"بساتين الضياع"
الكاتبه: امواج
_________________
سمعت صريخ قوي اريد بس احد يحجي من التليفون ماكو انغلق الجهااز بوجهي ضليت ارجف بس اريد اعرف شنو بيهة الولد وكف السيارة وضل صافن بوجهي كتله
-امشي امشي بسرعه البيت راما
رجعت دكيت على الرقم الجهاز انغلق ضلييت انووح بس اريد اتطمن عليهة روحي راحت
دليته على البيت وهوه سوه الطريق نص ساعه وصلنه نزلت بسرعه الباب مال بيتهم مفتوح والناس ملتمه انه هنا كلبي ضل يوجعني بالزايد
سمعت واحد يكول اهل البيت"منحورين" دخت مدري شلون قاومت ودخلت رجليه مايحملني اسحل بروحي للبيت سحل روحي طلعت على ما وصلت
كلبي نمرد شفت شي احسد الاعمى لانه مايشوف شي احسد شكوا واحد ماشاف هالمنظر كدامه شفت ابو راما منحور من رقبته والدم يجري منه مثل البوري مال المي المفتوح وجسمه ينكث
تصنمت بمكاني ما اعرف اذا اني بحلم لو بعلم للحظه حسيت الي جاي يصير جذبه
امها عله صفحه مجلوطه بالكوة سحلت روحي بأتجاهة
-مااكو نبببض ماكوووووووو مييتتتتتته
ضليت ادكك والطمم عله راسي الى ان ضلمت الدنيه بعيني
(وره فتره)
اشمم ريحت دمم قويه نخمش كلبي من تذكررت منظر ابو راماا منظرة يذبح الشخص محد يستحمل المنظر يكتللل
-اااااااههخخ رامااا لوتدرييين شصاايير وييينج وللج وينجججججج
ابجيي بدون ما افتح جفوني احس ايدي ورجلي مشلولات ما اكدر اشيلهن
حسيت احد يمسد عله راسي فتحت عيوني بالكوه وشفتهة الحجيه الي جنت يمهة بجييت بحركه ما اكدرر احرك ايدي امسح عيوني وهيه تبجي بلا صوت
دخل الولد الي جنت ويا وحجه
-ما اعرف شنو اكلج الشي الي شفتي مو هين محد يستحمله مااكدر اساعدج بشي اتصلت عله صديقي ضابط وطلع يعرف الرجال اليي... الله يرحمه، المهم هوه راح يتكلف بقضيه خواتج وان شاءالله نلكاهن
بجيت بحركهه
-منوو يكول عايشات حته منوو يكوول، شنوو يردوون منهم لييش هيج سووا ياا عديم انسانيه ليش منوو يكدر يقتل روح بني ادم منوووو
اتهسترت طلع الولد ورة شويه اجت الممرضه بزتني ابره خلتني اهدء بس اكدر اسمع واحس الي يمي ضلن بس دموعي تنزل بدون صوت
_______
راما..
ضوء خفين في وسط غرفه مظلمه
صراخ
عذاب
هلاك
تعبب لايطاق على قلبي المعتم
____
