You Are Not Alone...

CHAPTER 8

THIRD PERSON POV

Tuloy pa rin ang paghimas ng lalaki sa tiyan ng babae.

Lalaki: Sana may laman na itong tiyan mo. Excited na ako sa magiging baby natin.

Kinikilig na tumawa ang babae.

Babae: Excited ka naman masyado, love. Ilang araw pa lang naman na sinimulan natin ang pagbuo kay baby.

Malakas na tumawa ang lalaki.

Napangiti ang babae. Gustung-gusto nitong naririnig ang tawa ng lalaki. Buhay na buhay iyon.

Lalaki: Ilang araw pa nga lang, pero halos oras-oras naman tayong nagtatalik.

Muling tumawa ang babae.

Masiglang-masigla ang pakiramdam ng babae nang mga oras na iyon dahil kasama na naman nito ang lalaki.

Babae: Ikaw, eh. Masyado kang mahilig.

Umangat ang kanang kamay ng babae para haplusin ang kanang pisngi ng lalaki.

Nakatingin pa rin ang lalaki at ang babae sa kanilang reflection sa salamin ng banyo.

Lumingon ang babae sa lalaki at sinalubong naman ng lalaki ang mga titig ng babae sa kanya.

Babae: Mahal na mahal kita, love.

Nangingilid ang mga luha sa mga mata ng babae.

Masaya ang pakiramdam ng babae ngayong kasama nito ang lalaki ngunit hindi nito mapigilang mag-alala para sa kanilang sitwasyon.

Kung maaari lamang ay gusto na ng babae na magpakalayo-layo sila ng lalaki ngunit hindi iyon ganoon kadali.

Marami silang masasaktan kung magpapakalayo-layo silang dalawa.

Sa ngayon ay sapat na muna sa kanila ang nagkikita sila ng palihim sa araw-araw at nakakasama at nakakaulayaw nila ang isa't isa sa loob ng ilang oras.

Kung hindi nila gustong maputol ang kanilang mga masasayang araw ay kailangang mag-ingat silang dalawa.

Lalaki: Mahal na mahal din kita, love. Kung pwede nga lang ay ikaw na ang aking maging bagong misis na lagi kong uuwian sa aking bahay sa araw-araw.

Ngumiti ang babae ngunit may lungkot sa mga mata nito.

Babae: Iyon din ang aking gusto, love. Ang mayakap ka sa araw-araw at ang masilayan ang iyong mukha sa aking paggising sa bawat umaga.

Hinawakan ng lalaki ang baba ng babae at marahang itiningala ang mukha nito palapit sa kanyang mukha para gawaran ng munting halik ang mga labi ng babae.

Tumagal nang ilang segundo ang halik na iyon bago pinakawalan ng mga labi ng lalaki ang mga labi ng babae.

Lalaki: Pangako, love, sa susunod ay mas mahabang oras na ang ating gugugulin sa ating mga nakaw na sandali.

Tumango at matamis na ngumiti ang babae.

Mga ilang sandali pa ay tumili ang babae nang bigla itong buhatin ng lalaki at pabirong inihagis sa ibabaw ng kama.

Lalaki: Time for another round, love.

----------

GINO's POV

Nagsalin ako ng wine sa kopitang nasa harapan ni Steven.

Alam kong mababa ang kanyang alcohol tolerance kaya kaunti lang ang aking isinalin.

Nandito kami ni Steven sa loob ng aking condominium unit ngayon. Dito ako tumuloy matapos akong palayasin ng aking misis na si Misha sa aming malaking bahay.