"بساتين الضياع "
الكاتبه: امواج
حبايب لاتنسون التصويت
والتعليق بين الفقرات
.......................................
راما...
وگع السلاح مني وايدي على حلكي وصرخت بصوت رج المكان رج،
مادري شنو صار بيَ وكعت بالگاع اصرخ برهبه اجاني يركض
مهند: لچ شبيچ ماابييه شي والله مابييه شي باوعيلي شو باوعيلي.
يسحب بوجهي من خوفي عليه مدري شصار بيَ كل ضتي انصابت بي الطلقه
سحب وجهي اله يخليني اشوفه مابي شي حضنته بقوه ابچي وجسمي يرجف بهستيريه،
مهند: اششش مابيَ شي هاي انا كدامچ عليمن هالرجيف.
يمسد على شعري وانا حاضنته بقوه حاول يبتعد عني بس بعدني خايفه
مهند: بس خل اشوفچ بويه.
وخرت عنه مسح وجهي ودموعي
مهند: لا تخافين ماصار شي مو بيه اجت بالشجره.
راما: خفتت خففت.
سنددني من اكتافي مكومني وياه
مهند: امشي نروح نصعد.
تمشينه سوه ودخلنه للبيت لكينه بوجهنة وسام جاي مهرول يريد يطلع
وسام: شنو هذا الصوت.
مهند: هيچ ماكو شي.
اشرله يسكت وصعدني لغرفه مادري المنو بس جانت مرتبه وبيهَ سرير لا هو ابو نفر ولا هو ابو نفرين متوسط كعدت وراح جابلي مي شربت وخليت الكلاص بصفي،
بعدني ارجف بس مو مثل مساع
مهند: صرتي احسن.
هزيت راسي بـ اي كام جاب جنطتنه وطلع ملابس الي
مهند: رايح اشوف وسام بدلي ورتاحي.
طلع، ضليت شويه صافنه افكر بالي صار، شلون لو اجت بي الطلقه؟! شلون لو مات لو ما الله ستر!؟
لمجرد مافكرت نزلن دموعي وگلبي احترك شلون لو صارت صدك اسم الله،
مسحت دموعي وكمت غسلت وبدلت ملابسي لان تدمرن تراب ورجعت نمت
مدري بيش ساعه حسيت بأحد يرفع الغطه وينام بصفي، مافتحت عيوني ضليت نايمه،
ثاني يوم الصبح كعدني مهند
مهند: كومي عيني خلي نتريك جوه يالله، يالله راما اكعدي.
ضليت اتمغط بمكاني ما اريد اكوم وهو مدري بيش ساعه مكعدني
فتحت عيوني واكف فوك راسي يلبس ساعته ومحابسه
راما: بيش ساعه.
مهند: بـ8 يالله عيني اكعدي بدلي حته ننزل.
كوه فتحت عيوني وكمت غسلت وبدلت ولبست حجابي وكل هذا هو منتظرني برا
نزلت وياه ولكيتهم كلهم كاعدين حته صمود ودلال صبحت عليهم كعدنه وياهم نتريك ولاحظة اديان ماكو استغربت وندست مهند التفتلي وهو يشرب چاي وهز راسه بمعنى شكو
حجيت بصوت خافت
