"بساتين الضياع"
الكاتبه:امواج
______________________
راما:بده الدوام وبدو يدخلون للقاعات ورند ماكو
ضحى: بنات ننتظر رند لو ندخل
رقيه: يمعوده خلي ندخل لاتعاقبنه الدكتوره كميله
راما: اي يلا
دخلت وانه كلبي مامرتاح لان رند مستحيل تتأخر بالامتحان وخصوصا هاذه الامتحان لان تدري دكتوره كميله صعبه وماتقبل تعيده الاي احد.
بده الامتحان وزعوا الاسئله جانت سهله بس بالي كله وي رند
ورقيه وضحى كل شوي دايرات عليه يسويلي بأيدهن وين صارت رند
صارت بالتسعه هسه تجي رند ماكو صارت بالعشرة هم ماكو نتصل وماكو رحنه إسأذنه من العميد علمود نطلع ماقبل ابدا كال انتظرن يخلص الدوام
صفنت محد يكدر يجي عليه بابا بالدوام ومايكدر يطلع متأكدة
ضاكت بينه الدنيه رند مو بعادتهة تتأخر ابد هيه اكثر وحده تضبط المواعيد
صارت 10:30 بعد ساعتين يله ينتهي الدوام وين نروح
حته محاظرات ما دخلنه بالنه كله يم رند
رقيه: اكلجن هيه مو عند بيت عمهة مدري جدهة ماتعرفن احد منهم ندك عليه اكيد يعرفون وينهة
راما: صفنت اي والله صدك بس منين نجيب رقم
ضحى: انا عندي رقم بت خالتهة خل اتصل واشوف
اتصلت عليهة ماردت
اتصلت مرة ثانيه يله ردت
تحجي بنعاس
: الو
ضحى: صباح الخير
: منو.
ضحى: انا ضحى صديقت رند الي اجيت الهة ذيج المرة تذكريني
: ضحى؟
ضحى: اي ضحى تذكرتيي؟
احجي والبنات ماكلات روحهن لحم وانه فاير دمي من وره هاي الفاهيه
ضحى: ذكرتيييي؟
: اي اي شنو تردنين عيوني؟
ضحى: بس ردت اسالج عله رند نخابرهة وماكو وما اجت للجامعه وعدهة امتحان فاتهة
: مادري والله خل اشوفهة بالبيت
ضحى: اسمعهة تحجي وي امهة تسالهة عله رند وامهة تكلهة طلعت من 8:30 فتحت عيوني عله وسعهن والبنات يكولن شكوو
: تكول ماما طلعت من 8:30.
ضحى: اوكي حبي شكرا اسفه عله الازعاج
: العفو حبيبتي باي
ضحى: سديت التليفون وماعرف شكلهن
- تكول خالتهة طلعت للجامعه من 8:30
نصدمن وراما خنست بس رقيه تصيح: وين راحت يعني وييين
____
رند...
الساعه8:40 الصبح
رند: طلعت من البيت مستعجله اخذتني النومه وتلفوني چان صامت والبنات داكات عليه لحد هسه مالاكيه سايق يوديني للجامعه لان چان بابا يوديني وكفت عله الشارع العام أشر بيدي باستعجال محد وكف قررت اعبر الشارع بصعوبه لان السيارات تمر بسرعه
