"بساتين الضياع"
الكتابه: امواج
بسم الله الرحمن الرحيم
_________________________
_رند!!!
_اي تعرفيهة؟
_اي هي وين
_ثواني
سكت سمعته يحجي وي شخص وكال
_جوه يم الاستعلامات
_خووش
سديته بوجهة وركضنه انا ورقيه عفنه كلشي بأيدنه قبل لا ننزل لاكتنه بالدرج
نضراتهة النه شوق ولهفه ماعرف اوصف فرحتنه من شفناهة حضناهة وبجينه بجي تعب وشوق وعتاب
اخيرا هديناهة وكعدنه نعاتب بيهة
رقيه: يابذاته بس اجوا اهلج كبل رحتي وياهم لاسألتي ولا كلتي صديقاتي شنو حالهن هسه
ضحى: مقدرين موقف اهلج انو يخافوت عليج بس مو الدرجة اتصال ماتتصلين
رقيه: هاي الفتره كلهة وين جنتي ليش هسه يلا اجيتي
رند: علكيفجن استلمتني والله مو بأيدي والله ابوي اخذ تلفوني وخطي وشمرهن وطلعنه الأيران حتى تلفون ما انطاني هاي الفتره كلهة محرومه منه خاف الكه رقمجن واراسلجن بس مليت ومن شافني لا اكل ولا اشرب وحابسه روحي قبل اجي لهنا
رقيه: اجيتي وحددج!!
رند: لا لا بابا عنده صديق هناك سفير بأيران جانت عنده جيه للعراق واجيت ويا وكوه قنعته
هزينه روسنه وسكتنه الى ان حجت هي
رند: لعد وين راما وملاك خل اشوفهن
سكتنه انا ورقيه وحده تباوع للثانيه
رقيه: ملاك كلنالج سوت حادث وتكسرت كوه تمشي هسه اله عكازات وراما....
سكتت وضلت تباوعلهة رند
حجيت بتردد
ضحى: راما صارت عدهة جلطه بالقلب ورا ما ملاك ندعمت عبالهة رح تموت ودخلت بغيبوبه
انصدمت مبحلقه عيونهة بوجهي
بحسره
رقيه: زين بس انصدمتي وماضكتي الي عشنا
كلنه بجينه مستذكرين الي صار ويانه كل شوي تبجي وتكول اسفه ماجنت وياجن بس تفهمنه موقفهة وماضغطنه عليهة بالحجي
رحنه الملاك وكعدنه نسولف بعدين درنه يم راما لتمينه وكعدنه نسولف وياها
رقيه: اجت رند سلمي عليهة
هي حجتهة حجايه بس فتحت جروحنه رند من عيونهة مبين جانت تريد تتلكاها راما بس للأسف ماتكدر
ملاك كل حسره تذبهة ولا الثانيه صرنه سكته منا لمن حجت رند
_وين ساكنات انتن هسه
