدلله و انت عامل ايه.
معتز ./انا كويس .
نور بهدوء./في حاجه يا معتز .
معتز باحراج ./لا مفيش. بس انا قولت اطمن عليكي و علي كاميليا .
نور ./كاميليا كويسه الحمدلله.
معتز اتنهد بضيق و هو بيحاول يجمع كلامه./ ايه رايك لو عديت عليكي و خرجنا كاميليا .
نور بتفكير./ ماشي .
معتز بفرحه ./ هعدي عليكم كمان ساعتين .
__________________________________

مريم وقفت قدام المرايا بهدوء . ادهم حضنها من ضهرها بتملك .
مريم بصت عليه بضيق .
ادهم دفن رأسه في رقبتها ./انا اسف يا مريم . بس مكنتش قادر ابعد نفسي عنك اكتر من كده .
مريم بصتله بدموع و هي بتبعد عنه بضيق .
ادهم لفها ليه و اتنهد بهدوء ./ مريم انا محلمتش بحاجه قد ما حلمت بيكي . مكنتش قادر اشوفك معايا و مراتي و اشوف الخوف اللي في عينيكي كل ما احاول اقربلك . مريم انتي حلم فضلت احلم بيه طول السنتين اللي فاته و اخيرا اتحقق يا مريم.
ادهم سحبها لحضنه بحب . و مريم غمضت عينيها بهدوء .
مريم بعدت عنه بهدوء./الباب بيخبط . هو في حد يعرف أننا هنا .
ادهم / لا محدش يعرف بس ممكن يكون حد من السوبر ماركت ......ادهم باسها من خدها بحب.......خليكي انتي و انا هنزل اشوف مين. 
مريم حركت رأسها بكسوف و هو سابها و نزل .
ادهم فتح الباب بصدمه و هو بيبلع ريقه بتوتر./انتي . انتي عايشه .
نوران بعدته و دخلت بثقه./اكيد كان نفسك اكون ميته . عشان جريمتك تموت معايا .
ادهم بص عليها بغضب ./قالولي أنك انتحرتي و موتي . ازاي عايشه . و لا دي لعبه جديده منك .
مريم نزلت علي صوت ادهم .
نوران بصت علي كل ركن في الفيلا ./ معتقدش أن ممكن يكون في لعبه اكتر من اللي انت عملتها يا ادهم. 
ادهم مسكها من ايديها بعصبية./ ليه عملتي كده . ليه دمرتي حياتي و هربتي . ازاي انتي لسه عايشه لحد دلوقتي .
نوران بعدت أيده بخبث و هي بتبص على مريم اللي وقفت جمب ادهم .
مريم ./مين دي يا ادهم .
ادهم غمض عينه بغضب./مريم اطلعي و بعدين نتكلم .
نوران بخبث./ليه بعدين  . نتكلم دلوقتي .
مريم ./ مين دي يا ادهم . و بتعمل ايه هنا . انت مش قولتلي محدش يعرف مكانا .
نوران بصت علي ادهم./يا تري نيمتها في نفس الاوضه اللي اتهجمت عليا فيها و لا في اوضه تانيه يا ادهم .
مريم مسكت ايد ادهم بخوف ./ادهم قولي مين دي .
ادهم بص لـ نوران بغضب./تاني جايه تلعبي نفس اللعبه . انا ملمستكيش و لا قربت منك . انا فاكر كل اللي حصل يومها. انا مقربتش منك و لا حصل بينا حاجه .
نوران ./لا حصل . انت اللي عايز تنكر ده . لما انا رفضتك انت اغتصبتني يا ادهم . انت اللي كنت بتحاول معايا و لما ملقتش مني مقابل . عملت اللي عملته و بتنكر ده .