"بساتين الضياع"
الكاتبه: امواج
بسم الله الرحمن الرحيم
_____________________________
يبست بمكاني رحت اركض عليه اصيح
-ملاكككككككك اكعدييي ملاككك
حضنته وكعدت ابجييي وانا اشوف الدم ينزل من راسهه تخبلتت ما اعرف شنو اسوي بهل اثناء شفت الظابط شال ملاك من حضني واخذهة للسيارهة وانا اركض وراه اركض ركبنه بالسياره وشخط السيارهة بسرعه حاضنه ملاك وابجيي
- ملاكككك اصحييي فدوه اصحييي لاتعوفينننن ملاككككك اصحيي لاتعوفينن اختجج انتِ الوحيدهه الي بقيتيي من ريحت اهليي ملاكك لتعوفينننيي مثل ما عافونييي ملاكككك
انتِ امليي الوحيدد بالحياه ملاكككككك اااااخخخ
كعدت الطم وابجي بصوت عاليي لحد ما وصلنه للمستشفى
نزل مهند شال ملاك وانا وراه نركض
حطوه بالسديه ودخلوهه وانا بقيت ابجي واملخ بروحي
- كلههههه بسبييي انا كلتلههه روحيي للسيارهه كلههه بسبييي كوننن انااا اندعمتتت ولا هييي
اجه مهند لزم ايدي علمود ما اذي نفسي ويحاول يهديني، تخبلت
- اهدي ان شاءلله مابيه شي لاتسوين بنفسج هيجج هي هسه تحتاجج ادعيلههه
اسمع يحجي وياي وانا عيوني غوشن ما اشوف شي وما احس غير انا واكعه بأديه
(وره فتره)
صحيت مخدره من كل جسمي فتحت عيوني بس انا بالغرفه ضليت صافنه بالفراغ
شوي وتذكرت
_انا ليش هنا؟؟؟
فزيت من ذكرت ملاك
_ملااك ملاك ملاكييي وينجج
بس وكفت اجتني دوخه ورجعت كعدت عالسديه اخذ ت المغذي بأيدي ومشي ت اطلع من الباب توني اريد اطلع ودخل الضابط
جان اكو بأيدي علاليك شمرهن على الكرسي الموجوده يم الباب واجه يركض
_وين ووين
وخرت اتملص من ايديه
_وخرر وخررر
_وين رايحه وين جنج سكرانه ماتشوفين روحج كللش، اكعديي
يريد يكعدني على السدي ووكعت روحي بالكاع اصيح بحركه
_عوووفيي عووفنيي عوفوونيي بسس اتطمن عليهةة رووحي تحركنيي
كل دمعه توكع تنزل نار على خدي والشهكه تشك صدري
نزل لمستوى كعدتي وكال
_مابيهة شي والله مابيهة لاتخافين هسه تطلع وترجع احسن من قبل
رفعت راسي اله
_انتَ تعرف شنو تعنيلي؟ وللك هيييي رووحيي هيي الهوا الي اتنفسه حتى اعيش بس علمووودهةة اذا صاار بيهة شي تتوقع اسامح نفسي؟؟
