Sanctuary of Love

Chapter Twelve

CHAPTER TWELVE

MASAMA ang mood ko pagdating ko sa bahay. Deretso agad ako sa banyo para mag-shower at maalis na rin ang sama ng loob ko. Nakakainis ang babaeng dinala ni Sir kanina sa office! Sa susunod na magpunta siya sa office talagang uuwi ako ng maaga, tss.

"Oh, anyare sa 'yo?" tanong ni Liza paglabas ko ng banyo.

Humalukipkip ako. "Paano ba naman kasi may nagpuntang babae sa office tapos ang sama rin ng ugali. Muntikan na akong sampalin tapos sinabihan pa akong hinding-hindi raw ako magugustuhan ni Mr. Vasiliev dahil ang plain ko!" paghihimutok ko.

Kung alam lang ng babaeng 'yon ang sinasabi niya.

"Nako. May ganyan talagang mga tao na porke mayaman grabe nang mang-mata ng kapwa. Sa susunod kapag inaway ka ulit sampalin mo na para tumahimik," payo nito.

Napanguso ako. Sasampalin? I'm not into cat fights. Masyadong mababaw ang pagpatol sa pisikal. Masasaktan lang ako ngunit hindi pa rin no'n napatunayan na tama ako.

"Hindi ako marunong makipagpisikalan, Liza. Mas mabuti pang daanin na lang sa maayos na usapan," mahinahon ko ng ani. Lumapit ako sa lamesa at tiningnan kung may makakain ba kami, at meron naman. "Kain na tayo, Liza. Sobra akong napagod ngayong araw."

Lumapit sa mesa si Liza at umupo sa tabi ko. Tiningnan niya ako.

"Oo, kaylangan ko ng lakas para sa trabaho dahil Friday ngayon. Maraming parokyano," nakangiting anito.

"Wag ka lang magpaka-pagod sa trabaho."

"Kung pwede lang pero hindi," anito saka inabot ang ulam. "Bukas baka tanghaliin na ako ng uwi. I-lock mo na lang yung pinto pag-alis mo, ha."

Tumango ako saka naglagay ng pagkain sa plato ko. Gutom na gutom din ako dahil sa pagod sa pag-uwi. Wala pa namang masayang jeep kanina kaya ang tagal kong nakapila at naghihintay.

Ang ulam namin ay itlog at hotdog. Sinabay lang sa pagluto sa kanin dahil may stain pa ng red ang kinakain namin comes to the hotdog. Prinisinta kong ako na ang maghuhugas ng plato namin ngayong gabi para hindi na rin ma-late sa trabaho.

After all of the things na ginawa ko sa labas ay pumasok na ko sa kwarto. Binuhay ko ang electricfan at humiga sa kama. Tumitig ako sa kisame. Am I really plain? Hindi ba ko ka-gusto-gusto? Ngumuso ako.

Maganda naman ako kahit plain lang, ah. I mean . . . I don't dressed like how I do before pero wala naman masyadong nagbago. Right?

HINDI ako nakatulog ng maayos sa kakaisip sa sinabi sa 'kin ng babaeng 'yon. Panay tuloy higab ko habang nag-aayos. Ngumuso ako habang nag-iintay ng jeep. Sinilip ko ang pila. Sobrang haba pa niya.

Kinamot ko ang noo ko saka tumingala sa langit. Sa sobrang aga kong umalis, hindi pa tuluyang nagliliwanag ang kalangitan. Makikita mo pa ang buwan at iilang mga bitwin. Nanankit na ang mga binti ko.

Lumipas ang oras ng paghihintay ay may dumating na ring isa pang jeep kung saan ako nasakay. Mabilis akong nagbayad ng pamasahe at pumuwesto sa malapit sa hulihan para madali lang ding makababa mamaya.

Malamig ang simoy ng hanging tumatama sa katawan ko habang umaandar ng jeep. Ilang beses akong naghigab dahil nadadala ako ng antok. Sa sobrang bigat ng talukap ng mga mata ko ay 'di ko na napigilang mapapikit ng tuluyan.

*****

"MISS. Miss. Miss. Saan ka ba bababa? Gumising ka na."

Kinunot ko ang noo ko ng maramdamang parang may yumuyugyug sa balikat ko. Mariin kong kinunot ang mata ko bago dumilat. Lumibot ang paningin ko sa paligid. Wala nang sakay ang jeep. Hinanap ng mata ko kung sino ang taong 'yon. Saka lang pumasok sa isip kong papasok ako sa trabaho ngayon.