"بساتين الضياع"
الكاتبه :امواج
حبايب مو تنسون التصويت
والتعليق بين الفقرات
.......................................
ࢪقيـه...
تروح ايام وتجي ايام وعلى نفس السالفه انا ومحمد
رقيه: ليييش تللزك جاي اكووول طلگنيي لحيييت ترااا!!!
محمد: لچ بابا انت ثوله؟ جاي اكلچ عمامچ مايعوفوچ اذا ما ياخذون الي يردوا، واذا اطلگچ يستقون علييچ.
رقيه: وانت عود شنوو تحمينيي، انت اول بشر ما اثق بيي، الكافرر.
محمد: استغفر الله يا امة الاسلام، لچ انت منييين اجيتيني باالي چان مرتاااح.
رقيه: بس لو ما حاشر روحك ومسوي نفسك فاعل خير ورايح تدور عليهم، ها اها هاي احنه هيچ بسبب خيرك.
محمد: صح غلطت بس نيتي صافيه.
رقيه: امم كللش.
محمد: يالله امشي.
رقيه: هي كوووه ما اريييد، كتلك طلگنييي، شكو رايح الخوالك تكللهم متزوج، ونوب هسه يردوني اعيش ويااك؟؟؟ تحلللم شايف، تحلللم.
محمد: يعني شأكللهم صاحبتييي؟!
رقيه: دنچب.
بحركه سريعه عصر اكتافي صافطني على الحايط
محمد: تراا طكه ونص، الزمي لسانچ.
رقيه: دووخر، النوب يريد يحميني وهو اول واحد يأذيني، جاي اكول وخر كتفيي رااح.
ابتعد عني وتفاجأت من ردة فعله
محمد: آسف والله مو قصدي أأذيچ، بس لو ما دايسه بمصاريني.
يحچي مثل المستحي ويعتذر استحيت من يمي
رقيه: لا عادي، حقك.
محمد: المهم، دمشي وياي يا عيني على ما يرجع ابو مهند من السفر وينقل الگاع بأسم عمامچ نتطلگ وترجعين، هو شهر.
رقيه: لااا، طريق جامعتي بعيد وانا باچر راح ابدي اداوم.
محمد: انا اوصلچ واجيبچ.
رقيه: عادي تكدر تكللهم عايشين ببيت وحدنه مثل ما احنه كايلين العمامي، ترا ماكو مشكله.
محمد: مو انا ساكن وياهم للعلم.
رقيه: ها؟!
محمد: اي، لذلك مايصدكون.
رقيه: لعد البيت الي اخذتني بي المن؟
ضل ساكت
رقيه: ما ادري عود افكر.
