دخلت هالة جناح وريد تصحيها دقت باب غرفتها تسمع رد وريد التعبان لها:ادخل!
دخلت هالة تنطق بابتسامه تناظرها جالسة على كرسي التسريحة تمشط شعرها المبلول:يا صباح الخير يا حلوة
ابتسمت وريد لها توقف تمشي باتجاهها بشويش تجلس على الكنبة:يا هلا صباح النور
ابتسمت هالة تجلس قدامها:لا اليوم احسن الحمدلله
ابتسمت وريد من غير رد وناظرتها هالة تنطق بهدوء:تقدرين يا أمي تنزلين تفطرين معنا تحت ولا اجيبلك اكل هنا؟
هزت راسها وريد تنطق وهي تلبس عبايتها وحجابها:ما فيني شي بنزل افطر معكم هزت راسها هالة بتفهم تنطق:يلا!
مشت وريد تاخذ جوالها وتنزل مع هالة لتحت، تمسكت ب الدرج تنزل بشويش تناظر الجميع جالس باستثناء عساف
راجح بابتسامه:يا هلا وغلا بالغالية بنت الغالي
ابتسمت وريد بهدوء:هلا فيك
ابتسم الليث يأشر لها تجلس جنبه كالعادة: ياصباح الخير بالعيون الحلوين!
ابتسمت وريد تجلس جنبه يلتفت عليها الليث يناظرها بابتسامه:تعبانة ولا تقدرين تطلعين معي؟
ابتسمت بهدوء:لا بطلع معك!
ناظرها ينطق:انتظريني!
هزت راسها بهدوء والتفتت تناظر بروق اللي جالسة وتتحاشى النظر لها ولا تحمدت لها السلامة من الاساس
ما اهتمت لها كثير تلتفت من نطقت لاما من شافت نظراتها وهي تغمز لها:ما عليك منها أدبناها عنكِ!
ضحكت وريد بخفة وابتسمت رتيل من ضحكتها،
دخل الصالة عاقد حجاجه بتعب تلين ملامحه من ناظرها جالسة جنب الليث تضحك مع البنات كان يعتقد انها ما بتنزل تنحنح بهدوء ينطق:صباح الخير
ابتسم راجح:يا هلا بعضيدي ولد الغالي
تقدم له عساف يضمه بهدوء وهو يبوس راسه ويجلس يمينه من غير رد،ناظرته وريد تتورد وجنتيها بخفوت تشتت نظرها عنه ب إحراج ابتسم عساف بداخله من لاحظ تورد وجنيتها وهو يمد يده لحاجبه يناظر صحنه
بدأت تفطر بهدوء تناظرهم يتكلمون ب أمور عادية مب مهمة بالنسبة لها
نطق راجح يناظر العيال:مب ناوينن تفرحونا بزواجكم؟
التفتت يناظر فزاع: مب ناووي تتزوج انت؟
ابتسم فزاع بهدوء:قريب طال عمرك!
راجح بابتسامه:على خير!
ابتسم ذياب يعرف بنيته يناظر لاما اللي شتت نظرها ابتسم بهدوء ينزل نظره لصحنه،
التفتت الليث على وريد يناظر اظافرها يهمس باذنها:وريد!
التفتت تنطق بنفس نبرته:هلا!
ناظر الليث عيونها يدخلها تحت ذراعه ينطق بضحك وهمس:ابغاك تحكين لي راسي بإظافرك!
ضحكت وريد بخفة تأشر على عيونها ونطق الليث بابتسامه من ضحكتها:يسعدهم!
ضحكت وريد تصد عنه وهي تضحك بخفة
يناظرهم عاقد حجاجه ما يسمع همسهم وده يعرف وش حكى لها الليث لحتى ضحكت نطقت من بأس الليث راسها وهو يحط يده على حاجبه:ابعد!
ناظره الليث ينطق بضحك وهو يأشر على نفسه:انا؟
ناظره عساف ينطق بسخرية:لا انا!
ضحك الليث يبعد عن وريد ينطق راجح بضحكة:انتبه لعظامك يا الليث بعدين محد يفكك منه عند حَرمه! نزلت وريد نظرها ب احراج منه تفهم تصرفاته نطق الليث وهو يناظره يقلب عيونه:مالكم شغل بزوجتي بالعالم الموازي بنطلع انا وهي
ناظره عساف بحدة يناظر وريد منزلة راسها تعض شفايفها ينتبه لتورد ملامحها من بعيد
نطق الليث يهمس لوريد باذنها يحك حجاجه بضحك:صاحبنا غيور!
نطق عساف بحدة:الليث
ضحك الليث بهدوء يقوم ينطق بضحك:خلاص الحين بتركها لكن بسرقها بعد شوي غصب عنك
رفع حجاجه عساف ينطق بسخرية:توكل توكل!
ناظرته وريد بوجه محرج توقف تنطق بهمس:صحة!
جلست على الكنب تمسك جوالها يوقف عساف يتوجه لعندها،
نطقت نجلاء بضحك:في أمل بعساف!
ضحك راجح بهدوء:الله يحميهم!
نطقت هالة:تعجبني وريد بخاطري يسافر معها!
غند بابتسامه:وريد عنده وما يسفرها لااا
ضحكت شادن تنطق بغمز:ما ألومه موتٍ حمر!
صدو عنهم العيال يطلعون ب حرج من كلامهم عنها قدامهم
ارتكى فهد على سيارته ينطق:ودي نطلع زهقت!
استند هداج بجنبه ينطق:والله ودكم الصراحة بخاطري اروح على بر بهالاجواء الحلوة!
هز راسه فزاع ينطق:اي والله كيف رائد من تكلم معه؟ هزوا رأسهم العيال بالنفي ينطق فهد بغمزة:اخونا غرقان بالعسل ليه نزعجه؟
ضحكوا العيال يمد يده فزاع يضربه:يخي كل الدنيا تحكي الا انت يالداشر!
ضحك فهد بقوة يركب سيارته ينطق بمزح:العذر منكم عندي موعد مهم!
ضحك فزاع يهز راسه بعدم فائدة منه يبعد هداج عن السيارة يتوجه لسيارته يطلع لشغله وكذلك فزاع~
