"بساتين الضياع"
الكاتبه: امواج
بسم الله الرحمن الرحيم
____________________________
ضحى
_شلل؟
الدكتور: للأسف، بس لاتخافون كُلشي اله علاج والحمدلله الشلل نصفي يعني ماراح ينطي اعراض جانبيه راح اكتبلكم علاج تلتزم عليه حتى تتعالج بأسرع وقت مع استمراريتهة بالحركه خلوها تتحرك حتى لو ماكدرت واكيد بمساعدتكم
ضحى: زين هيه مامتعرضه لحادث او شي منين اجاها الشلل
الدكتور: مو شرط حادث من الممكن انو هيه متعرضه الصدمه مأثره على حالتهة النفسيه
دخت وشه صارت بأذني وعيوني احس صار بيهن نمل يمشي كعدت عالكرسي
مهند: انتِ زينه؟
هزيت راسي اي
ياربي ساعدنه ما النه غيرك يا اللهي منك الصبر
راح الدكتور يكتب العلاج الهة واني رحت اشوف ملاك ورقيه
دخلت عليهن ثنينهن امددات وحده عالسديه والثانيه على القنفه بس دخلت فزت رقيه
_اسم الله هاي اني
دخلت وسديت الباب كعدت يمهة وعيني على ملاك
_شلون صارت
_على وضعهة اجت الممرضه بزتهة ابره وهدئت ونامت، راما شلونهة
تحسرت وكتلهة
_بعدين احجيلج
هزت راسهة وفركت وجهة
_زين انتِ شلونج
نزلن دموعهة وكتمت شهكتهة خاف تكعد ملاك
_اخاف ابجي بوكت هنه يعتازني بي، تعبت ضحى تعبت مشكله ورا الثانيه تجي من جهة حسين ومن الجهة الثانيه ذول الي خطفونه ومانعرفهم منوو شوفي شوفي
رفعت رداناتهة تراويني
شهكت من شفت اثار حرك واثر زراك على اديهة
_هااي غير الي بضهري وبرجليه
تبجي وتحجي بحركه لميتهة الحضني
_اشش اش مابقه شي ويلكونهم وينعلون والديهم حسبي الله ونعم الوكيل عليهم حسبي الله
_ملييت والله مليت
فزينه ثنينه من اندك الباب
مسحنه دموعنه وكلت
_تفضل
دخل وهيب بأيده عللاليك
_جبت الكم اكل وملابس
خلاهن عله الميز وكال
_محتاجات شي؟
_لا تسلم
_انا هنا بالباب اذا تحتاجون شي امانه احجولي
