"بساتين الضياع "
الكاتبه: امواج
بسم الله الرحمن الرحيم
_______________________
رقيه
وكف گلبي اله شوي اريدهة تحجي ماكو بس تستمع للشخص الي يحجي بالتليفون
ضحى: وشلون صارت فدوه
اباوعلهة هدئت شوي وهزت راسهة تطمني ماكو شي بس مارتاحيت الى ان سدت التليفون وسألتهة
_شكوو؟؟؟
_كلشي ماكو فدوه مي ماكدر امشي بعد
نطيتهة مي وانتضرتهة تشرب حتى تحجي
_خالة وهيب مجلوطه وحالتهة صعبه بالمستشفى وانا بس كلي هيج نصدمت عبالي بس اهدئي ماكو شي
كعدت على قنفه كلبي يدك حيل بعدهي الهبطه بيه
_لاتخافين ماكو شي
تحجي ودك تليفونهة من جديد
_هاي رند، الو ها رند ، صددك ، الف الحمدلله والشكر ياربي الف الحمدلله ، تمام تمام شوي ونجي ، خوش
سدت التلفون والفرحه تارسه وجهة
_شكو بعدد؟؟
_راما راما وضعهة جاي يتحسن ومحركه اصابيعهة
حجتهة وهيه فرحانه كلش وانا بجيت من الفرح مامصدكه
رحنه نتأكد بالمستشفى اجه محمد صديق وهيب وأخذنه للمستشفى
وصلنه وأول ما دخلت لدكتور الي شخص حالتهة وسألته
_دكتور هي محركه ايدهة يعني راح تصحى موو؟
الدكتور: ان شاءالله تكوم بالسلامه مانعرف متى تصحى يمكن باجر او ورا باجر الي علينه ننتظر بس تحرك ايدهة خطوه ممتازه
_تمام شكراً دكتور
مسحت دموعي ورحت لغرفتهة ضلينه كاعدين نحاول نحجي وياها لوقت طويل ورادن يضلن البنات ماخليتهن لان اريد اكون موجوده من تصحى راما اجه عليهن وهيب اخذهن ومحمد يمكن راح وياهم بعد ماشفته
ضليت كاعده اتباوعلهة وجهة شاحب ومتغير مو راما الاوليه كمت اشوف اذا اكو كهوه حتى اضل كاعده ماريد انام طلعت من الغرفه ولكيت محمد بوجهي
رقيه: ليش ضليت هنا عبالي رحت
محمد: ماكدرت اعوفج وحدج خاف تحتاجين شي انا هنا
رقيه: لا تسلم تكدر تروح ماعندي شي باجر البنات يجن
هز راسه بمعنى اي وعفته ورحت اسأل اذا اكو احد يبيع كهوه او لا
سألت الممرضات الي يشتغلن هنا وكالن اكو ولد يفتر عله المستشفيات والمحلات شوي ويجي
رجعت مالكيت محمد يمكن راح رجعت يم راما نص ساعه وندك باب الغرفه لبست حجابي شون ماكان وكلت
