"ساتين الضياع"
الكاتبه: امواج
ضايعينَ لا فرح يندَل
دربنه ولا حِزن فك ياخه عنه .
لاتنصون التصويت حبايب گلبي
وتعلقون بين الفقرات
.............................................
راما....
ضليت امشي وامشي متوجهة لشارع عام بس ماكو، حسيت بخطوات ورايه تمشي خفت وگلبي دكاته مسموعه، وحدي، وكلشي ماشايله حتى احمي نفسي بي
وكفت اريد التفت اشوف منو وسمعت صوت اخر شخص اتوقع الكا هنا
_شجابچ هنا؟!
انصدمت هذه الصوت اعرفه كلش زين درت ولكيت حسين ابن خالتيي ضليت على صدمتي وهو مستغرب
حسين: راما شنو تسوين هنا؟!
فزيت من صدمتي على سؤاله وهو منتظر جوابي
راما: نعم!!شدخلك؟
حسين: شلون شدخلني شفت بت خالتي بمكان مشبوه شتردين اسوي.
تباوعلته من فوگ لجوه وكلت بكل برود
راما: ما الك دخل بشيء خوش وعود سلملي على خالتي.
التفت اجيت امشي ولزمني من ايدي بهل لحظه هي ثواني وشفت شخص ضخم ضارب حسين بوكس ومن قوته
وكع بالگاع بحلقت عيوني من الدهشه من شفت نوفل يفرك بأيدي هو الي ضربه ومحمد الي كاعد بالسياره التفت نوفل اليَ وكال
نوفل: زوجت اخي سوالج شي هذه الحيوان؟
هزيت راسي بسرعه بحركه يعني لا وهو هز راسه متفهم وحسين كام هاد
حسين: هيووو منو انتَ حته تضربني تعرف انا منو وشدخلك بيني انا وبت خالتي.
نوفل: انجب لك لاتخليني اجرك بزيج هسه تنسه حته اسمك.
حسين: انتَ منوو وتحجي هيج وياي.
نوفل: نوفل ابو شخطه والالزمه امطله.
وسوه حركات عود مال تشخيط بأيده
سمعت صوت ضحكات عالي درت شفت محمد ميت من الضحك
حسين: وشدخلك بيني وبينهَ،ومنو انتَ اصلاً؟!!
نوفل: زوجت اخي تعرفين هذه الحيوان؟
هزيت راسي وكلت بكل اسف
راما: اي للأسف هذه ابن خالتي.
ضحك بصوت هو ومحمد الي بالسياره يدخن وعينه عليهم ولانزل ولا تحرك
حسين: انتِ منين تعرفين ذوله؟!
راما: يااا نسيت اكول الك ذوله اصدقاء زوجييي.
شددت على كلمت زوجي وهو ضل مفهي
حسين: زوجج يمته تزوجتي!! وشلون احنه ماندري؟!
