"بساتين الضياع"
الكاتبة: امواج
___________________
راما
حجه هاي الكلمه وبقيت صافنه ما اعرف شأحجي او استوعب هاي الكلمه بحد ذاتها احس نفسي ضايعه او تايهه جنت فاصله عن العالم بكبره وما حسيت على نفسي الى من احجه
مهند: راما شبيج؟
احجي وانا ارجف
_هاا ش. شن. شنو كك كلتت.
اتنهد وكال
_راما تتزوجيني؟
_هااا !!
_هاي شبيج شكو.
_شنو كلت ممكن تعيد.
_تتزوجيني.
_اتزوج منو؟
مسح على وجه واستغفر وكال
_بابا شبيج انا تتزوجيني.
_ليش اتزوجك منو انتَ؟
ماعرف شنو صار بيه وانا احجي دخت
_هاي شبيج راما ؟
كمزت من يمه بس استوعبت قربه مني وشلون يحجي وشنو كال
مهند: اسم الله علكيفج لاتكمزين بسرعه.
نترت بوجهة واحجي بصوت شبه عالي
_شنو شنوو اتزوجمن يمه ليش؟
مهند: اهدئي خل افهمج.
_شتفهمني شتفهمي هيج جاي وتكلي تتزوجيني وانا لا اعرفك ولا شي.
_انتِ تنطيني مجال احجي علمود افهمج.
سكتت اريده يحجي
_من طلبت ازوجج مو علمود شي ثاني بس اريد احميج انتِ وخواتج لا اكثر ولا اقل.
_صح ماعدنه مُعين ولا احد يحمينه بس طلبت منكم تحمونه لان انتم شرطه وهذا واجبكم.
_اسمعي انا ما قصدي شي ثاني بس ردتت احميج علمودج انتِ وخواتج.
_اهاا وانت اي وحده تحتاج مساعده بشغلك لو ماعدهة احد تتزوجهة حتى تساعدهة مووو.
مهند: لا طبعا شنو الحجي هذا، راما ارجوج هذا مجرد طلب واذا ماتردين جنتي تكدرين ترفضين بطريقه ارتب من هيج وما تاخذين عني صوره مو حلوه وانا اسف اذا فد يوم أسائيت الج وان شاء الله ماتشوفيني مره ثانيه.
حجه هيج وطلع انصدمت من طريقة كلامه وصوته العالي على اثره دخلن البنات
ضحى: شكو شصاير ليش هيج طلع عصبي.
رند: واصواتكم عاليه بس ماحبينه نتدخل.
صفنت شكللهن لان انا ماعرف ليش هيج اتصرف
راما: هاا؟ لا ماكو شي.
حسّن انو ما اريد احجي وعافني وطلعن ورحت وراهن كعدت افكر بالي صار وشنو قصده بـ(ان شاء الله بعد متشوفيني مره ثانيه)
