"بساتين الضياع"
الكاتبه: امواج
لاتنسون التصويت،
وتعليقاتكم الحلوه بين الفقرات،
ضيفوا القصه لمفضلتكم اذا عجبتكم.
••••••••••••••••••••••
ࢪقيــه...
_محمددد؟؟!!!
مبتسم ويركص بحواجبه فرحان
محمد: بشحمه ولحمه.
ضليت اتلفت لا يجي واحد من الي يشتغلون هنا
حچيت بحده وانا خازرته
_شجايي تسويي هناا محمممممد.
حچيت اخر كلمه محترك گلبي
ارتدف بنبرة جديه وذب العصى من ايده وحضن كفوف ايديه ببعض وصار يحچي بأسف
محمد: الي صار والي جاي يصير والي راح يصير كله من ورايه، انتِ هنا بسببي، انا آسف واسمحيلي اصحح غلطي، واطلعچ منا مثل مادخلتچ.
اباوعله مامفتهمه اخر كلامه، شلون يريد يصحح غلطه مافهمت؟!
محمد: ادري شنو الي خيروچ بي، وانت بحيره وما بيدچ شي تسوي غير انو تستسلمين الهم، بس ولا ممكن اسمح بهذا الشي وهو بسببي.
حچيت مقاطعته
رقيه: لحظه لحظه، انت شعرفك انا هنا وشلون عرفت بالي مخيريني بي، اساساً انت شلون دخلت وهمَ ديدورون عليك؟!!
محمد: ما اكدر اجاوبچ على كلشي حالياً، لان ماكوا وقت، باعي.
يحچي وتلفت خاف احد يجي وسُميه ماسمعتلهة حس، فص ملح وذاب.
محمد: هاچ هذا الرقم، اتصلي عله راما قلقانه عليچ، ان شاء الله ماراح تبقين هنا منا لباچر.
يريد يروح وانا واكفه بصدمتي، رجع ناسي شي يحچي
محمد: وها، ثامر خوش ولد، وهو هم مغصوب عليچ، شوكت ماتردين تحاچيني روحيله، وما اطول باچر مطلعچ.
انصدمت اكثر وعيوني مفتوحه على وسعهة وألف سوأل ببالي، شلون اجه؟!
شراح يسوي!؟
شعرفه ثامر مارايدني؟!
منو ساعده!؟
وفوك كل هذا سُميه منين تعرفه وساعدته وجابتني هنا؟؟!
دخت من التفكير كعدت عله طبله خشبيه صغيره.
استجمعت نفسي ودخلت للبيت، وبوجهي للمطبخ لكيت سُميه واكفه تمسح بالكاونتر، سحبتهة من ايدهَ ودخلتهة للغرفه.
رقيه: منيين تعرفيي!! وشجابه علينه؟؟!
ارتبكت وكالت
سُميه: ما اعرف والله، ثامر اجه يريد مساعده مني مثل كل مره، وانا وافقت، بس گلي جيبي رقيه يم الحضيره.
رقيه: وانتِ بسرعه وافقتيي موو، بالله راد يأذيني لو يسويلي شي،شلون توافقين.
سُميه: لا لا ثامر مو من هذا النوع، ادري بي راد يساعدچ وطلبچ.
