"بساتين الضياع"
الكاتبة: امواج
لاتنسون التصويت،
وتعليقاتكم الحلوه بين الفقرات،
ضيفوا القصه لمفضلتكم اذا عجبتكم.
................................................
راما...
رجليه بادن من صريخهن اريد اوصل للباب ماكو،
طلعت وانا اشوف دم ورند بالگاع تلوب بدون صوت والبنات يصرخن بأسمي ويبچن
_الحكييي راااماااا الحكيييي رااااح تمووووووتتتتت.
مدري منين اجتني القوه وركضت الهة ادور على مكان الجرح
راما: وييييين وييينهههه مننيييننن جااي تنززززف.
اشرلي على جتفهَ الضاهر جانت طلقه
راما: ملااااككك بسرررععهههه رووحي اتصليي بمهننند، ضحى جيبي شي نضغط على الجرح بي بساااع، اركضضن.
راحن يركض وبعد ما احس على رند تتحرك، انغمى عليهَ،
اجت ملااك تصررخ وبيدهَ التليفون ترجف
ملاك: ماايرررد ماايرررد، راااما شلووت بينَ راااح تمووووت.
سحبته منهَ اتصل وماكو مايرد
راما: ضحى اتصلييي علىى وهيييب بسااااع.
ركضت تتصل عليه وانا ضليت بالوصله اضغط على الجرح حته يتوقف الدم من النزف، جسمي كله يرجف وبحالة انهياار بس مقاومه،
ضحى: مساافر مسااافرر، كال راح يدز واحد من الولد.
لبسنه حجاباتنه شلون ماچان ورند هم،
ماكو دقايق وسمعنه شخطة سياره بالباب، بدون تفكير منو وشنو كبل شلناها وطلعناها
جان نفسه الولد الي دعم رند ونفسه صديق مهند،
صعدناها كوه علينه للسياره، وهو ما قصر بسرعه وصلنه
تلكنه الممرضات بالسديه ودخلوهَ، احس گلبي دخل وياها، كعدنه ننتظر، دخلوهَ لصالة العمليات يشيلون الطلقه منهَ
ضليت الوب رحت لـ احمد
راما: خويه ماتعرف مهند وين، اتصل عليه مايجاوب.
احمد: يمكن عنده شغل ومايجاوب.
راما: مامعقوله، يدري بيَ ما اتصل عليه اذا مو شي ضروري ليش مايردد.
احمد: من يكون عنده شغل يختفي، حتى احنه ماعدنه خبر عنَ.
عفته ورجعت يم البنات لكيتهن مخبوصات
راما: شصاير؟! طلعوهاا؟؟؟؟
رقيه: لاا، ام رند عرفت بالي صار وخبصتنه بالمكالمات، شنكول الهَ؟!
راما: شلوون عرفت؟؟؟!
ملاك: اناا، من كلتيلي روحي خابري مهند رحت ولكيت تلفون يدك بسرعه جاوب وكمت اصيح، رند تصاوبت راح تموت، وعلى حظي جانت ام رند وسمعت كلشي.
