أمتلكني بألاجبار

الجزء التاني . البارت الثاني عشر

12--------
امتلكني بالاجبار الجزء التاني
بقلم ملك عبد المنعم
فات اسبوع و ادهم بيحاول يدور علي مريم في كل مكان بس من غير فايده .
نوران دخلت اوضتها و قفلت الباب عليها بفرحه . / اخيرا يا ادهم اخيرا .
نوران فضلت تتحرك بجنون و فرحه لحد ما وقفت بهدوء ./خلاص يا نوران اهدي عشان دي فرصتك . مبقاش في مريم و لا عياله مبقاش فيه غيرك دلوقتي يا نوران .
نوران ابتسمت بخبث و خدت شنطتها و نزلت .
_____________________________________
عند ادهم وقف قدام اوضة عز بحزن و هو مش قادر يدخلها . و رجع بسرعه اوضته . ادهم اتنهد بحزن و رجع دماغه لوره و مسك تليفون مريم بسخرية .
و فضل يحاول يفتحه لحد ما سابه بـ يأس بعد ما جرب كلمة السر كذا مره و مفتحش . ادهم اتنهد بتعب و رجع مسكه تاني . و ابتسم بوجع لما لقي الباسورد تاريخ ميلاده . ادهم بسخرية ./عشان كده سبتيه . للدرجادي مش عايزه تفتكريني .
ادهم فضل يقلب في صورهم بهدوء . لحد ما خبط التليفون بغضب علي السرير . /غبي يا ادهم غبي .
ادهم مسح علي وشه بضيق و نزل يفتح الباب . ادهم اتنهد بهدوء لما شاف نوران ./ايه يا نوران .
نوران بتوتر ./انا عرفت من بابا اللي حصل و قولت اجي اطمن عليك .
ادهم بعد عن الباب بهدوء ./اتفضلي .
ادهم قعد علي الكنبه بتعب . نوران بهدوء. /لسه معرفتش حاجه عنهم .
ادهم هز راسه برفض . نوران بزعل متصنع ./مش قادره أتخيل ليه مريم ممكن تعمل كده . ده كان باين عليكم حبكم لبعض .
ادهم غمض عينه بندم ./بس انا اذيتها يا نوران اذيتها اوي .
نوران باستغراب ./اذيتها ازاي .
ادهم غمض عينه بغضب و هو بيفتكر اللي حصل . بس فتح عينه بتذكر لما افتكر أنه يومها مشي من عند نصار و هو حاسس أن في حاجه غريبه . بس حرك دماغه برفض و حس أنه بيحاول يبرر لنفسه و خلاص .
نوران بهدوء ./ادهم انت معايا.
ادهم اتعدل بهدوء. /معلش يا نوران انا تعبان و محتاج ارتاح عن اذنك .
و سبها و طلع فوق . نوران فضلت تبص حواليها باحراج و ضيق و مشت .
________________________________________
مريم ابتسمت بهدوء و هي بتحرك ايديها علي شعر عز . و ميلت باست راسه بحزن ./اللي حصل معايا و اللي عيشته مستحيل اخليكم تعيشوه . انا هعمل اللي اقدر عليه عشان تبقو اسعد ناس . و عشان في يوم من الايام متبقوش زي .
مريم غمضت عينيها بدموع و خدت عز في حضنها .
مريم بعدت لما تليفونها رن و ردت بهدوء .
اماني بتوتر ./مريم كفايه كده و قوليلي مكانك فين خليني اطمن عليكي .
مريم اتنهدت بهدوء ./بيتي القديم يا اماني . انا هناك .
اماني قفلت معاها بسرعه و لبست و نزلت .
مريم اتنهدت بتفكيير و هي بتحاول تفكر هتمشي حياتها ازاي .
___________________________________________
عند نوران .
علي اتنهد بهدوء ./في حاجه ناقصه . ايه اللي يخلي مريم تسيبه و تمشي .
نوران بسخرية ./اكيد وراها حاجه .
علي قرب منها بسخريه ./مش كلهم شبهك يا حبيبتي .
ليلي اتنهدت بضيق. /مش وقته . كل واحد لازم يعرف هيعمل ايه . مريم و العيال خلصنا منهم . هنعمل ايه في ادهم .
علي حرك أيده علي شعر نوران بخبث ./هنخلي نوران تزود العيار حبتين . و دلوقتي مبقاش في غيرها و لا اي .
ليلي بضيق ./و الورق .
نوران بتوتر ./انا ممكن اعرف اجيبه .
ليلي بسخريه ./لا يا حبيبتي مش ممكن . انتي لازم تجيبي الورق .
نوران بضيق ./ورق زي ده هيكون في بيته . و مش هعرف اخده بالساهل .
علي بهدوء ./معلش يا مدام ليلي . لازم كل حاجه بهدوء عشان ميتشكش فينا .
ليلي بضيق ./و لو مريم رجعت .
علي اتنهد بخبث ./مش هتلحق . البت دي لازم نوصلها قبله .و اكيد حصل حاجه خلاها تهرب و تسيبه .
نوران بتوتر ./بابا بيقول أنها مسبتش اي حاجه ممكن توصل ادهم ليها . حتي تليفونها سابته .
علي بهدوء ./انا واثق أن محدش هيعرف مكانها غير اماني .
ليلي باستغراب ./اشمعنا .
علي بهدوء ./ملهاش أهل و بنت خالتها مسافره . و متعرفش اي حد غير اماني . مين ممكن يكون عارف مكانها غيرها .
نوران ابتسمت بخبث./ علي بيتكلم صح .
علي هز راسه و ابتسم بخبث .
_________________________________________
مريم ابتسمت بهدوء ./ بتبصيلي كده ليه .
أماني بضيق ./مش قادره افهمك . بتتعاملي عادي كأن مفيش حاجه . و انا متاكده أن هروبك من ادهم وراه حاجه .
مريم ابتسمت بسخرية ./مش مهم يا اماني . خليني اشوف هعمل ايه الفترة الجايه .
اماني بهدوء ./طب و انتي ناويه علي ايه .
مريم ابتسمت بهدوء./هشتغل و هشوف ناني تفضل مع الاولاد . عادي يا اماني زي زمان .
اماني بتوتر ./بس دلوقتي انتي معاكي عيال زمان مكنتش في غير كاميليا .
مريم اتنهدت بهدوء./اللي ربنا قدرني عليه زمان هيقدرني عليه دلوقتي .
اماني بهدوء ./طب و ادهم..
مريم بضيق ./كفايه يا اماني كفايه . قولتلك مش عايزه اعرف عنه حاجه و لا عايزاه يعرف عني حاجه اللي كنت عايشه في زمان من غيره هكمله من غيره . انا مش هبقى زي ماما يا اماني . مش هفضل اتفرج على عيالي و هما يبتعقده من علاقتنا .
اماني بتوتر ./خلاص يا مريم خلاص .هعملك اللي انتي عايزاه و هشوفلك ناني كمان . بس اهدي عشان اعصابك و الولاد .
مريم اتنهدت بتعب و سكتت .
_______________________________________
بعد اسبوع مكنتش في أحداث جديده غير أن ادهم طول الوقت بيحاول يوصل لـ مريم بس مش عارف .
مريم قامت من علي السرير بتوتر و قعدت قصاد الدكتوره .
الدكتوره بضيق ./مدام مريم انا بلغت حضرتك أن مينفعش يحصل حمل قبل سنه عشان صحتك . بس ده مش معناه انك تاخدي برشام منع حمل و انتي حامل .
مريم بصتلها بعدم فهم ./ انا مش فاهمه حاجه هو في اي .
الدكتوره بهدوء ./ مدام مريم انتي حامل في الشهر التاني .
مريم فتحت عينيها بصدمه ./حامل . حامل ازاي انا مش فاهمه حاجه .
الدكتوره ./ايوه حامل و برشام منع الحمل اللي فضلتي تاخديه و انتي حامل احتمال يأثر علي الجنين .
مريم . /انا مبخدش برشام منع الحمل بقالي شهرين .
الدكتوره باستغراب ./ازاي . باين عندي و من بطانة الرحم انك بتاخدي برشام منع حمل . انا هكتبلك علي علاج لحد ما تدخلي في الشهر الخامس و هيب...
مريم قاطعته بجمود ./انا عايزه أنزله .
الدكتوره باستغراب ./مدام مريم بس...
مريم قاطعتها ./انا عايزه أنزله . و هدفعلك اللي انتي عايزاه بس اعمليلي العمليه دي في أسرع وقت .
الدكتوره بهدوء ./مدام مريم الموضوع مش حكاية فلوس . انا خايفه علي حضرتك الحمل مهما كان بس عمليه زي دي هتكون اصعب عليكي . خصوصا انك لسه والده من كام شهر و عندك مشاكل في.....
مريم قاطعتها بهدوء ./صدقيني العمليه زي هتنقذ حياتي و حياة ولادي من حاجات كتير عشان خاطري فكري تاني .
الدكتوره بهدوء ./مدام مريم فكري تاني قبل ما تعملي كده . انا عارفه ان فرق السن بين عز و دنيا مش كبير و انك هتتعبي معاهم و مع البيبي الجديد . بس ده رزق من عند ربنا حتي رغم انك كنتي بتاخدي البرشام بس ربنا أراد أنك تحملي تاني .
مريم بعصبية ./انا مكنتش باخد حاجه مكنتش باخد دواء اصلا انتي ليه مصممه علي كده .
الدكتوره باستغراب ./مدام مريم اهدي . انا بقول اللي واضح عندي من بطانة الرحم و كمان لو كنتي استمريتي علي البرشام اكتر من كده ممكن لقدر الله كان يعمل تشوه لـ البيبي و انشاء الله ميكنتش في حاجه . فكري تاني في موضوع العمليه و شوفي استاذ ادهم رأيه ايه و انا معاكي في اللي يريحك .
مريم هزت راسها بهدوء و مشت و هي مش مستوعبه كل اللي بيحصل .
________________________________________
اماني فتحت الباب بهدوء بس بصت بصدمه و قلق علي مريم ./مريم في ايه .
مريم دخلت في حضنها بدموع ./انا تعبانه اوي يا اماني مش قادره .
اماني قفلت الباب بسرعه ./طب اهدي عشان نعرف نتكلم .
مريم قعدت بتعب ./مقدرتش اروح البيت . لقيت نفسي باجي بسوق و انا مش عارفه رايحه علي فين لحد ما جيت هنا .
اماني قعدت قصادها بهدوء ./ ممكن تهدي و تفهميني مالك .
مريم غمضت عينيها بدموع ./انا حامل .
اماني ابتسمت بفرحه ./بجد طب مبروك . بقي خبر زي ده يعمل فيكي كده .
مريم هزت راسها بدموع ./مش عايزاه يا اماني عايزه أنزله .
اماني بغضب ./انتي اتجننتي يا مريم . عايزه تقتلي روح . مريم انا عارفه انك تعبانه مع الاولاد عشان سنهم بس ده مش معناه انك تقتلي روح و رزق ربنا بعتهولك .
مريم غمضت عينيها بوجع . اماني بهدوء ./ادهم لازم يعرف .
مريم ابتسمت بسخرية ./ادهم لو عرف هيقتله يا اماني .
اماني بصدمه ./مستحيل .
مريم بسخرية ./ ادهم كان بيحطلي برشام منع الحمل من غير ما اعرف . و الدكتوره قالتلي أنه ماثر علي بطانة الرحم . يعني ادهم مش هيفرق معاه وجوده يا اماني .
اماني بصدمه ./مريم فكري تاني عشان خاطر عيالك . هو ملوش ذنب تقتليه.
مريم بضيق ./و لا انا ليا ذنب يا اماني . انا هعمل العمليه و اللي يحصل يحصل . انا عايزه اركز في حياتي و مع ولادي الفترة الجايه .
اماني مسكت أيديها بهدوء ./طب خليكي عندي كام يوم لحد ما تهدي و انا هروح اجبلك كاميليا و الاولاد . و تونسوني شويه .
مريم قامت برفض ./مينفعش . نصار ممكن ييجي في اي وقت . و اكيد هو عارف اللي حصل و ممكن يعرف ادهم مكاني . انا همشي و هبقي اكلمك بعدين .
اماني هزت راسها بيأس منها و زعل عليها .
يتبععع..
بقلم ملك عبد المنعم