"بساتين الضياع"
الكاتبه: امواج
____________________
ي مكانٍ اخر:
محمد: خلصت شغلي وطلعت اشوف الولد خلصو لا
هاا شباب.
الشباب: هله كابتن
درت وجهي عله سامي
توة يريد يحجي ودك عليه رقم غريب جاوب
: الوو
: السلام عليكم ابني شونك
: وعليكم السلام منو
: انه عمك ابو راما صديق قريب اللوالدك
: حياك الله عمي تفضل امر خدمه
: ما يأمر عليك ظالم عمي، اتصلت عليك علمود سالفه
: تفضل عمي انه بخدمتك
: والله اريد اسفر العائله وحبو يسافرون بالقارب مدري سفينه والله ماعرف يا عمي مدري منين طلعولي بهلسالفه انه رجال كاعد وساكت وذني يردن يسافرن
: هههههه صدك جذب عمي ونسهم شعندك غيرهم
: اي والله صدك، اي وكال والدك انو لازم احجز مدري شنو
: اي صح عمي لازم تحجز قبل بوقت
: اي عمي شلون يعني ماعرف بهيج سوالف انه تكدر ادبرهة عله عرفك عمي؟
: ان شاء الله عمي بس يحتاج جوازات لان الوضع مو آمن بالعراق وانته تعرف بعد
: خوش عمي بس شلون التقي بيك وانطيك الجوازات
: انه شوي وطالع للبيت اذا تحب امر عليك اخذهن من يمك بس دزلي عنوانكم
: خوش بويه هسه ادزلك
: مع السلامه
: معه السلامه
سامي: منو هاذ كعدت تدك ويا سوالف
: زبون، يصير صديق ابوي
سامي: اهاا
طلعنه كل واحد راح البيته بس انه رحت للعنوان
وصلت للمنطقه شبه ريفيه بيهة بساتين كلش حلوة دكيت الباب طلعلي واحد وجهة يطرد النعمه
: السلام عليكم هاذ بيت ابو راما
حسين: نعم تفضل تفضل هسه اصيحه الك
يحجي عبالك واحد سكران
: لاخويه ما اكدر عندي شغل صيحلي عمي ابو راما اخذ الامانه منه واتوكل
راح شوي اجاني رجال جبير وجهة بشوش
ابو راما: اهلا اهلا ابني تفضل تفضل ليش واكف بالباب لاعمي ماكدر عندي شغل ولازم ابدي بجوازاتكم هم رايدلهة وقت
: بس مامحسوبه جيه هاي ننتظرك عالغدة بغير يوم
: ان شاء الله، انطيني الجوازات خلي اتوكل
: اوو نسيت اجيبهن الك انتظرني هنا عمي وذا تحب تتفضل تكعد بلبستان ليورا عله ما اجيبهن
راح وانه ضليت واكف استحي اكعد وحدي
ضليت اباوع للورد والخضار يفتح النفس
: يابه من اتزوج اله اسوي بيتي هيج وعليي.
باوعت للباب بعده ماجاي صار عندي فضول اشوف شنو اكو بالبستان اذا الحديقه هيج البستان شون شكله لعد
افتريت الحديقه والبستان ماكو شي يفصلهم يعني لا باب ولا سياج
توني افتر ولمحت الولد الي فتحلي الباب هوة وبنيه واكفين انصدمت من شفت البنيه توخر بي وهيه تبجي وتحاول تصيح يعني ماقابله جاي يعتدي عليهة وهيه ماقابله
يابه شصار بيه حسيت الموقف قبل سنين نعاد كدام عيني بس جنت مربط هسه اكدر ادافعلهة اكدر
