"بساتين الضياع"
الكاتبه: امواج
_____________________
راما:
دخلت للبيت انصدمت وانه اشوف امي تبجي وتلطم وابوي علقنفه متمدد وحسين يفرك عله صدرة
احس بخنكه ما اريد اسأل ليش خايفه من الجواب
حجيت بتردد
_شكو؟؟
امي تحجي وتلطم
_ولج خطفووا بنتي ولج راح راحتتتتتت
هية حجت هييج وانه ركضت بدون وعي للغرفه ادور عله ملاك
اركض بالبيت ادور بخبال ماجاي استوعب شي
للحضه حسيت ظلمت الدنيه بعيني وراسي ينضرب بالكاع حييل
كعدت عله ايد تمسح عله راسي
اريد افتح اعيوني مورمات بلكوة فتحتهن
رقيه: كعدت كعدت
حاضنه وجيهي بأيديهة وتمسح عله راسي وتحجي
_راما انتِ قويه كومي خلي ندور عليهة كومي واسي امج كومي طمنيهة انو راح ترجع ملاك لاتضعفين بوكت امج وابوج محتاجيج ابوج راح ينجلط يروح يفتر بالمنطقه ويجي مالاكيهة ويلطم عله راسه كومي احجي ويا هدئي
راما: شلون اطمنه وانه احتاج احد يطمني شون اواسي امي وانه احتاج احد يواسيني شون اتأمل وما ادري شنو راح يصير شلون
رقيه: انه موجوده يابعد عمري بس كومي خلي يستقون بيج لاتصيرين همهم الثاني امج تبجي وتلطم روحهة رايحه
راما: كمت الف بحجابي وهيَ طلعت باوعت علع فراشهة فارغ: عمت عيني عليج شنو حالج واحنه مو يمج
طلعت شفت حسين بوجهي خزرته ونزلت
شفت امي بعدهي عله نفس الوضع رحت حضنتهة وحجيت اطمنهة
_ راح نلكاها لاتخافين منو يخطفهة شنو السالفه وين كاعدين هسه تلكيهة رايحه تشتري وراحت لصديقاتهة لاتخافين هسه اروحلهن اجيبهة لحظنج
تحجي مفرفهة
_ولج خطفوهة اكلج سيارة سوده طبكت اخذتهة وراحت
هيه حجت وانه احس وشه صارت بأذني
طلعت امشي بدون وعي ما ادري رجليه وين ماخذتني واسمع صوت رقيه وراي
_وين رايحه اوكفي اجي وياج اوكفي
وكفت منتضرتهة اجت تركض وكالت
_نلكاهة والله نلكاهة بس خليج قويه
رحنه مشي للاسواق الي يمنه هيه دوم تشتري من يمه
دخلنه للمحل
اسأل باستعجال
_عمو اكو بنيه دوم تجي تشتري منك صغيرة بالثاني متوسط تعرفه انته دوم تجيك هم اجتك اليوم شفتهة مرت منا
احجي وهوة يهز راسه بأسف
_اي عمو اجتني اشترت وطلعت مثل كل مرة بس هلمرة لاا اجت سيارة عاليه اخذتهة ومشت وانه ما لحكت عليهة رحت بلغت اهلج
