سحبها من يدها يضمها بقوة
رفعت راسها تشهق من سحبها وكانت بتطيح لكنه حاوط خصرها وظهرها يضمها،بكت بقوة ترتكز يدينها على صدره يشدها عساف يسمع بكاها ينطق بحسرة وقهر يعض شفته:اشش وريد قلبي خلاص
بكت تسمع صوته تحاول تبعد عنه لكنه يشد عليها يرفض تبعد عن حضنه
شهقت تبكي تدفه عنها بكل قوتها يبعد عساف عنها يناظرها بذهول من تصرفها يبلع ريقه يناظر ملامحها باللون الاحمر نطق بهدوء:وريد..قاطعته من صرخت تنطق:لا تنطق اسمي اكرهكك عساف اكرهكك
عقد حجاجه بضيق يناظرها مب راضية تخليه يشرح لها كيف بيفهمها
كلمت وريد تمشي لعنده تدفه بقوة:رجعني للقصر رجعني ما بجلس معك أكثر
نزل نظره لها يمسك يدها يثبت حركتها ينطق بانفعال يناظر عيونها:ما برجعك بتبقين معي ما بتركك ابداً
صرخت بقوة تدفه عنها تطيح على الأرض تضم رجولها لها تسند راسها على رجولها وتبكي بعلو صوتها تشهق بقوة يرتجف جسدها بخوف من اللي جاي
ناظر حالها يصد عنها يمسح ملامحه بقهر منها مب راضيه تفهمه شلون بيتفاهم معها شلون بيحكي لها،ناظرها من شهقت بقوة يفز يجلس عندها على ركبه يضمها بقوة تبكي وريد همس عند اذنها:وريد قلبي وربي مجبور مجبور تعرفين اني احبك واغليك مستحيل ارضى عليك الذل والإهانة قدرك عالي عندي ما بفرط فيك بسهولة بعد ما لقيتك
همست وهي تبكي بصوت مبحوح من شهقاتها وصراخها وراسها على رجولها للحين:تحبني لكنك كسرتني وخذلتني ورضيت علي الذل والإهانة وصغرت قدري عندك وفرطت فيني وانت تعرف اني ما بتحمل كل ذا شهقت تكمل ببكا قوي و صوت متقطع:اكره..سكتت تبكي بقوة من رفع راسها يحاوط وجهها يناظر عيونها يهز راسه بالنفي ينطق:لا لا تكذبي وريد لا تكذبين
بكت تغمض عيونها يحاوطها عساف يدخلها بحضنه تضرب صدره وريد بقوة يغمض عيونه يبلع ريقه نطق وهو يوقف ويوقفها معه لأنها بحضنه يهمس وراسه بين كتفها وعنقها:وربي مجبور وريد كنا بنخ...قاطعته من بعدت عنه تنطق ببرود تام ولا كأنها اللي انهارت بحضنه من شوي ولا كأنها اللي كانت تصرخ وتبكي وتشهق بقوة:ما تهمني يا بكر ذياب بكل شعور كان بداخلي احكي لك اكرهكك عافتك النفس
تركته واقف بصدمة و ذهول من كلامها"اكرهكك عافتك النفس"لا كذابة بعيد عن عينها تكرهه بهالسرعة وهي لجئت لحضنه قبل يطلعون من القصر،مشى بغضب للسيارة يركب يسكر الباب يلتفت بجسده عليها يناظرها سرحانه بيدها بملامح جامدة ينطق بغضب:مب بالسهولة بتكرهيني يا بكر سعود وانتي تلجئين لحضني وقت تتضايقين مب بهالسولة بتنسين مشاعرك
مسحت خشمها تنطق ترتجف من البرودة الي تحس فيها تتجاهل كلامه:رجعني القصر
ناظرها ينجلط من برودها يصد عنها للامام يمشي بسرعة كبيرة جداً
يطلع أعلى الجبل بغضب يعتريه منها ومنه ومن بروق،
غمضت عيونها ترجع ظهرها للخلف تلصق نفسها بالباب تحس نفسها غريبة الحين هي ما تنتمي لهِنا لكنها معه،
وقف عساف سيارته عند الحجرة الكبيرة ينزل من السيارة من غير ما يناظرها يسكر الباب بقوة،غمضت عيونها وريد تشهق تبكي بقوة قد ما تتظاهر بالنهاية ما بتقدر تتخطاه وتمر من عنده مرور الكرام وهو كان قطعة منها،ناظرته من الشباك واقف وماسك راسه يناظر قدامه تزفر تبكي بقهر على حالهم،ودها تنزل وتروح تضمه من غير تردد لكنها ما بتقدر ما بتسمح له يركبها اكثر من كذا،هو تجاهلها وكأنها مب موجودة دعس على قلبه وقلبها وتزوج بروق،ما تعرف وش صار بينهم لكنها مب متطمنه ابداً تنهدت بصوت متقطع تفتح الباب تنزل لعنده،وقفت بجانبه تناظر الشوارع تحتهم ترتجف من البرودة تناظر عتمة الليل والقمر اللي مغطينه الغيوم البيضا حوله،تاره يوضح وتاره يختفي،
واقف وماسك راسه مب مستوعب للحين اي شي من اللي صار،يتذكر انهيارها وبعدها البرود اللي جاها،يتذكر ملامحها باللون الاحمر وعيونها بلون الفردوس يتحولون للاحمر،غمض عيونه بقوة من تذكر شهقاتها يبلع ريقه بتوتر وقلق وخوف على مستقبلهم المجهول للحين،فتح عيونه ينزل يدينه يدخلها بجيوب جاكيته من وصلت لخشمه ريحة عطرها يتنهد بهدوء ينزل نظره يناظر وقولهم بجانب بعض لكنها الحين اقرب له من رمش عيونه وابعد عنه مثل بعد النجوم
تنهدت وريد تضم يدينها لها من البرودة تنزل شالتها على كتوفها تحرر شعرها على كتفها تبلع ريقها من طول الصمت بينهم،واقفين بهدوء ولا كأن مشاعرهم تتخبط بداخلهم ،ولا كأن كل شخص في بقلبه كلام لكنه بالع جمره وساكت،شعور خذلان وخيبة وشعور ندم وقهر يجتمعون مع البعض تشعل بهم نار تزيد نارهم نار حطب مشاعرهم تجاه بعض اللي مب راضية تنطفي
التفتت عساف يناظرها يناظر ملامحها باللون الاحمر من بكاها وضامه يدينها لبعض من البرودة ينطق بهدوء:بنت سعود
رمشت تزم شفايفها تعضهم من اجتاحتها رغبة بالبكاء من صوته ما ترد يكمل عساف ينطق بصوت هادي يحاول يتفاهم معها:وريد بحكي معك وافهمك كل شي ابيك بس تسمعيني وتحكمين على تصرفي بس
التفتت تناظره تتنفس بقوة تختنق من الطاري تولع بغيرة تحرقها من تتخيل أشكالهم مع بعض
ناظرها عساف تلين ملامحه يترجاها بعيونه يكمل:وربي انجبرت وريد كانت بتدنس اسم العايلة لو ما لحقت عليها
صدت عنه تجلس على الحجرة من ألمها بطنها تناظر الشوارع تحتهم تسمتع بهدوء لعساف بتعرف وش أسبابه،قلتّ ثقتها بنفسها تحس فيها العيب او الشينة او النقص ليه يروح يتزوج وهو ما شاف منها شي،اذا على المشاعر هي كذا مشاعرها ما تطلع كثير يعني مشاعر جياشه مب دايماً تعترف له عكسه هو
ناظرها عساف يتنهد ينطق وهو يناظر الشوارع لجل يتكلم بأريحية اكثر:قبل ثلاث ايام كنت بقابل صديقي حمد،شفتها بشارع مشبوهه وعماره مشبوهه ماسكة بيد حثالة وتضحك بعلوا صوتها،سكت شوي ثم كمل وهو يتنهد يرفع اكتافه:ما قدرت اشوفها كذا ولا اعمل شي وقتها نزلت وصرختت باسمها ادفها للسيارة وتضاربت مع الشخص اللي كان معها
كانت تسمعه ما تنذهل لأنها تعرف بحركاته بروق من اول لكنها زمت شفايفها بشعور بشع بداخلها تسمعه يكمل بقهر واضح على صوته:بعدها الحثالة صار يهدد بها وانه بيشتكى عليها لكن تجاهلته ومشيت للسياره و وقت ركبت جلست بروق تترجى فيني استر عليها لجل ما يشتكي واصير درع حماية لها
رفعت راسها تناظره بقهر تتنفس بقوة
كمل عساف يبلع ريقه يحس بنظراته عليها:وقتها تزوجتها بالاسم فقط يشهد الله اني ما قربت عليها او شفت منها شي تزوجتها لجل استر عليها من الحثالة اللي انسجن وقت بلغت عليه وبروق جلست بالقصر وشفتي وش كانت تلبس وتصرفاتها
ناظرته تنزل دموعها تميل شفايفها تناظر قهره والغلّ اللي تحس فيه بصوته تفهم ان الحق على بروق لكن الشعور يقهر وجداً ان حبيبك وروح عمرك يتزوج عليك،نزل نظره عساف لها يجلس على ركبه قدامها يناظرها ينطق يعرف بتفكير وريد والاكيد انه زرع داخلها شعور من بشاعته ماله نهاية يوضح من كلامه حبه لها:يشهد الله اني احبك واغليك ومالي خاطر بغيرك ولا فكرت بغيرك من قبل ولا عمري شفت منك النقص سبق وقلت لك انك كاملة والكامل خالقك وارجع اعيد لك وأأكد لك انك كاملة والكامل خالقك،احبك وريد احبك ولا فكرت اخونك او اجيب لك ضره
"شريكة"لكن شاء القدر وصار يشهد الله اني اكره بروق اكرهها كره العمى وكلن بالقصر يعرف بكرهي لها
سكت شوي يناظرها تناظره تبكي بصمت وكمل يمسك يدها لكنها سحبتها بقوة تنهد يكمل يتجاهل حركتها يناظر عيونها اللي تشتتها عنه:والله ان نور وجهك من ضياه الليل ضاوي وقلبي لغيرك يا هوى البال ما طاع
تعلقت فيك وهام قلبي وعفت الناس،ولا لي غيرك لا جديد ولا مبطي وريد احبك ولا اقدر اخفي حبك وتعرفين هالشي جعل عيني ما تشوف الا عيونك وجعل حالي ما يضمه غير حالك انتي قولي وش هالدنيا بدونك والله ان مابه حياه الا وصلك
التفتت تناظره تبكي من كلامه الكثير على قلبها وما زاد قلبها الا تعلق به،مب قادرة تبادر بشي للحين جرحها ما طاب
ناظر نظرات عيونها يترجاها تفهمه بالعيون،لغة العيون لوحدها تكفي توصل شعورهم لبعض،رفعت اكتافها تهمس ببكاء:مقدر اشوفك معها نظراتها لك لوحدها تجرح فيني للحين جرحي ما طاب وما بيطيب وهي قدام عيوني...قاطعها ينطق بلهفة واضحة بصوته:يعني تبين نبعد؟ابشري والله ان نبعد للمكان اللي تبينه لكن ارضي اطلبي اللي ودك اللي بخاطرك لكن لا تطلبين بُعدي وتذبحيني حي
بكت تهتز كتوفها من بكاها الصامت يتنهد عساف يمسك يدها غصب عنها ينطق يناظرها نزلت راسها تبكي
نطق بقهر واضح:غلاتك في القلب ومسكنك بالعيون
مالك بديل بخاطري ولا لك عديل مالك شبيه غير قلبي ودقاته وريد وريد قلبي افهميني افهميني من غير ما اتكلم ابهريني لمرة بمُدارتك لي
بكت تشهق تغمض عيونه ترفع اكتافها ما تدري وش تحكي مكسورة منه وكثير رغم انه حكى لها ما صار بينهم شي ولا شافها لكن غيرتها تذبحها
تنهد عساف ينطق برجا:بنت سعود
رفعت راسها تناظره ترمش بتكرار من دموعها تنطق تخفف من تفكيرها شوي:كسرتني عساف خَلفت داخلي حذر لك ومنك خذلتني مثل هجرس اللي رضع معي وتركني يمشي ما يسأل عني غير مرا وماعاد شفته، بيجي يوم و تتركني وتروح لبروق لأنك اشتقت لها و..كان يسمع لها بقلبه يعقد حجاجه من خوفها يقطعها من نطقت"اشتقت لها":يبنت الحلال اكرهها اكرهها وربي اكرهها واقرف منها ما بتترك دايماً معك انتي لا تتركيني وتمشين لا تعطيني ظهرك وتمشين وامورنا بالسليم يا بنت سعود اذا تبين هجرس ابشري والله ان يجيك وتشوفينه واذا ما تبينه ف اصير لك اخ وحبيب وصديق واب وزوج
بكت تسمع الاسم تنطق بانفعال:صرت بنت سعود مب وريد قلبي!صرت عادي اموت بجانبك ولا تنزلي؟لهدرجة تتمنى تخلص مني؟تبي موتي؟ لهدرجة تحمل لي مش..يسمعها يفتح عيونه بذهول هو بوادي وهي بوادي هو يحكي شي وهي تفهم شي ثاني
نطق بذهول يناظرها:وريد لا لا وريد مب كذا يحبيبي لا اوعك انا ابي موتك؟بعيد الشر جعل يومي قبل يومك وريد انا قصدت بكلامي ان مكانك بجانبي مب بعيد عني وريد لا تفهميني غلط بديتي تهذرين بكلامك يا وريد لاا لا
بكت تناظره ما تفهم شعورها ابداً عايشة بين الضاد والتضاد شي ودها اياه وشي ينفر منه بقوة،مدت يدها لصدره تضربه يطيح عساف خلفه يناظرها يتنفس بقوة من غضبه من حركاتها وكلامها ينطق:شفيك وريد شفيك وش صار؟خلاص عفتي؟عند أول غلطة تخليتي؟ عند أول ثغره بيننا سويتي كذا؟تنو..قاطعته تنطق بنفس أنفعاله لكن ببكا:مافيني شي اي عفت تخليت لان غلطتك لا تُغفر لان الثغرة الأولى كذا كيف الثانية؟
ناظرها ما يستوعبها ابداً بدأت تهذري بكلامها واكيد ان هروموناتها اشتغلت الحين وقف يسحبها من يدها توقف وريد غصب عنها من قوته يحضنه يحاوطها بكامل جسده يدخلها بين ضلوعه بهمس عند اذنها:ما بتركك لا تحاولين
بكت بتوهان شديد محتاجة الحضن لكن مب حضنه ابدا،بكت تنزل راسها على كتفه تبكي تهتز كتوفها يحاوطها عساف ينطق:بسم الله عليك!وربي ما بتشوفين مني الغلط ثاني يا وريد ما بترجعين تخوفيني عليك وادخلك المستشفى عند كل ثغره اذا صارت اصلاً عشت خوف لسنين قدام معك شيب راسي من صغري من خوفي عليك يا وريد قلبي
غمضت عيونها ترفع يدينها تحاوط ظهره محتاجة حضنه تعرف ان كلامه صحيح تسمعه يشرح لها خوفه قبل شوي وخوفه بكل مرا تدخل المستشفى
ضربت ظهره بقوة تنطق بهمس باكي:انت حبيت وحدة مريضة كلى وش اسوي لك؟
ضحك من جملتها يشد عليها يبوس راسها ينطق:اموت عليك وربي
غمضت عيونها تتنفس بقوة من كلامه تنقد على نفسها، لانه جالس يوضح لها حبه وهي جالسة تعاتبه ولا تحاول تفهم كلامه،شد عليها عساف يمشي بها للسيارة،ناظرت السيارة وكانت بتعبد لكنه شد عليها يهمس عند اذنها:اوعك تتركيني
فتح باب السيارة يمد يده ياخذ فروته لانه حس بارتجافها يسكر الباب يقرب من السيارة يحررها من بين يدينه لكنها واقفة قدامه يحاصرها لجل ما تبتعد عنه،لبس فروته يفتحها يلف وريد بالفروة بحضنه يسكر عليها جناحاته ترفع يدينها تحاوطه تسمع دقات قلبه لان راسها على صدره تصدق كلامه
جلس عساف على الحجرة الكبيرة يجلسها على فخذه وهي بحضنه ينزل نظره لها مختفية بحضنه من حجمها،ابتسم بهدوء ترفع راسها وريد ترتبك من نظراتها للحين زعلانه منه لكنها بترتاح بحضنه تفهم انه ماله علاقة بكل اللي حصل إنما لجل ينقذها للزيت
ناظرها عساف ينطق وهو يبتسم:سبحان اللي سواك عيونك مع الظلام صارو هلاكي
نزلت راسها بخجل تضرب ظهره يضحك عساف تعض شفتها وريد مب صاحي هم يتهاوشون ويتفاهمون وهو يتغزل،غرس راسه بين عنقها وكتفها يغمض عيونه يتنهد بهدوء،يدري انها للحين زعلانة لكن بيحاولها لحد ما ترضى ما بيتركها،المهم الحين انها بحضنه،غمضت عيونها وريد تسند راسها على صدره ترتاح شوي تسمع نبض قلبه و قلبها ترتبك لكنها مرتاحة وكثير ولو ان جزء منها ينفر~
