دخل الجناح يناظر وريد نزعت عبايتها و شالتها وسكر الباب يلتفت يناظرها تناظره وابتسم يميل راسه يناظرها ونطق بنبرة كلها شوق يغلبها تعب:تعالي
ابتسمت ومشت له باستعجال ترفع يدينها تضمه وحاوط خصرها عساف ينحني براسه يدفنه بعنقها ياخذ نفس من عبيرها و اريجها وابتسمت وريد تميل راسها،شد عليها عساف يدخلها بضلوعه والتفت يرجع بها للباب يحاصرها وضرب ظهر وريد ب الباب وعقدت حجاجها ترتبك،رفع راسه يناظرها واخذ نفس يناظر وجهها من قريب ونزل نظره لثغرها وسرعان ما غمضت عيونها من انحنى يقبّل ثغرها،بعد عنها بعد دقائق يناظرها وهمس يناظر وجهها:شلونك؟
ابتسمت ونطقت بهدوء:مشتاقة
ضحك وضمها له ياخذ نفس من عطرها اللي اشتاق له
وابتسمت وريد من ضحكته ونطق عساف يميل راسه يبوس خدها بعمق:وانا وحشتيني مب بس اشتقت لك
ناظرته وهي مبتسمه وضمها عساف بقوة ورفعت يدينها تحاوط عنقه تميل راسها من دفن راسها بعنقها
ضمها بقوة يهدي شوقه واشتياقه لها،ظل على وضعه دقائق طويلة كل شوي يشد عليها و وريد مرتاحة بحضنه ومرتبكة بنفس الوقت تتذكر حملها،بعد عنها عساف بعد مدة يناظرها و حاوط وجهها ينزل نظره لثغرها وانحنى يقبّلها بهدوء وبعد عنها ينطق يخلل يده بشعره بتوهان بمشاعره:بدخل اتروش
هزت راسها تعض شفتها تلاحظ حركته تشوفه يدخل للحمام وتنهدت تمشي للتسريحة تناظر شكلها وميلت شفايفها تنتبه للون وجهها الاصفر وأخذت نفس ترفع شعرها بعشوائية ومشت تدخل المطبخ تعمل لهم قهوة
سوداء،
طلع عساف وهو ينشف شعره بالمنشفة اللي على عنقه ورمى المنشفة بأهمال ومشى يطلع من الغرفة متوجه للمطبخ،دخل وابتسم بهدوء يناظرها واقفة تنتظر القهوة تتقطر واخذ نفس بهدوء يناظر لبسها لابسة شورت قصير باللون الاسود وتوب باللون الرمادي ومشى لها يحاوطها من الخلف و فزت وريد بخفة ونطق عساف بابتسامة يبوس كتفها:بسم الله عليك
ابتسمت وريد بهدوء تنزل نظرها ليده اللي على بطنها وبلعت ريقها بتوتر
نطق عساف بهدوء يناظرها تصُب القهوة بالاكواب
:وريد قلبي
ابتسمت بهدوء لانه ما يناديها و ميل راسه عساف يبوس خدها بخفة وابتسمت وريد بهدوء و لفت عليه من صَبت القهوة بالاكواب،وناظرها عساف وابتسم يسرّح بعيونها وناظرت وريد نظراته ورفعت يدينها تحاوط عنقه تضمه وتسند راسها على صدره،ابتسم عساف يشد عليها بقوة ونطقت وريد بهدوء:جُعان؟
هز راسه بالنفي وبعد عنها يناظر عيونها وميل راسه يبوس شامتها قريب من ثغرها ونطق يمسك يدها بيد واليد الثانية مسك الكوب حقه:تعالي
اخذت كوبها ومشت معه تناظره يمشي قدامها وابتسمت تهمس:احبك
ابتسم بوسع وجلس على الكنبة وجلست وريد بجانبه والتفتت بجسده عليها:وانا اهيمك
ضحكت بهدوء ينشرح صدره ونطق باستغراب يلمس وجهها بكفوفه:ليه وجهك اصفر؟ما عجبتيني!
ميلت شفايفها ونطقت بعبط:تعبت!
عقد حجاجه ونطق:وش فيك؟
رفعت اكتافها ونطقت تحاوط وجهه:ما فيني شي تعب بسيط بس دايخة
نطق يناظر عيونها:دايخة؟اكلتي شي من الصباح؟
هزت راسها وتنهد عساف يحاوط ظهرها ينسدح على الكنبة و وريد بحضنه:وريد!
ضحكت ونطقت ترفع راسها تناظره:والله أكلت!
ابتسم بهدوء ورفع نظره لشعرها المرفوع بعشوائية ومد يده يفك ربطته وانسدل شعرها على اكتافها وظهرها وابتسم عساف يخلل اصابعه فيه وغمضت عيونها وريد براحه تحط براحه كفها على صدره:اشتقت لك،لا تبعد ثاني
ابتسم يناظر شعرها:لازم ابعد فترا لجل نجدد شوقك ونسمع كلامك المعسول ولا؟
ميلت شفايفها ونطقت تزم شفايفها:طيب مابيك تبعد، شوقي لك بكل وقت
ضحك بهدوء ينزل نظره لها:طيب احبك
ناظرته وأخذت نفس وصدت عنه بعيونها واستغرب عساف تصرفاتها يلاحظ التعب بوجهها واعتدل بجلسته واعتدلت وريد تناظره ونطق عساف يمسك يدها:متأكدة مافيك شي؟ وجهك مب عاجبني يبنت الحلال
ابتسمت ونطقت تشد على يده:ما فيني ش..قاطعها من نطق يعقد حجاجه بضيق:غسلتي كلى؟ متى موعدك؟
كملت بابتسامه:مافيني شي،لي فترا ما غسلت كلى بنتظر شوي ونروح سوا!
هز راسه وتنهدت وريد تقرب منه تضمه بقوة و دفنت راسها بعنقه تأخذ نفس من عطره تتلذذ بريحته وكأنها متوحمه عليه،غمض عيونه عساف بهدوء يشد عليها يرفعها لحضنه ورفع كوب القهوة لثغره يرتشف بهدوء
وناظرته وريد تزم شفايفها واعتدلت تأخذ كوبها ترتشف منه و سرّحت بتفكيرها تناظر الفراغ قدامها وناظرها عساف يرتشف من قهوته يناظرها سرّحانه متأكد ان فيها شي لكنها مب راضية تحكي له و عقد حجاجه من حطت الكوب على الطاولة و وقفت تمشي للسرير من غير ولا كلمه يستغرب تصرفها وناظرها من انسدحت تغطي نفسها وللحين ما تناظره،وحط كوبه على الطاولة يناظرها و وقف يمشي للنور يطفيه ومشى يجلس على السرير يناظرها سرّحانه:وريد قلبي
ما ردت وعقد حجاجه:حَرمي
صحصحت من تفكيرها تناظره وبلعت ريقها تبتسم بهدوء وناظرها عساف لثواني وانسدح على السرير يغطي نفسه باللحاف و حاوط خصرها يقربها منه
يدخلها لحضنه وقلبّ بجسده يناظرها قدامه،يناظر رمش عيونها يقرأ فيهم شي ما يفهمه
نطق يلعب بشعرها يشد على خصرها ويناظر عيونها
:وريد قلبي في شي تبين تحكينه لي؟
هزت راسها بالنفي وكمل عساف يشتت نظره بين ثغرها و عيونها:أحد تعرض لك وأنا مب هِنا؟
هزت راسها بالنفي:ما صار معي شي!
نطق بهدوء يجس نبضها:طيب ليه تسرّحين وانتي بحضني؟
ابتسمت تناظر عيونه اللي تشتت بين ثغرها و عيونها
:مب مصدقة اني بحضنك،للحين افكر نفسي بنام واضمّ المخدة لي
ابتسم بهدوء وقربها منه و نزل نظره لثغرها وانحنى من غير تفكير يقبّلها بعمق تُجبر وريد على المبادلة،بعد عنها بعد دقائق يناظرها تناظره بتوهان وبلل شفايفه وغرس راسه بعنقها يقبّله،يقبّلها بكل شوق ولهفة وحنية،مشتاق لها حد الضياع،يشد عليها وكأنها كنز بين يدينه يشد عليها يشبع شوقه ويخفف لهفته لها~
