Tila bangungot, isang pangyayari'ng masalimoot
Laging yakap ang takot
Pagkakamaling di kayang malimot
Bunga ng karahasang ginawa't idinulot
Minsan aking itinatanong
“bakit sa dami ng tao'y ako pa?
Tanong na hindi masagot
Ang diyos ako'y nilimot na, hindi na ako naalala
Gabing sa aki'y trahedya
Na sa panaginip nawa magising na
Pagod na akong tumangis pa
Sa pangyayari'ng ako'y nakahawla
Hindi kayang limutin
Ang madilim na daan
Isang trahedya aking nadatnan
Ako ay tila iniwanan ng langit at lupa; at hindi binalikan
Makakaya ko kayang umahon
Sa mapait na nakaraang dulot ng kahapon
Tila dagat na kay lalim, sisisirin hanggang bangin
Basta't mawaglit lang, aking kasalanan
Makakamit kaya namin ang hustisya
Kung kami'y mga dukha
Anong laban ng daga sa ahas, kung isang kagat lamang buhay ay pigtas
Palaging kampi sa mayayaman ang batas, basta't may perang iniaalpas
Mahirap man na paniwalaan ngunit ito'y nangyayari sa kasalukuyan
Paulit-ulit na suntok, napakaruming ungol
Habang ikaw ay masaya, hawak ng mahigpit aking palad
Patuloy sa pananamantala, sa katawan kong isa ng basura
Nang matapos ay iniwan, sa madilim na kasuloksulokan
Pighati't maduming luha ang aking nadatnan
Bunga na pananamantala at karahasan
Tila bangungot na gusto ko ng magising
Pilit sinasabing ito'y kathang-isip
Pero ito'y hindi panaginip
Sapagkat nagmarka ang karahasang nakuha
Papaano ko maiiwasan?
Kung mayroong bunga ang aking kasalanan
Makakaya ko kayang alagaan ang aking nasa sinapupunan
Na naging dahilan upang puri ko'y madungisan
Aking panginoon ako'y gabayan, puso ko'y inyong buksan
Sa isang batang aking nasa sinapupunan, dulot ng pagkakamali at karahasan...
BINABASA MO ANG
TULA (POETRY)
Poetry"Batang matayog na pangarap ay nais liparin, hayaang sumama sa naglalayag na saranggola sa papawirin. Tunguhin ko'y mailatha yaring akda na sa isipa'y nagkukumawala. Hayaang lunurin ang isip ng kathang tula at maihatid sa madla."
