عقد حجاجه من حركتها يميل راسه يناظرها ابتسمت وريد تقرب منه تضمه بقوة تهمس:لا تناظرني كذا قلت لك من اول مو زعلانة انت اللي مب راضي تصدقني! ضحك بذهول من حركتها ما يستوعبها ابداً يرفع يدينها يضمها يشد عليها بقوة يهمس:اخيراً!
ضحكت بهدوء تشوف محاولاته بها لجل ترضى اكيد ما بتفرط فيه:طيب!
شدها له يهمس عند اذنها تتورد ملامح وريد بخجل تعش شفتها يرتفع نبض قلبها:طيب احبك
ضحك بهدوء من دفنت نفسها بحضنه يبتسم يشدها له يتنهد همّ وانزاح عن صدره،مبسوط منها ومن حركاتها معه عفويتها ما تطلع الا وقت يكونون بلندن
ابتسمت وريد تغمض عيونها تستنشق ريحة عطره تعض شفتها من خجلها بهالحظة،تحس وكأنها اول مرا تحضنه
وقف عساف و وريد بحضنه يحملها بين يدينه تحاوط وريد عنقه تدفن راسه بعنقه،ابتسم عساف من حركتها يشدها له يدخل الفيلا يسمع نبض قلبه من قربها يتجدد شعوره لها بطريقة مب عادية ابداً،نزل نظره يناظرها بحضنه يبتسم بهدوء يرقى الدرج
دخل غرفتها يسكر الباب برجله يجلس على السرير و وريد بحضنه،بعدت عنه وريد وكانت بتقوم لكنه ثبتها ينطق:خليكِ
توترت تجلس على رجوله تنزل نظره له تناظره يناظرها بنظرات تعرفها جداً نظرات مليانة حنية وحُب
نظرات تريح قلبها وكأنها تثبت لها انها الأولى والأخيرة بقلبه،ابتسم عساف يناظرها بحضنه يرفع نظره لأنها جالسة على رجوله ترتفع عنه:بنت سعود وحَرم عساف خاضعك بالله مابي درب للمشاكل بيننا مابي م...سكت من قاطعته تحاوط وجهه تهمس:عساف خلاص مابي ابكي اكثر من كذا يكفي نزفت دموعي لين الدم ابيك تبدل دموع الحزن بدموع فرح ابيك تكون لي كل شي مابي اعيش شعور الخذلان منك مابي يجي يوم وما القاك بجانبي ابيك معي وين ما كنت وبأي زمان ابيك بكل الايام والأوقات تكون معي
ابتسم يهمس يحط يده على كفها:ما بخليك وبنبدل دموع الحزن لفرح لاني ما ببكيك ابداً بكون معك وين ما كنتي وبأي وقت و زمان انتي بس اتصلي وقولي ابيك وريد احبك
ابتسمت تسند جبينها على جبينه وكمل عساف يشد على خصرها:يدك بيدي والهوى دربه طويل سكة العشاق نمشيها سوى
كانت بتنطق لكنه قاطعها من شدها له يقبّل تغرها بقوة،يقبّله يسرق انفاسها منه يقبّلها بشوق كبير ياخذ حق كل الايام اللي منع نفسه عن تقبّيلها،ناظرته من بعد عنها تتنفس بقوة يرتفع صدرها وينزل تناظره وجهه الاحمر وتحس بانفاسه السريعه،شهقت من صار عساف فوقها وهي تحته يدفن راسه بعنقها يستنشق عبيرها يخفف لهيب صدره من شوقه،عضت شفتها تخلل يدها بشعره تحس فيه يقبّل عنقها ميلت راسها من قبّل نحرها،بعد عنها عساف يناظرها ويناظر ثغرها يهمس بتوهان شديد من ريحة عطرها:احبك وريد قلبي اهيمك
انحنى يقبّلها بقوة يلتهم شفتيها من غير رحمه تغمض وريد عيونها بقوة من اندفاعه بهالحظة لها~
~
الرياض"
ضحكت بخجل من مباركتهم لها،التفتت تناظر فزاع تهمس:بخاطري امشي!
قربها منه يهمس بضحك:بخاطرك تمشين ولا بتهربين؟
ضحكت بهدوء يمسح على وجهه فزاع يخفي ضحكته
وقف يمسك يدها ينطق بهدوء:بنروح مشوار
طلعوا من غير ما يسمعون ردهم تركب لاما السيارة
همست بخجل:ما بحكي لك ثاني مرا!
ناظرها يضحك بذهول ينطق:لاما حبيبي شفيك؟بعرف بنفسي!
ضحكت بهدوء تصد عنه يضحك فزاع يشابك يدينهم ويمشون بطريق يجهلونه لكن لجل تغير لاما جوها
