"بساتين الضياع"
الكاتبة: امواج
بسم الله الرحمن الرحيم
__________________________
هزيت راسي وطلعت من البيت ورحت للنهر كعدت العب بالماي شفت ظل وراي عبالي مهند درت وجهي لكيت واحد واكف وبيده سلاح موجهه عليه
كمت ضرخت بعلو صوتي وهذه الي شايل سلاح هم صرخ وياي
_يمهههههههههههههههههههه
جنت واگفه يم النهر فرجلي زلگت اجيت اطيح ما احس غير واحد محاوطني من خصري وگاضني لكيته مهند كضيت قميصه بكل قوتي بحيث انا عندي اضافر حسيت نغزته بأظافري وهو عدلني وشفت هذه الي جان حاط السلاح عليه متخوصر ويباوع علينه بطرف عينه
مهند: راما بيج شي؟
حسيت على روحي وابتعدت عنه وكلت
_زينه زينه مابيه شي
درا مهند على هذه الواكف وكال
_نوفل اليوم انعنع ضلوعك تنعنع
نوفل: يااا هسه شسويه هو تشاقينه وياه
مهند: بربك هذه شقه؟
نوفل: هي ماتتحمل شسويلهة
همه يحجون وانا صافنه عليهم مامستوعبه شي منهم
نوفل: اي عيني هاي منو؟
مهند: خطيبتي
هو كال هيج وهذاك الي اسمه نوفل عاط
نوفل: هاااااااااااااااااا شنوه ماسمعنتتت خطيبتك يمتههه صارت خطيبتك
انا خفت من صوت ومهند عاط بي
_نوفلللللللللللل
نوفل: غيرتك علينه هاي تاليتي
انا ومهند صافنين عليه
نوفل: يمته خطبته ها؟
مهند: شدخلك
ذب حسره وكال
نوفل: ايي هسه صرت شدخلي اها يايمه اها
داره عليه وكال
نوفل: اي وانتِ شسمج يالمسعده
اشرت على نفسي وكلت
_انا؟
نوفل: لا ابوي اي انتِ
_راما اسمي راما
صغر عيونه بشك وكال
نوفل: مهند هاي مو نفسه ال...
يريد يكمل بس مهند خزه خزه انا مي يمه خفت
هو سكت وكال
نوفل: هو هذه هم اسم
راما: ليش شبي اسمي
نوفل: راما ثجيل على اللسان ايعع ما عجبني
مهند: هسه شنسوي لحضرت جنابك نغير اسمه علمودك
نوفل: هيج احسن
