"بساتين الضياع"
الكاتبة: امواج
بسم الله الرحمن الرحيم
______________________
رقيه..
جنه بالزفه مالت راما ومهند وجانت تجننن لحد ما اجو مجموعه من الرجال علينه كلنه استغربنه لحد ما احد منهم اشر عليه ونطق
_رقيه فهد ؟
رقيه: تفضل؟
من دون سابق انذار اجه عليه وسحبني من بين البنات والبنات يحاولن يجروني منه بس هو اقوه منهن
ضحى: شتردون هدوها.
محد رد على ضحى وانا ابجي احاول اخلص نفسي منهم بس ما اكدر بعدوني عن البنات واخذني لسياره سوده واسمع صوت ضحى تحجي تريدهم يعوفني لحد ما واحد مهنم كال
_احنه عمامهاا.
صار هدوء بس صوت شهكاتي تنسمع وهو صعدوني بالسياره
وانا ابجي وهمه صعدوء وحركو السياره واسمع صوت ضحى تصيح لحد ما اختفى صوت ضحى وانا ابجي حجيت بصوت عالي
رقيه: شتردوننن مني رجعونيييي.
محد بيهم نطق وانا هنا تخبلت
_ولكم انتو منووووو شتردوننن منييي.
_احنه عمامج.
حجيت بغصه
_انا ماعندي عمام عمامي ماتو من تخلو عن ابوي.
_بّـهداي يابه احنه اجينه ناخذج لان مايصير تضلين عد غرب.
_انتو شنو تحجون ولكم صاري عشرين سنه محد كلف نفسه يسأل عليه او يكول بت اخونه عايشه ميته هسه تجون تحجون هذه الحجي شكد بطرانين.
حجه الي كاعد بصفي
_عمي احنه عمامج اوله بيج من الغرب.
_انتو تفتهمون انا شحجي لو لا انا ما عندي عمام.
محد نطق بيهم حجيت وانا راح انفجر من العصبيه
_رجعونيييي لا تخلوني هسه اشمر روحي منا.
_عمي على كيفج خلي اعرفج على عمامج.
اشر على الي سوق وكال
_هذه حميد عمج الچبير وانا عمج رحيم والي يمج عمج وائل.
_رجعوني انا ما اعرفكم.
محد يرد عليه كمت ابجي واشهك وكل ما اكول رجعني محد بيهم يحجي سندت راسي على الجامه وكمت ابجي لان ماكو شي بيدي اسوي ضليت ابجي وانا اتباوع على الطريق الطريق صحرواي بهل لحظه تمنيت ابويه هنا حته يحميني منهم وره فتره وكفت السياره كال عمي رحيم
رحيم: يلا انزلي.
نزلت وانا الخوف ماكل گلبي لكيت بيت گبالنه حلو وچبير مشو عمامي وانا امشي وراهم فتحو الباب ودخلو دخلت لكيت حديقه كلش چبيره وچان اكو باب دكو وفتحته بنيه
دخلو وبقيت واكفه خايفه ادخل البنيه تبوعلي بستغراب وكالت
