“paru-parong dumapo sa puso, pagaspas pa'y panibugho, bulaklak bakit natuyo?”
lumuha ka't hayaang ireng ulan sandigan,
dagling pagpuslit niring sakit
naliwanagan. buhayin nawa nalantang
kaisipan, masira nawa pugad ng kariktan.
sawing puso'y ano'ng sakit? Pangamba'y
tila matulis na tinik, sa sariwang puso
dumugo't nagpapakasakit. higupin nawa
niring kasawian ng ipo-ipong
kapanatagan. dalhin nawa ireng
kalungkutan ng daluyong na lumalaban,
hamon ng pag-ibig pagtitibayan,
luha niring sandata, sakit ang kalasag
nawa'y magapi panibughong ako'y
nakatali.
kahayukan sa purong pag-ibig baliw
na inaasam. kahit kasakita'y nakabalantay
patuloy susuungin, lingapin ma'y walang
saysay 'pagkat nauupos niring
pagmamahal. tila isang kandila aking
nararamdaman lumuluha sa nag-aalab
na apoy impit 'kong nadarang.
rosas na alay sayo'y dagling nalanta
sa plorerang luha ang sisidlan. sumigaw
ng impit at siphayo'y dumudurog sa
panibughong namumuo'y agarang
lumago. sa pusikat ng dilim nasa
puno't nakayuko, umiiyak, lumuluha,
dantayan ko'y puno'ng saksi sa sakit
at pagluha.
“panyolito'ng alay tila kadenang gumagapos sa ala-alang nakapiit 'pagkat paulit-ulit 'kong binabalikan. lisanin nawa ng makamandag mo'ng pag-ibig na tumutuklaw sa aking pagluha.”
Salamat na agad sa pagbasa💜
BINABASA MO ANG
TULA (POETRY)
Poetry"Batang matayog na pangarap ay nais liparin, hayaang sumama sa naglalayag na saranggola sa papawirin. Tunguhin ko'y mailatha yaring akda na sa isipa'y nagkukumawala. Hayaang lunurin ang isip ng kathang tula at maihatid sa madla."
