الفصل العشرون
هناء بصدمة ـ اكرم
اكرم باستغراب ـ السلام عليكم ازيك يا نادية
نادية ـ الله يسلمك
ـ ملكوا واقفين كدا لى ماتتفضلى اعدى
ـ لالا أنا كنت نازلة اصلا يالة سلام عليكم
نظر اكرم لهناء بعد رحيل نادية
ـ فى اى يا هناء
ـ هيكون فى اى ياعنى
ـ اصل غريبة ياعنى مرات اخويا هنا وانتى وشك مالوا قالب كدا لى
هناء ـ هيكون مالى ياعنى ابدا كانت بتتكلم فى حوار جوز ليلى ويحيى بس مافيش حاجة أنا هاروح احضر العشاء
ثم ذهب إليه ونظر اكرم فى أثرها بمعالم وجه غريبة
...................................
اجتمع شباب العائلة على سطح المنزل
ريان ـ بقولك يا كيمو تعرف تحرك رجلك كدا
وظل يحرك رجله يمين ويسار نظر إليه كريم بوجه محتقن ثم نظر اللى رجله التى ما زلت فى الجبس
ـ تصدق يا ريان ولله ما شفت اندل منك يلا
ضحك ريان ثم قال ـ ياعم ليك عليا اول ما تفق الجبس هحجزلنا ساعة كرة فى ملعب الواد حوكشة
أسامة ـ حوكشة بيئة اوى بجد الفاظك بقت سوقية
كريم بلوية فم ـ ونبى يا اسامة ياحبيبى مش عشان سفرتلك شوية امريكة فاتعمل فيها متريى فى حواريها
ضحك الجميع عليه
يحيى ـ مهندس الديكور المسئول عن الشقق بتاعتنا كلمنى النهاردة فاضل شوية حاجات بس محتاج ياخد راقينا فيها بقول بعد ما كريم يفق الجبس بكره نبقا نعدى عليه
عز ـ تمام أنا معاكوا بكره مش ورايا حاجة
كريم وهو ينظر اللى اخية بعبث ـ الاقولى يا يحيى
يحيى ـ قول يا حبيبى
ـ أنا سمعت خير الله ماجعلوا خير ان فى حد عوز يخطب فى البيت ده
يحيى ـ اهاااا خت بالى بس اللى مش تعرفه أنها منفضالو على الاخر
كريم ـ ياعينى يابنى طب واخرتها اى
عز بنفعال ـ ماخلاص ياض منك لى ماصدقتوا لقيتوا حاجة تمسكوا فيها
وبعدين اصلا عرفتوا منين
أسامة بضحك ـ ماهو انا سمعتك وانت بتكلم جدك ورحت قولتلهم
عز ـ ابو اشكالكم فى الارض اخوات اى دول ياربى
..............................
فى الاسفل فى شقة خالد
ـ شمس بضجر ـ سلمى هشيل البتاع اللى على وشى ده امتى أنا زهقت
سلمى وهى تضحك مسك الوجه على وجه ليلى
ـ يابنتى انتى كملتى خمس دقائق حتى استنى شوية خلى يعمل مفعول
ثم نظرت اللى سارة وشهقت
ـ انتى بتعملى اى يا سارة
سارة وهى تاكل قطع الخيار التى كانت على وجها
ـ اصلى جعت فجاء قولت اسلى نفسى
تعالت صوت ضحكاتهم جميعا
سلمى ـ لازم نهتم بى بشرتنا خلاص معتش فاضل غير تلات شهور على الفرح
شمس ـ سكين كير اى ياعنيا مالها صبونة الفحم ام عشرين جنبة ونغسل بيها وشنا ونبقا زى الفل ياختى بلا وجع دماغ
سلمى ـ هقول اى منتى جهلة لى حق الولا يخرج عن شعوره
ضحكت ليلى وقالت ـ ونبى قوللها لو مش بطلت اللى بتعملوا ده هيطفش منها
شمس ـ يبقا يفكر يعملها بس وانا هوريه
ليلى ـ طب استنوا بقا انتوا ناسين أننا لسا مش نقينا فساتين وخلاص معتش فى وقت
سارة ـ ولله احسن حاجة عملتوها انكوا هتعملوا الفرح سوا
شمس ـ عندك حق ولله كدا هجيب فستان واحد مش اتنين توفير بردو
سلمى ـ معفنة طول عمرك
ليلى ـ أنا هبعت لى يحيى اعرفوا أننا هننزل نشوف فساتين بكره عشان يبقوا عارفين
............................
فى الاعلى وصل اشعار اللى هاتف يحيى
يحيى وهو ينظر اللى كريم
ـ كريم البنات بكرة هينزلوا يشوفوا فساتين تعمل حسابك بقا
كريم ـ ماشى ياحبيب اخوك تروحوا وتيجوا بلسلامة
يحيى ـ لا ياحلو هتنزل معايا امال هتسيب مراتك لوحدها يرضيك
كريم ـ اها يرضينى
عز ـ اى يلا الندالة دى
كريم ـ لما تبقا تنزل معها هتعرف أنا ندل لى
ثم رن هاتفه برقم سلمى
كريم ـ الو
سلمى ـ اى ياحبيبى أنا بكره نزلة اجيب الفستان اعمل حسابك بقا عشان هتنزل معايا
كريم ـ ماهو
سلمى ـ بتقول حاجة يا كريم
كريم ـ بقولك على الساعة أربعة هكون جاهز يا حبيبتى فى رعاية الله
ثم اغلق هاتفه ونظر إليهم كان الجميع ينظر إليه
كريم ـ فى اى بتبصولى كدا لى
ثم نظر الجميع اللى بعضهم وانفجروا بلضحك
عز ـ لا مسيطر اوى
يحيى ـ امااااال
ريان ـ اخص وانا اللى كنت وخدك مثلى الاعلى
نظر إليه كريم ثم الأقى فى وجه الوسادة وقال
ـ اخرس يلا قوم احفظ كلمتين ينفعوك احسن
أسامة طب أقوم أنا بقا
يحيى ـ رايح فين يابنى
ـ هنزل اجيب شوية حاجات من السوبر ماركت قبل ما اطلع
كريم ـ خدنى معاك أنا نازل اصلا
ثم نهض الجميع واتفقوا على أن ينزلوا جميعهم مع البنات لتنقية الفساتين
..................................
دلف أسامة اللى غرفته وكانت سارة تمسك هاتفها
أسامة ـ حبيبى مشغول فى اى
سارة بعد أن تركت هاتفها
ـ ابعد ياعيون سارة كنت بدور على فستان على النت
أسامة وهو يقترب منها ويقبل جبينها
ـ حبيبى اى حاجة هيلبسها هيبقا قمر فيه
سارة ـ قمر اى بس ياحبيبى أنت مش شايف بطنى كبرت ازى دنا لسا فى الشهر التانى وحسة انى تخنت
أسامة ـ لا ياحبيبى بعدين حتى لو تخنتى بردو هتفضلى قمر
سارة ـ لا أنا لازم امسك نفسى شوية مش كل شوية اكل اله
ثم لمحت حقيبة سودة بجوار
ـ اى ده ياحبيبى
ـ ابدا دول شوية شوكلاتات على ايس كريم وسناكس
ثم أكمل بنبرة عابثة
ـ كنت جايبهم تتسلى فيهم بس خلاص طالمة نويتى تعملى رچيم يبقا خلاص اشلهم بقا
أمسكت يده سريعة وقالت
ـ لا ماهو خلاص هبدا من يوم السبت
ـ طب ماهو النهاردة السبت
ـ يبقا من السبت الجاى
ثم اخدت منه الكيس وقامت بافراغها
أسامة وهو يضحك ـ مشاء الله على الإرادة والعزيمة
سارة بعد أن بلعت مافى فمها
ـ ياعم أنا بوء اصلا
ـ بوء جبتى الكلمة دى منين يا سارة
ـ من ريان ياحبيبى
ـ اها يا ريان الكلب بوظتلى اخلاق البت
.................................
وفى صباح يوم جديد فقام الجميع بأعماله الروتينية المعتادة
وفى الساعة الرابعة عصرا وصل سيارة يحيى وكريم
ثم دلفوا اللى المول
كريم وهو ينظر اللى سلمى وكان على وجهها ابتسامة حماس
ـ استعنا على الشقاء بالله
يتبع .......
بقلم /رانيا مختار
أنت تقرأ
البيت بتكوا 💙
Ficción Generalقد تكون هذة قصة مشابه لى عائلتنا أو عائلة نعرفها أو قد تكون لا تمسنا بى صلة ولكن هذة هى قصتهم وهذة هى عائلتهم فمن هما عائلة النويرى رومانسى درامى عائلى
