الفندق~
دخلوا الجناح بهدوء،توجه رائد يجلس بتعب على الكنبة ناظرته ريفال ينطق:اغراضك داخل! هزت راسها تنحني تمسك فستانها من قدام تدخل للغرفة اللي أشر عليها رائد تناظر شنتة أغراضها اخذت ملابسها تدخل الحمام تاخذ لها شاور بسرعة تطلع ترطب جسمها وتتعطر تلبس بجامتها شورت قصير مع بلوزة بحمالات خفيفة و من عند الصدر دانتيل،وقفت قدام التسريحة تنشف شعرها وتحط مسكارة وبلشر ومرطب شفايف بلون طلعت تناظر رائد جالس ب بجامته يقلب بجواله يرد على التبريكات لحد ما تطلع،ناظرها من وصلت له ريحة عطرها تلين ملامحها وتقدمت ريفال تجلس جنبه بتوتر
ابتسم رائد على شكلها ينطق بهمس:كل شوي تزيدين حلاوة! توردت ملامحها تشتت نظرها و وقف رائد وهو يضحك بخفة على خجلها ياخذ الطلب من الموظف يدخل ويسكر الباب،حط الاكل قدامهم ياكل بهدوء يناظر يدها ترجف وقف بعد مدة ينطق:بطلع شوي وارجعلك! ناظرته تهز راسها بهدوء وطلع رائد مو الجناح يتركها تاخذ راحتها بالأكل يوقف تحت يحاسب من بدري على الحجوزات
خلصت ريفال أكلها توقف ترتب المكان تشغل الإضاءة الخفيفة تدخل للغرفة ترش عطرها وتنسدح على السرير بتعب،دخل رائد الجناح يناظر الصالة فاضية وعرف انها دخلت تنام طفى النور
يتوجه للغرفة دخل يسكر الباب ينسدح جنبها يمد يده يطفي الضو،مد يده لخصرها يقربها منه وسندت ريفال راسها على كتف رائد بهدوء،نطقت بتوتر من حست بيد رائد تتمادى بجسدها:رائد!
ضحك بهدوء يرفع يده عنها ينطق:خلاص ما بسوي شي نامي! شد عليها بحضنه وهم متفقين اول ليلة ما يصير بينهم شي لجل توتر وخوف ريفال منه
نزل نظره يناظر انفاسها منتظمة دليل نومها وسرعان ما غمض عيونه بتعب يلحقها وينام~
~
8:30ص~
جالسين على الطاولة يفطرون بهدوء،استغرب عساف وجودها وهو يعرف انها تحب الصباح عقد حجاجه يناظرهم
نطق الليث:وريد تحب الصباح ليه مب صاحية للحين؟ نطق راجح بهدوء:اكيد تعبانة من امس! هزو رأسهم بتأييد لكلامه،جلست رتيل بنعس تنطق وهي شوي وتبكي من لاما:بنام حد ياخذها من عندي! ضحكوا على شكلها تنطق لاما بروقان:حبيبي صحصحي يكفيكِ نوم! ناظرتها رتيل بقهر وهي تسند راسها على ذراع فزاع بجانبها تغمض عيونها بخفة تنطق بهمس:الله لا ياخذك يا لاما! ابتسم فزاع على همسها يناظر لاما بهدوء ويرجع يصد عنها من نطق غيث:طيارة رائد بكرا الصباح لجل يسافرون! هزت راسها نجلاء ورائد مبارح ودعهم لجل يسافر اليوم:درب السلامة!
نطق فهد بتذمر:زوجوني!
نطقت نجلاء:أشر واتخير ومعليك! ضحك فهد بهدوء وناظره فزاع يهز راسه بقل حيلة من تصرفاته~
جلسوا على الكنب بعد ما انتهوا من فطورهم،جالس وسطهم عاقد حجاجه ينتظر نزولها على أحر من الجمر مب متعود يكون الصباح و ما تنزل،ناظره راجح سرحان وهو يصد عنه من نزلت وريد من الدرج يعقد حجاجه ينطق بخوف:وش فيك يبوي؟ رفع عيونه عساف يناظرها تزيد عقدة حجاجه بخوف من شكلها انفها وخدودها وتحت عيونها باللون الاحمر والواضح انها مريضة،جلست وريد بعد ما صبحت عليهم ونطقت نجلاء وهي توقف تقيس حرارتها:وش فيك يامي بسم الله عليك!
ابتسمت وريد بتعب تنطق ببحة لان صوتها مبحوح:صحيت الصباح على هالمنظر،مرضت!
نطقت هالة:بسم الله عليك يامي بسم الله عليك الحين اجيب لك فطور تفطرين لجل تاخذين مسكن! هزت راسها وريد بالنفي ما تقدر تاخذ مسكنات لجل وضعها:مالي نفس شكراً
نطق الليث:اوديك المستشفى؟
هزات راسها وريد بالنفي توقف من حست بوجع ببطنها:بطلع ارتاح نزلت لجل ما تخافون علي،هزوا رأسهم يناظرونها تطلع الدرج بتعب واضح
نطقت نجلاء:عين وصابتها بسم الله عليها، عقد حجاجه عساف يطلع خلفها بيعرف وش فيها البارح ما كان فيها شي~
دخلت جناحها تسكر الباب خلفها عقدت حجاجها تتمسك بالتسريحة قدامها من داخت، طلعت آه خفيفة من جوفها وهي تحس بطنها تتقطع من وجعها،انحنت بوجع تبكي بقوة وهي تعض شفتها تمنع شهقاتها تغمض عيونها بقوة من وجعها،همست بضعف:يارب يارب! لها شهر وشوي ما عملت العملية ونتائجها قوية عليها،دخل جناحها من غير ما يدق الباب كالعادة يعقد حجاجه بخوف يناظرها منحنية ومغمض عيونها بقوة تبكي،ركض لها يمسكها وينطق بخوف:وش فيك وش يوجعك انطقي
ما ردت وريد وصرخت بخفة من وجعها وهي تون بخفيف وتبكي بقوة تمسكت بيده تشد عليه تنطق بهمس نتيجة وجعها:بموت اهه بطني
ناظرها عساف وهي تهمس بكلام مب مفهوم وسرعان ما اغمى عليها يحملها عساف بخوف يحطها على السرير يتصل على الدكتور،نزل تحت ركض يناظر امه ينطق:وريد أغمى عليها اطلعي لها! شهقت هالة ونجلاء يطلعون لها بسرعه ولحقتهم شادن و غند
نطق راجح:وش فيها؟
رفع عساف اكتافه بعدم معرفة:مدري فجأة اغمى عليها
توجه للباب من دخلت الخدامه ميري تخبرهم بوصول الدكتور،طلع معه يدخله لغرفة وريد يعقد حجاجه الدكتور بغضب يدخل الغرفة ويسكر الباب يمنع حد يدخل،وقف عساف بغضب منه وهو يهدي نفسه من طلع الليث وراجح وذياب وغيث يجلسون بصالة الجناح مع نجلاء وهالة وشادن وغند ينتظرون الدكتور يطلع يطمنهم~
_بالغرفة_
دخل الدكتور الغرفة يناظرها تفتح عيونها بخفة جلس يفحص بها ونطق:تعرضتي لبرد؟
هزت راسها وريد تنطق ببحة:اي!
ناظرها الدكتور يعصب غصب عنه بسبب اهمالها بنفسها:وريد انتي دكتورة المفروض تكونين اوعى من كذا ما يصير يا بابا تهملين صحتك للدرجة ذي! ناظرته وريد بهدوء تهز راسها ومد يده الدكتور يحط لها كمادة تنزل حرارتها ويوقف بعد ما ناظرها وتنهد بخفة،ناظرهم واقفين على الباب ونطق بهدوء:تعرضت لبرد مافيها شي!
ناظره عساف بغضب ينطق:دكتور تمزح معنا انت المرا اللي فاتت تقول سوء تغذية واليوم تقول تعرضت لبرد! ناظره الدكتور يعذره ونطق بهدوء يطمنه:تقدر تراجع عند دكتور ثاني بيحكي لك نفس الكلام تعرضت لبرد وارتفعت حرارتها ومغصها بطنها بس! ناظره عساف يزفر بغضب يأشر له يطلع وطلع خلفه عساف،دخلت نجلاء الغرفة ما تدري شلون تحكي معها و وريد عنيدة مب راضية تسمع لكلامهم:يامي ليه كذا تهملين نفسك! ناظرتها وريد بهدوء ما تدري وش تحكي لها
نطقت هالة بهدوء من فهمت رغبة وريد بالجلوس لوحدها:خلينا نتركها لوحدها ترتاح! تنهدت نجلاء تتقدم تبوس راسها وتسمي عليها تطلع تغادر الغرفة تبقى وريد لوحدها،
غمضت عيونها وهي بطنها للحين توجعها ولكن مب قادرة تحكي شي عن مرضها وهي تلاحظ خوفهم عليها،
زفرت بهدوء همّ كبير على قلبها شلون بتحكي لهم غمضت عيونها بتعب ومالها خلق اسوي اي شي،فتحت عيونها تعتدل بجلستها من دخل عساف من غير مايدق الباب يتوجه يجلس قدامها بغضب،ناظر عيونها التعبانة يكره يشوفها بالذبول ذا يكره يشوف ضعفها نطق بعتاب:ليه؟ ناظرته ترفع اكتافها بعدم معرفة وتنهد عساف ينطق بغضب واضح من نبرته:اهملتي صحتك وكثير وش يعني تفقدين وعيك كل يوم والثاني مرا سوء تغذية ومرا ماخذه برد وش باقي يا بنت سعود!
تنهدت وريد تكره العتاب وبالذات منه ترفع اكتافها تنطق:مدري
تنهد يناظر محاجرها وشتت نظرها وريد عنه تغطي وجهها كثير الشعور عليها وعلى قلبها تنهد عساف يتقدم يجلس قدامها مباشرة يضمها بهدوء ينطق بهمس:صار واجب تكونين ببيتي وتحت سقفي!
ما بادلته وريد الحضن يبتعد عنها عساف يتنهد وينطق بهدوء يناظر عيونها:الزواج الجمعة الجاية ان قلتي اي وان قلتي لا يكفي عاد
ناظرتها وريد بصدمة تنطق بعدم وعي:مابي مب جاهزة لمسؤليات اكبر من عمري لل..قاطعها ينطق بنفاذ صبر:ما بقدر اتحمل أكثر من كذا يكفي مصخرة الزواج يوم الجمعة أمرك ما اشاورك،ناظرته وريد بذهول وهي مب جالسة تستوعب جملته"أمرك ما اشاورك" اذا كذا تصرفاته معها قبل الزواج شلون بعده نطقت بعدم وعي:مابيك يخي افهم مابي اسمي ينربط ب اسمك ان..قاطعها يحط يده على ثغرها ينطق بغضب يناظر عيونها:ألا تبيني لا تكذبين على نفسك الجمعة موعدنا وبنزل الحين أخبر الجميع يكون بعلمك،ناظرته وريد تنطق بهمس:مابي زواج مابي اتزوج مابي اتحمل مسؤليات مابي انشغل بشي ويكون لي نقطة ضعف اخاف افقدها مابيك
ناظرها تلين ملامحه من آخر كلمة"ما ابيك"ينطق بعدم وعي:ما تبيني؟ هزت راسها وريد تشتت نظرها ما تناظر عيونه وابتسم عساف بسخرية ينطق وهو يوقف:بس انا ابيك الجمعة موعدنا تجهزي على هالاساس!طلع يغادر الجناح يسكر الباب خلفه بقوة يترك وريد لوحدها تبكي من كلمته"بس انا ابيك"متأكدة من شعوره تجاهها و شعورها تجاهه بس ماتبيه ماتبي تعيش على خوف انها تفقده او خوف ان بروق تأخذه منها لأنها تحبه،زفرت تغطي وجهها تبكي تنضغط كثير هالفترا وما يعجبها هالشي بكت وبكت وسرعان ما نامت من تعبها~
