"بساتين الضياع"
الكاتبه:امواج
............................
راما...
صرخت وركضت نترت الورقه من ايدي
رقيه: وللچ احتركتيييي.
كامت تتلسم بأيدي وانا صافنه، معقوله ماحسيت من النار وصلت ايدي!!!
تلمستهَ
راما: شو ماحسيت بيهَ، چنت سرحانه بالي مو يمهَ.
باوعتلي بنظرات مافهمتهَ
رقيه: ليش لهسه گاعده؟
راما: لا توني فزيت.
رقيه: والورقه؟
راما: ءءا... لكيتهة بالسجل مالتي وكلت احركهَ.
باوعتلي مامصدكه وراحت تگعد البنات حتى نروح للدوام،
رحت اغسل وجهي وباوعت بالمرايه جوا عيني اسووود، وفص عيني الابيض احمر صاير واكو ورم خفيف جوا، مبين عليه مانايمه وباچبيه،
جبت ثلج وكعدت اسوي بي وجهي شوي شوي خف الورم
البنات سون ريوك وگعدنه نتريك وانا آكل بلا نفس،
كملنه وگمنه نكوي ملابسنه ونبدل، استغربت اليوم شعجب ماخابر واحد من الولد وهُم يوميه الصبح يجونه،
اخذنه تكسي ورحنه للجامعه، خلصنه دوامنه واليوم اول يوم الي شغل هنا والبنات چلبن اله تضل وحده وياي كلتلهن مايصير خاف انطرد من اول يوم
اجرن تكسي وراحن وانا بوجهي للشغل،
اول يوم چان حلو والموضفين حبابين وحتى مدير المكان متلاطف وياي، والزبائن محترمين واكو بيهم من جامعتي وكل واحد يدخل اعرفه لازم يسألني ليش تشتغلين واكتفي بـ عجبني اعتمد على نفسي،
والبنات كل شوي يدگن عليه سويته صامت حتى ما انطرد صدك،
خلصت شغلي بـ6 وبوجهي للبيت ميته تعب،وكلشي ماماكله من الصبح لحد هسه، وصلت للبيت ذبيت روحي بالفراش من التعب من الصبح على فرد وگفه والكعب مأذيني،
نمت بدون لا ابدل واكل گبل ذبيت روحي،
كعدت بـ 1 بالليل البنات نايمات، غسلت وجهي وسويت سكن كير البشرتي هالفتره تعبانه وعيوني ذبلانه بسبب سهري
بدلت ومشطت وسويتلي شي آكله وگعدت اتباوع بالجهاز
شكد اكره انعزل وي نفسي لان تبدي الافكار تهاجمني من كل كِتر، من اختلط بالناس انسى كلشي والتهي وياهم، اليوم تونست بشغلي والموظفتات چانن اقلال بس موظفين هواي
ظليت اروح واجي بالبيت وحدي اگوم واگعد واطلع من برنامج بالجهاز ادخل بواحد ثاني، ملييت وحدي گاعدهَ
الوقت مر عليه ثگييل لو ادري مانايمه ومخليه نومتي وي البنات،
اذن وكمت صليت وكعدت اقرأ قرأن صارلي هوااي ماقاريه،
