لندن~
خرجت من آخر اختبار لها وهي تفكر بالمحادثة الغريبة اللي صارت بينها وبين سعود،استغربت انه بيقفل جواله لمدة ومن غير ما يتطمن عليها، صحيح هي وحيدة أهلها ولكن، هي تكره الوحدة تكره شعور انها مهمشة
سعود وغزال على قد ما كان اهتمامهم كبير لها لكن كانت تحس بفراع ،بالنهاية سعود دكتور جراح وغزال دكتورة بالجامعة مب فاضيين لها كل الوقت كانت تجلس معهم فقط أخر ساعات النهار، ركبت سيارتها وهي تتمشى بشوارع لندن تقرر وتعّزم على رأيها بترجع للسعودية بعد اسبوع،طلبت شهادتها من الجامعة وما بتحضر التخرج،وقفت قدام درايف ثرو وهي تطلب"قهوة سوداء" نزلت من السيارة تتوجه للصالة تجلس وهي تحجز رحلة وللأسف مافي حجز بعد اسبوع في بكرا رحلة ولكن حظها حلو لأن في مقعد فاضي،حجزته من غير تردد و وقفت تتوجه لغرفتها تجهز شنطتها و تنهدت بخفة ،ما تعرف شلون بيكون اللقاء لأول مرا بتقابلهم خايفة جداً،بيتقبلولها ولا لا؟هم متعودين ومتشددين؟، سكرت شناطها وهي تحطهم عند الباب،تمددت على السرير وهي تناظر ساعة جوالها9:40م بتنام لجل تلحق موعد طيارتها
~
السعودية~
جالسين بالجلسة الخارجية الجميع من غير استثناء،
الليث:الأجواء يبي لها مخيم
نطق فزاع وهو يبتسم:صادق
ابتسم راجح ونطق:وش رأي بناتنا؟
نطقت رتيل ب ابتسامة:والله ما عندنا مانع
هزت راسها لاما تأكد لكلام رتيل:اليوم كان آخر اختبار و طفش صراحة
نطقت نجلاء بضحك:اجل يبيلنا مخيم لعيون بناتنا ولا يطفشون من عندنا
ضحكت رتيل:وفهد قدامنا كلنا
ضحكوا ونطق رائد وهو يلعب بالمفاتيح بيده ويقلب عيونه بمزح:العيال لكم الله
ضحك فزاع ونطق:يبون فهد لجل يطبخ لهم وحنا لله
تنحنح فهد وهو يمسك ياقة ثوبه بغرور مصطنع،
نطق هداج وهو يضرب كتف فهد بخفة:هدّ هدّ ماخذينك خدامة
ضحكوا على ملامح فهد المصدومة و
نطقت هالة:وش فيكم عليه
نطق فهد بتمثيل للحزن:يكرهوني
كان يبنطق فزاع لكن قاطعه راجح من استغرب عدم وجود عساف بالجلسة:وين عساف؟
نطق فزاع:عند ولده
عقد حجاجة ذياب ونطق:ياخوفي منهم وش له مصلحة يروح عندهم
نطقت نجلاء بخوف:قم ناديه يا الليث
قام الليث لكن أشر له راجح يرجع يجلس وتقدم راجح يمشي لحوش القصر الخلفي عند عساف~
~
عند بطلنا~
ملّ من حديثهم ومزحهم و وقف يتوجه لولاده"النمور"
يعشقهم ويفضل انه يجلس معهم ولا يجلس بجلسة فيها عمته شادن لانه يكرهها ولكن مضطر يتحملها لجل ابوه وجده،دخل الملحق الكبير ونطق وهو يصفر:يا الادهم
ابتسم بقوة من جاء له النمر وهو ينط عليه،
ضحك وهو يمرر يده عليه وينطق:كل هذا شوق،كلها ثلاث اسابيع اللي غبت فيهم
ابتسم من جاء لعنده "جارح" نمره المفضل ولكن بطبعه شرس ما يعرف يعبر عن شوقه الا بخدش او عض،عقد حجاجة عساف بصدمة من جاء لعنده جارح وهو يدف الادهم عنه ويجلس محل الادهم،ضحك بصدمة ونطق:مشتاق بالحيل
وقف بهدوء وناظرهم وهو محتار يكلم راجح او ينتظر شوي! تنهد بتعب من حاله اللي حتى هو مب فاهمه مرا يحب ومرا يكره ما ينكر ان بروق حلوة وتقريباً لطيفة ولكن امها مخربة عليها،التفت من انتبه لوقوف راجح والواضح انه له مدة واقف،أشر له ينتظر وهو يدخل الادهم وجارح،نطق راجح وهو يجلس على الكرسي خلفه:وش فيك؟
ناظره عساف ونطق:وش فيني
ضحك راجح بخفة ونطق:مدري،ليه جالس عند هالحيوانات؟
ناظره عساف ونطق:النمور،اشتقت لهم
نطق راجح:متى رحلتك الجاية؟
رفع اكتافه عساف بعدم معرفة ونطق راجح:بكرا بتروح تجيبلي غرض من الشركة،لا تطلع مكان
نطق عساف بسخرية:تأمر طال عمرك
ضرب راجح على فخذه بخفة و وقف يدخل القصر~
