العُلا~
جالسين حوالين النهار المشتعلة قدامهم و بالخلف الكرافانات حقتهم،ابتسمت نجلاء تناظر عساف جالس يمين راجح و وريد جالسة بجانب سعود اللي مدخلها تحت ذراعه يهمس لها،وأخذت نفس تناظر ريفال اللي جالسة بجانب رائد و راسها على كتفه و التعب واضح عليها،وابتسمت بتمنى تلاحظ حُب فزاع الواضح ل لاما و كيف يداريها
تنحنح راجح ونطق بابتسامة:بنروح مكة من العُلا مباشرة
عقد حجاجه سعود وناظر ريفال ونطق:ما بتقدر تروح ولادتها قربت،أجلوها شوي
ابتسمت ريفال:مو مشكلة روحوا انتم واحنا بنروح مرا ثانية،خيرها بغيرها
ابتسمت راجح يشوف كيف سعود يداري الجميع ونطق بهدوء:ام ذياب بخاطرها تروح مكة ولا بنخليها بنفسها، بروح انا وهي وانتم تروحون غير مرا
هز راسه سعود وناظره ذياب يبتسم بهدوء
حك حاجبه عساف يهمس لراجح:كنت تدري؟
ابتسم راجح بوسع يناظره:اي،قبل الجميع
ناظره عساف وابتسم ما يتكلم من شعوره الجميل
وضحك راجح يدخله تحت ذراعه يناظره يناظر وريد اللي تحت ذراعه سعود تهمس له ويبتسم بهدوء ونطق راجح:الحمدالله
ابتسم عساف يسرّح بها وكأن مافي حد قدامه غيرها كأنها الوحيدة بدّنياه،وده يصرخ بعلو صوته ب"احبك"
وده يفصح عن شعوره لها بكل ثانية و دقيقة،ندمان على كل لحظة كان كارهها ندمان على كل لحظة مرّت بينهم سبهللا ندمان على كل كلمة جارحها قالها لها،
ندمان على كل شي صار بداية علاقتهم و يحاول يعدّل شوي منه،جاهل عن شعور وريد اللي ودها تمد له العالم ب أكمله لجل ترضيه،
ناظر سعود وريد وهمس يمسح على ذراعها:وش فيك؟
ابتسمت ترفع راسها تناظره:ولاشي يسعودّي
ضحك ينطق وهو يلمس ارنبة انفها بلطف:ودي اسمعك تقولين بابا يا وريدي
ضحكت بهدوء ونطقت بعبط تناظره:بيجي من يناديك جدو!
لانت ملامح سعود ونزلت نظرها وريد ليدها ونطقت تشبكهم ببعض بتوتر:بتصير جدو عن قريب يا سعودّي
ضحك سعود وهو كان متوقع اصلاً:حامل وريد؟
هزت راسها وضحك سعود يبوس راسها وهمس لها:مبروك يعيوني الله يتمم لك
رفعت راسها تناظره و ضحك سعود من ملامحها الحمراء:بتكونين احلى ماما متأكد يعيوني
ضحكت بدموع و غرست راسها بكتفه تهمس بتوتر و بنبرة مايلة للبكي من شعورها:خايفة
لانت ملامحه ونطق يمسح على ذراعها:من وش؟
باعت ريقها ورفعت اكتافها:مرضي و حمّلي و سفر عساف مدري سعود مدري
ابتسم ونطق يسند راسه على راسها:مرضك مب عائق قدامك و سفر عساف ذا شغله يعيوني،ولا تخافين من مرضك دام ابوك جرّاح بإذن الله ما بيصير لك شي
تنهدت بتوتر و رفعت راسها تناظره وابتسمت بخفة له وباس جبينها سعود وصدت وريد عنه تاركة ابتسامة واسعة على ثغر سعود،وارتبكت وريد تناظر نظرات عساف لها وغمضت عيونها له وتنحنح عساف يصحصح
ونطق يناظر ذياب:مافي مبروك لي؟
عقد حجاجع ذياب:على وش؟
ابتسم عساف وناظر وريد:بصير أب عن قريب
اتسع مبمسم هالة وضحك راجح يناظر فزاع اللي فز يضم عساف و ضحك ذياب ينطق:مبروك يا جعله مبارك والله يتمم لكم
ناظرتهم وريد وبلعت ريقها يرتفع نبض قلبها تشوف فزاع ضام عساف بقوة ويضحك معه وناظرت ذياب و هز كتوفها سعود يهمس:قومي
وقفت بتوتر و مشت لذياب اللي فتح يدينه لها وضمته وريد بتوتر وضحك ذياب ينطق:مبروك يبوي مبروك
نطقت بهمس:يبارك بعمرك
بعدّ عنها وناظرت هالة اللي تبكي وتضحك بنفس الوقت ومشت لها تضمها وشدت عليها هالة تبارك لها،
ناظرتهم لاما واتسع مبمسها بفرح والتفتت تناظر رتيل اللي تضحك تناظر فزاع و عساف و سرعان ما وقفت تمشي لهم يدخلها فزاع بينهم يحضنون بعض بمشاعر كبيرة بقلبهم،تسمع رتيل ضحكهم وتضحك من ضحكهم وبعدت عنهم يدخلها فزاع تحت ذراعه وضحكت بذهول تناظر فزاع اللي يهز كتفه وضحك عساف يناظره و تنحنح يبعد عنه يتوجه لذياب اللي ضمه بقوة يبارك له،
ناظرهم سعود وصد عنهم يمسح محاجر عيونه يناظر وريد ويسمع ضحكها رغم احمرار ملامحها و نزل راسه يبلع ريقه يتمنى الغزال معهم وده أشد الود يشوف فرحتها بوريدهم و بثمرة حبهم الوحيدة،
التفتت وريد تناظر سعود صاد عنهم وبلعت ريقها تعقد حجاجها ومشت له و وقفت بجانبه و جمدت ملامحها تشوفه يمسح عيونه ونطقت بصوت راجف توقف قدامه مباشرة:سعودّي
مسح وجهه و رفع راسه يناظرها وابتسم لها بهدوء:عيونه
قربت منه تضمه ونطقت تسند راسها على صدره:ليه تبكي يعيوني؟
ابتسم بخفوت ونطق يبوس راسها:ما فيني شي بس ودي تكون الغزال معنا الحين ودي اشوف فرحتها بعيونها..سكت شوي ينزل نظره ويغمض عيونه ينطق بتعب:اشتقت لها وربي اشتقت لها،اشتقت اسمع صوتها وهي تناديني سعودّي او النور اشتقت لها وريد
نزلت دموع وريد وضمته بقوة وغرست راسها بكتفه:الله يرحمها يبابا الله يرحمها ويجعل مثواها الجنة
رفع راسه بقلّ حيلة يدعي لها و ضمّ وريد بقوة،
ناظرهم عساف وعقد حجاجه لان سعود شاد على وريد و غارس راسه بكتفها ونزل راسه يبلع ريقه ما يفهم حالهم ابداً،وناظرتهم نجلاء ولانت ملامحها من شكلهم والتفتت تناظر راجح و الجميع يناظرونهم وبلعت ريقها ترفع يدينها تمسح محاجر عيونها،
بعدت وريد عن سعود و حاوطت وجهها ونطقت بهدوء تناظر عيونه:الله يرحمها يسعودّي،مافي باليد حيلة
نطق سعود يترك يدينه على راحتهم بجانبه:ودي اذبح الصقر بيديني ودي اخنقه واطلع بروحه مثل ما حرمني من حسها و وجودها بحياتي
زمت شفايفها وريد تناظر حاله و الواضح انه مب متخطي ابداً ويجامل ب ابتسامته ونطقت تضمه بقوة
:اخذ جزاته ب ابشع الطرق مات مات مشنوق اعدام يسعودّي مات
تنهد يغمض عيونه لانه لحقها،لحقها ما يتركها لوحدها
وبعدت وريد عنه ونطقت بحنية وهدوء مرعب:خلاص جالسين يناظرونا الحين،ما ابيهم يشوفون سعودّي حزين خلاص يا بابا خلاص عشاني
تنهد وضمها ينطق يبوس راسها:انا عشانك صابر يوريدي عشانك بس
تنحنح راجح يناظرهم ونطق ما يسمع شي من حديثهم
:سعود
بعد عنها سعود ومسح على وجهه وناظرته وريد و دخلها سعود تحت ذراعه يجلس ونطق بهدوء:هلا
ابتسمت نجلاء تناظر وريد وابتسمت وريد بخفة لها
سندت وريد راسها على كتف سعود وغمضت عيونها تهرب من واقعها تهوجس،ما تخطت لا هي ولا سعود، كل واحد فيهم حابس حزنه بداخله لجل يقوي الثاني و يواسيه و يداري عليه،هي تعبانة نفسياً و جسدياً و ودها أشد الود تنسدح بحضن غزالها و تسمع كلامها الحكيمّ الرزين اللي مابه غلط لأنها واعية ومثقفه،زمت شفايفها بهدوء تتذكر شكلها عيونها باللون الأخضر و شعرها الكستنائي و بشرتها البيضاء كانت جميلة جداً و وريد ورثت منها هالشي جميلة جداً لدرجة تبتسم وريد من تشوفها بشكل لا اردي،ارتفع نبض قلب وريد تتذكر اخر وادع لهم و آخر مرا تشوفها تتذكر كل شي تتذكر انها ما عاد بتشوفها أظلمت الدنيا بعينها تسمع نبض قلبها العالي تتذكر ابتسامة غزال لها و حضنها،
نزل نظره سعود لها و جمدت ملامحها يحس بتسارع انفاسها و ناظر تعرق ملامحها ونطق بصوت شبه مرتفع بخوف:وريد
ناظرهم عساف وعقد حجاجه يناظر وريد اللي نايمة
وناظر سعود يدق قلبه بخوف من اعتدل سعود بجلسته يضرب وجهه وريد:وريد بنت الغزال والنور
فز يمشي لهم يستوعب ان وريد بها شي وجلس قدامهم وجمدت ملامحه يرتفع نبض قلبه العالي من حس بتسارع انفاسها:وريد قومي وريد
نطقت هالة ب استغراب من وضعهم:اتركوها وش ودكم بها؟
ناظرها سعود وبلع ريقه ما يبي يتكلم عن بنته قدامهم وابتسم غصب ونطق يمسك عساف من ذراعه يجلسه غصب عنه عند راس وريد:ابد اشتقنا لها!
ضحك راجح بهدوء يناظرهم ونزل نظره سعود لها من فتحت عيونها يناظر عيونها الحُمر وهمس:وريدي
غمضت عيونها ونطقت ترفع يدها لصدرها تحس نفسها مخنوقة:سعودّي
ابتسم بهدوء يناظرها ونطق عساف يناظرها:وريد قلبي
التفتت براسها تناظر عيونه ولانت ملامح عساف يناظر احمرار محاجرها ونطق سعود يرفعها تجلس و نطق بشبه حدة من خوفه:لا تنامي وريد لا تنامي
ناظره عساف وعقد حجاجع ونطق بهمس:عمي
ناظره سعود وتنهد وزمت شفايفها وريد:غلبني النوم يا بابا و شفت كابوس عادي
ناظرها سعود ينجلط من الهدوء اللي هي فيه:لا مب عادي مب عادي تتسارع انفاسك و يتعرق جبينك فاهمة علي وريد
ميلت شفايفها وصدت عنه تناظر النار قدامها وناظر عساف سعود وميل راسه يهمس:بشويش مب صاير لها شي
ناظره سعود ونطق بنفس نبرته:ما تفهمني عساف
نطق عساف يناظرها و رجع يناظر سعود:ما بتخاف عليها اكثر مني فاهم عليك لكن بشويش يكفيها لا تجي انت و الدنيا عليها يا سعودها
لانت ملامح سعود من كلامه وبلع ريقه يناظر وريد وحاوط كتوفها يقربها منه وباس راسها بعمق ما يتكلم بشي وغمضت عيونها وريد بهدوء وهمست تحس بتأنيب الضمير ما تدري وش سببه:اسفة
ابتسم سعود من غير ما يتكلم وناظرهم عساف وصد عنهم يمسح على وجهه ما يفهمهم ابداً يتزاعلون لكنهم يرضون بسهولة ما يعرف وش يمروّن به ولا يفهم وش شعورهم بهالحظة ابداً،
ابتسم ذياب يناظر وريد ونطق بهدوء:حواليك صقرين ما ينخاف عليك
ابتسمت وريد ونطقت تناظرهم جميع:حوليّ ثمان صقور
ابتسم راجح بوسع لأنها جمعت الجميع:يخليهم لك يبنت الغزال و حَرم عساف
ناظره عساف بهدوء و وتنهد بهدوء يسمع سوالفهم
تأفتت نجود ونطقت:طيب مليتّ!
ضحك فهد ونطق يرتشف من الشاي بيده:هه بدت!
ضحكت نجود ونطقت تناظره:جيب لي العود من السيارة
هز راسه فهد ونطق وهو يتكي على يده:لا،الدنيا ليل تبين تجمعين شياطين الإنس و الجن علينا
نطقت نجلاء وهي تمد عكازها تضربه:بسم الله علينا فهيد
ضحكت نجود ونطقت بهمس له:تستاهل
ناظرها فهد وكشر بوجهها يصد عنها وضحكت نجود تصد عنه بالمثل
نطق راجح وهو يوقف:كلن للكرفان حقه ينام والصباح الكل يصحى بدري
نطق ذياب يعتدل بجلسته:ليه؟
ناظره راجح ونطق بهدوء:ما بنجلس هِنا كثير بنروح لمكه انا و نجلاء و انتم بتروّحون لجل ريفال
نطقت هالة تناظر ذياب:بنروح معكم لمكة
هزا راسها نجلاء تناظرها:اي تعالي معي
ابتسمت هالة و وقفت نجلاء تمشي مع راجح للكرفان حقهم و نطق سعود يبوس راس وريد و يوقف:بنام،تصبحين على ما تتمنين يوريدي
ابتسمت له وناظرته من ابتعد يدخل الكرفان و صدت عنه تناظر عساف وابتسم لها عساف وأخذت نفس وريد بهدوء تناظر الجميع بدأ ينسحب يتوجه للكرفان و بقى عساف و وريد و رائد و ريفال و هداج و رتيل و لاما و فزاع
نطقت رتيل بابتسامه:اشتقت اجلس معكم
ناظرها هداج بهدوء ونطق فزاع:اصلاً الجلسة مب حلوة بدونك يعيوني
ضحكت رتيل تناظره و ابتسم عساف بهدوء و ناظر وريد اللي قربت منه و سندت راسها على كتفه تاخذ نفس ونطق بهمس يحاوط كتوفها:تعبتي؟ ندخل للكرفان؟
هزت راسها بالنفي بصمت وميل شفايفه عساف
نطق هداج يعتدل بجلسته يناظر رائد:ما عطيتنا العلم وش نصير نندايك؟ابو؟
ابتسم رائد ونطق:ابو الضيّ
ابتسم عساف ونطق:عاشت الاسامي ابو الضيّ
ابتسم رائد ياخذ نفس من وقوع الاسم على قلبه وناظرته ريفال تاخذ نفس تحاوط بطنها بهدوء،
وقف عساف وهو لابس فروته و ناظر وريد اللي رفعت راسها تناظره و ابتسم بهدوء يمد يده يمسك يدها و وقفها معه يدخلها تحت ذراعه وناظرهم ونطق بهدوء:بنمشي
ناظره رائد وابتسم بهدوء و وقف يناظر ريفال اللي غفت و انحنى بهدوء يهزها لجل تصحى و وحاوط ظهرها من الجنب يمشي معها للكرفان و ثواني و لحقوه فزاع و لاما~
ابتسم هداج يناظر رتيل و مد يده يحاوط ظهرها يقربها منه وابتسم بهدوء:شلونك الحين؟
ضحكت بهدوء لانها تفهم مقصده ونطقت بابتسامة تسند راسها على كتفه:عال العال
ضحك هداج يبوس جبينها ونطق يحاوط كتوفها لجل ترتاح:المهم راحتك يعيوني
ابتسمت بهدوء و رفعت راسها تناظره ونزل راسه هداج يناظرها ب ابتسامه وتنهد يوقف و يوقفها معه:مافي غيرنا تعالي نمشي
ابتسمت و مسكت يده تمشي معه و دخلها هداج تحت ذراعه ونطق بضحك يناظرها:يخي مقصرك ليه ما طلعتي طويلة نفس عساف و فزاع؟بالله كم طولك؟
رفعت راسها تناظره وهي زامة شفايفها:القصيرة جابتك من ادناك يا هداج
ضحك و وقف يضمها له ونطق يبوس راسها:انشهد ان محد جاب راسي غيرك يبنت الذيب
ابتسمت بهدوء ورفعت راسها تناظره:بس ما اختلفنا كم طولك؟
كشرت بوجهه و ضربت صدره تبعد عنه:حيوان
نطق بضحك يناظر وجهها يلمح لمعة عيونها:جاوبيني!
نطقت بغيض تزم شفايفها:بحكي لعساف ترا
ضحك من أعطته ظهرها تمشي راجعة طريقهم و مشى لها ومد يده يحاوطها من الخلف يقربها منه ونطق بابتسامة:طيب خلاص ولا تزعلين احلى واجمل قصيرة بحياتي
نطقت بغيض تتكتف لانه ضامها من الخلف:ليه في غيري قصيرة بحياتك؟
توسعت عيونه بذهول ولفها عليه يصير وجهها مقابل وجهه:وحدي الله يبنت وش غيرك؟ اسكتي
عضت شفتها تكبت ابتسامتها من شكله لكنها سرعان ما ضحكت تضمه وضحك هداج يبادلها:بيجي يوم واعرف طولك لو اقيسك شبر شبر
ضحكت تدفن راسها بصدره:طيب
تنهد براحه و بعدت عنه رتيل تناظره وجهه ودخلها هداج تحت ذراعه يكمل مشيه معها بصمت تام بينهم،
جلست رتيل على الحجرة الكبيرة و ناظرت هداج اللي وقف قدامها ونطقت بهدوء:اجلس
ناظرها وتنهد يجلس بجانبها و يدخلها بحضنه يضمها واستغربت رتيل:هداج
همهم لها ونطقت تخلل يدها بشعره:فيك شي؟
ابتسم بهدوء وهز راسه بالنفي:لا
ميلت شفايفها وبعد عنها هداج يناظر وجهها وناظرته رتيل و غمضت عيونها من انحنى يقبّل ثغرها لثواني، بعد عنها وناظر وجهها و صدت رتيل عنه وابتسم هداج بهدوء يصد عنها بالمثل
نطقت رتيل تضم ذراعينها:برد!
وقف هداج وفتح فروته لها:تعالي
ابتسمت و وقفت تمشي له و وقفت بجانبه يحاوط ذراعها يدخلها بالفروة حقته يمشي معها وحاوطت ظهره رتيل
نطقت رتيل بهدوء تناظر طريقهم:هداج
نطقت بروقان تام:عيونه
ابتسمت ونطقت رتيل تسند راسها على كتفه:خلاص ولاشي
عقد حجاجه ينزل نظره لها:انطقي
هزت راسها بعبط وميل شفايفه يصد عنها بهدوء يكملون طريقهم بروقان تام~
