"بساتين الضياع"
الكاتبة: امواج
بسم الله الرحمن الرحيم
______________________
هيج واحس رجليه ماحملني وكعت بالكاع وصحت
_لاااااااااا لاااااااااااااااااا
ركضت رقيه عليه
رقيه: مابيييي شي مابيي شي ناقلينه للمستشفى كوميي نرووح.
حجيت اجر النفس كوه ودك عله صدري وصحت
_حجااابي صااايتيي اركضننن فدووه ماكدرر اكوووم.
ركضت ملاك جابت صايتي وكعدت رند تساعدني البس ورقيه وضحى راحن يلبسن واسمع ضحى تخابر وتصيح
_ياا مستشفى، تماام جاييني، مانكدر نبقى رااما مانكدر نعوفها وحدها تروح، لااا لاا شلون ماتجي، تماام، تماام، لايتأخرر.
شربت ماي حتى اهدأ بس ما اكدر كل ما اذكر كلامه واتفاقنه قبل لايروح يلتحق كلبي يأذيني جنه متفقين عله كلشي وكلشي ضبطت بس يرجع مابقى شي بس نتزوج
شوي واجه ولد اخذنه بالسياره عرفته واحد من اصدقائه لان شايفته وياه قبل اول ماصعدت سألته
_خويه شلونه مهند شنو صار فهمني.
محمد: انا هم مامفتهم شي هسه خابرني وهيب كال بسرعه روح عليهن وتعال وعرفت مهند مسوي حادث بطريق رجعته.
ضميت وجهي بأيدي وبجيت بكل حيلي
رقيه تفرك عله كتفي
_مابي شي والله مابي شي بس ادعيله لاتفاولين بالبچي.
وصلنه وخابر وهيب يسأل عليهم وين وره شوي طلع وهيب من ممر وسد التلفون اشر النه ورحنا لكينه اصدقائه ملتمين يمه بباب الغرفه
راما: اكدر ادخل اشوفه شلون وضعه زيين؟
وهيب: مايقبلون احد يشوفه وضعه مامستقر.
سكت شوي وكمل
_وضعه خطر الحادث مو هين جان فخ وهو اساساً متصاوب وجرحه ماطايب زاد عليه الخطر.
حطيت ايدي على خدي وكعدت عله الكرسي
_ليييش ماكلييي متصاااوببب لييييش.
يهدأن بيه وانا دميي فاير وجسمي يرعش من الخوف اخاف يصيرله شيي وانا ماشايفتهه
تمر ساعات وعله نفس وضعه ماكو خبر من الدكاتره وكل ما نسأل يكولون
_وضعه خطر ننتظر يصحه ونحوله على العنايه المركزه.
طلعت برا ادعي من كل كلبي
_اللهي بحق فاطمه بنت نبيك ان تشافيه يالله، ربي ما عندي احد غيره بهل الدنيا من بعد امي وابوي وكسرتي بيهم ربي رجعه بخير وسلامه واحفظه من كل داء ما اله دواء ياربيي.
بقيت ابجي الى ان حسيت شوي رتاحيت رجعت جوه اشوف شنو صاير لكيت رقيه تبجي وايدها عله حلكها بصدمه ولولد يتراكضون منا ومنا جمد جسمي حسيت اكو شي مو زين ماكدرت اتجرأ واسأل شكو ضليت صنم مصدومه وخايفه،
وضحى جانت كاعده تبچي بس شافني اجن يركضن بأتجاهي
