"بساتين الضياع"
الكاتبة: امواج
_______________
رقيه
رقيه: راماا؟؟؟
شفت البنات كمزن عليهة يحضننهة ويبوسنهة مامصدكات وانا مصنمه استوعب شجاي يصير
رقيه؛: راما صحتت؟؟
رند: لللج ايي ايي تعااالي
وكفت كبالها وهي علامة الاستغراب مبينه عله وجهة
عيوني نزلن شلال النار لبگلبي ماعرف شلون ابردهة ماعرف شلون اضهر شوگي حضنتهة وأبجي
رقيه: الحمدلله على السلامه
تلاكيتهة ببرود رغم النار البيه
ملاك ماتحركت ضلت متصنمه بوجهة وبس دموعهة تجري
راما: شبيكم ليش هيج تلكيتوني عبالك جنت مسافره؟؟؟
سألت وبين الاستغراب بوجه ضحى ورند انا ذاك اليوم عرفت انو من راح تصحى رح تستغرب وماراح تحس هي بغيبوبه
راما: ااههخ جسمي مكسر تعالي رند
راحتلهة رند ركض ووكفتهة وكلتلهة
راما: شني مشلولهه اااههخ يمه رجلي
رقيه: راما اوكفي مايصير توكفين بهالسرعه وانتِ جنتي بغيبوبه امي ميصير
كلتلهة وكعدت عالسديه
راما: غيبوبه؟؟؟
رقيه: اي الحمدلله ماطولتي وكعدتي
راما: ليش شنو غيبوبه شنو شكو احجي
رقيه: من اندعمت ملاك ماتحملتي الصدمه ودخلتي بغيبوبه
راما: ملاااك
حجت ملهوفه وكامت تريد تطلع
كضيناها انا ورند جانت واكفه بصفي.
رقيه: ويين وين شبييج مو جاي اكلج ميصير تكومين بهالسرعه
راما: ملاك وين ملاك شلون صارت عفييه خو مابيهة شي
رقيه: هياتهة ملاك حبيبتي هياتهة تعالي ملوكه شوفي اختج صحت تعالي
اباوع الملاك بس كلتلهة كامت تبجي بقوه حضنتهة ضحى وبدت تقرب بيهة يم راما شوي شوي
وراما بس شافتهة هيج كامت تبجي وياها حضنتهة وتمسح على ضهرهة
راما: حبيبتي ياعمر اختج وروحهة ليش تبجين هياتني بصفج مارايحه لمكان
ملاك تشهك ببجيتهة وخرت من راما
ملاك: ماتدرين شصار بيه ماتدرين
تحجي وتقطع بالكلمات من شهكتهة
راما رجعت حضنتهة
راما: يمممه بعد ماعوفج يبعد گلبي انتِ شلون اعوفج ماعوفج
رقيه: خل اصيح الدكتور واجي
رحت للمساعده مالته وبلغتهة وكالت راح تبلغه ويجي
