"بساتين الضياع"
الكاتبه:امواج
حبايب مو تنسون التصويت
والتعليق بين الفقرات
..................................
راما...
مهند: جنتي دائما تسألين عن امي واتهرب من اسألتچ وما افتح موضوع يخصها صح....
سكت يمسد على صدره
راما: ايي؟ بس ليش هسه كاعد تحچيلي.
مهند: لان الماضي متعلق بينه راما، لازم احچيلچ.
لزمت كفوف ايده وابتسمت اطمنه
راما: شوكت ماتشوف نفسك زين احچيلي، ارتاح هسه.
مهند: لا لا، ما اكدر اطول اكثر.
زفر نفس وبده يحچي
مهند: جنه صغار، انا ومحمد ومهدي، طفولتنه حلوه چانت، الى ان اجه ذاك اليوم المشؤوم الي بي تغيرت حياتنه ، چنه كل اسبوع نسوي كعده عائليه بالبستان مالتنه ونلتم كلياتنه على سفره وحده، محمد يصير ابن عمي ومهدي ابن صديق ابوي.
انصدمتتت اتوقعت محمد صديقه ما ادري ابن عمه
راما: وانا عبالي محمد صديقك، يعني كلهم ولد عمك لو شنو؟
مهند: محمد ابن عمي واحمد ابن خالتي، اما وهيب ونوفل اصدقائي.
هزيت راسي ورجع كمل
مهند: بهذا اليوم اجو جماعه عندهم حساب وي ابوي واخذونه انا وامي وام محمد فِديه، ماجنت اعرف شنو بينهم وبين ابوي وبعدين عرفت، من اخذونه خلونا بمكان اظللم ماينشاف شي منه، عذبونه وعذبوا ام محمد وراونه الويل، وبيومهَ....
سكت مايكدر يكمي يفرك بعيونه، ضغطت على ايده
راما: لا تعب روحك.
هز راسه بـ لا ورجع يكمل
مهند: بيومهَ علكوهن بسلاسل نازله من السكف وانا ربطوني على الكرسي مااكدر افلت روحي واساعدهن، وبدوا بأنواع التعذيب بيهن، ما الهن ذنب والله ليش....
كام يبچي بصوت، دموعي وي دموعه تصب اول مره اشوفه هيچ،
مهند: اغتصبوهن لمن ماتن.
شهكت ولطمت مصدومه، وهو مدري شصار بي احسه جاي يتعذب نفسيا بداخله وكل كلمه يحچيهة تاخذ من حيله،
ماتوقعت هاي قصته ابد ولا تخيلت اصلاً، حضنته بقوه اواسي بس شاواسي منه، اذا كل هالسنين ماناسي شنو ينسي
مهند: ومهدي، اهههخخخ يامهدي، راح محروك بالبستان وبسببهم هم، لان ابوي تعدى عليهم وخرب شغلهم حركوا البستان وروحي چانت بي، مهدي چان بي، وفقدتهم كلهم من بعدهَ.
كل كلمه تطلع من حلكه تصدمني وروحي تحترك من القهر
مهند: دخلت بهذا شغلي وخطورته بس حتى الكاهم، طول هاي السنين وانا مامليت من دوارهم، ابوي رفض يساعدني بحجة يخاف عليه، ضلينه انا ومحمد وانضم النه صادق، صادق تعرفت عليه بأيام التدريبات ومن يومهة كلشي اشاركه وچانت عنده خبرة تساعدنه بالقبض على تجار وروس كبار، وصادق هم راح.
