دخلت الصالة تتأفف بملل تناظر هداج جالس وماسك ايباده
جلست قدامه بملل تنطق:هداج!
أشر لها يبتسم تُصبر شوي لانه جالس يشيك على الاحذية والفساتين اللي بتطلع من السعودية للندن
عبست ملامحها توقف تخرج من الصالة توقف بساحة الفيلا تناظر شجر الصفصاف والاوكتوليا وشجر النخل ،ابتسمت بوسع تشوف نبتة الترادسكانتا اللي مزروعة بكثرة،مشت لعندها بهدوء تناظر الاوانها الجذابة لمستها بيدها تتحسس نعومة أوراقها رفعت نفسها تحس ببرودة الهواء تلفحها رغم انها لابسة طقم بنفسجي ثقيل،مشت تتفتل بالحديقة بتسم بهدوء تشوف جمالها والتماثيل باللون الابيض موجودة بكثرة بالساحة الخلفية للفيلا عند المسبح،جلست على طرف النافورة تمد يدها تلمس الموية تسرح بتفيكرها بهدوء جاهلة عن اللي واقف متكتف وميّل راسه يتأملها،زفر يتنهد بهدوء يمشي لعندها يشوفها سرحانة بتفيكرها لدرجة ما حست فيه
جلس خلفها يمد يده يحاوطها يقربها منه يثبت دقنه على كتفها يهمس بهدوء يطلع يدها من الموية يمسحها ويدفيها بكفه من برودة الموية:رتيل
صحصحت من سرحانها تتوسع عيونها بذهول من حاوطها تبلع ريقها بتوتر تنطق بنفس نبرته:هلا
شد عليها يدخلها بحضنه من برودة الجو ينطق يناظر النافورة قدامه وحوله نبتات البيوتي
والترادسكانتا:تعرفين اني مشغول بالاجتماع وبتحضيره و..قاطعته من نطقت بهدوء:ما اشتكيت لك! زفر يبوس كتفها ينطق:طيب لا تزعلين،بتستلمين قسم الفساتين بباريس
هزت راسها من غير رد،زفر هداج يفلت يدينه منها يلفها عليه يهمس يناظر عيونها:رتيل
تنهدت تبتسم بهدوء تغمض عيونها تطمنه تنطق:مب متضايقة بالعكس فخورة فيك!
ابتسم بوسع يناظر عيونها أعجبه ردها وجداً تقصد ان انجازاته وصلت باريس،حاوط وجهها ينطق:يلوموني بحبك ياخي
ضحكت بهدوء رغم خجلها الواضح منه
ناظرها يضمها له يغرس راسه بشعرها تغمض عيونها رتيل بمشاعر كثير بداخلها،بعد عنها يوقف يمسك يدها يبتسم يناظرها:جعت تعالي نطبخ
وقفت معه تبتسم تعض شفتها تناظره يمشي قدامها ومرجع يده للخلف يحاوط كفها يسحبها معه يمشي قبلها وهي خلفه،دخلوا المطبخ يترك هداج يدها ينطق وهو يناظرها:مكرونة؟
هزت راسها بهدوء تمشي تطلع الأغراض التفتت تناظر هداج تنطق:بنسوي سلطة سيزر تعرف تقطع خُضار؟
هز راسه ينطق:ابشري!
ابتسمت بهدوء تلتفت تسلق المكرونة وصدور الدجاج، والتفتت تتكتف تناظر هداج اللي طلع الخُضار يغسلها ويجلس على الطاولة يبدأ يقطعها
تنهدت تلتفت تحرك المكرونة وتحضر باقي الأشياء
ناظرها هداج ينطق بخبث:رتيل!
نطقت وهي لافة وجهها عنه:هلا
نطق بهدوء:تعالي
التفتت تناظره باستغراب تمشي لعنده تنطق تناظر الخُضار:في شي ما عرفت تسويه؟
ناظرها يبتسم بخبث يمد يده يسحبها من يدها بقوة تجلس بحضنه رتيل تناظره بصدمة من حركته تتوتر،نطق هداج يمد يدينه من قدامه كأنه محاوطها يكمل تقطيع الخُضار ينطق بمكر:لا بس اشتقت
بلعت ريقها بتوتر تنزل راسها للاسفل بخجل كبير منه،بلعت ريقها بتوتر تنطق بهمس:هداج بقوم
هز راسه بالنفي من غير رد مبسوط وجداً،ناظرته رتيل تنطق بهمس متوتر:المكرونة بتنحرق
ناظرها هداج يتنهد بهدوء يميل راسه يبوس خدها تزم شفايفها رتيل بتوتر
حررها من حضنه توقف رتيل بخجل كبير تمشي توطي النار على المكرونة تضيف عليها المكونات بيدين راجفة من خوفها وتوترها،ناظرها هداج من خلص تقطيع الخُضار يلاحظ رجفة يدينها ما يعجبه خجلها الزايد عن حده وهو انسان جريء جداً،وقف يمشي لها يوقف خلفها مباشرة يحاوطها يثبت دقنه على كتفه يناظرها تضيف المكونات على المكرونه،ناظر يدينها الراجفة يمد يده يحاوطهم بهدوء،توترت رتيل تبلع ريقها ما تتحمل حركاته ابداً من خجلها تتمنى الأرض تنشق وتبلعها نطقت بتوتر:يا هداج بمشي
زفر ينطق:ما بتركك لا تحاولين،امشي
مشت بثقل لانه محاوطها تزفر بتبكي منه،ضحك هداج يلاحظ زمة شفايفها و وجهها باللون الاحمر يبعد عنها يشوفها ما تناظره ينطق:بشويش على نفسك
ناظرته تعبس ملامحها تنطق:حيوان
ضحك بذهول تتوسع ملامحه ينطق وهو يتقدم لها:ايش؟
ما ردت تشتت نظرها عنه ينطق هداج يمسح وجهه يشوفها بتبكي ينطق:تموني يا اخت عساف وحَرم هداج!
ناظرته تنطق ببكا:بحكي له عنك!
ضحك يرفع يدينه بمعنى ما بسوي شي يجلس على الطاولة يناظرها تتحرك نزل نظره للايباد يكمل شغله،تكمل رتيل شغلها
حطت الصحون على الطاولة يرفع راسه هداج يناظرها يضحك بهدوء للحين وجهها احمر،جلست بعد ما حطت العصير تبدأ تاكل بهدوء تحاول تتجاهل نظراته
نطقت بتوتر غاضب:لا تناظرني
ضحك ينطق بمزح:يشيخة
رفعت نظرها له يأشر على ثمه كأنه يخيطه يبدأ ياكل تكمل رتيل اكلها تلاحظ نظراته اللي للحين يسرقها لها
نطق هداج من انتهى:تطلعين معي؟
ناظرته تهمس:وين؟
ضحك من حركاتها ينطق:البسي وتعالي بستناك بالصالة! طلع من المطبخ ياخذ ايباده معه،طلعت بعد ما رتبت المطبخ ناظرته جالس والايباد بحضنه ومبدل ملابسه،طلعت الدرج من رفع نظره لها يبتسم هداج يهز راسه بقل حيلة يكمل شغله،دخلو الغرفة تتوجه للدولاب تطلع لها بنطلون بيج مزموم من عند الخصر و واسع من بعده وبلوزة قصيرة للخصر باللون الاخضر الزيتي مكشوف عنقها وكتوفها،لبست فوقهم جاكيت طويل باللون الابيض عليه فرو من الأعلى باللون الرمادي،وقفت قدام التسريحة ترطب وجهها تحط ميكب خفيف وروج باللون النود ترش من عطرها تلف شالتها باللون الاسود،اخذت شنطتها باللون الرمادي تطلع من الغرفة تنزل الدرج
رفع راسه يناظرها يبتسم بهدوء يوقف ياخذ جواله ومفتاح السيارة يطلع وهي خلفه،ركبوا السيارة يضحك هداج بهدوء تهمس رتيل تناظر يدينها:لو سمحت هداج يكفي يعني
مد يده وهو يضحك يكبس بشاشة السيارة يحط اغنية لراشد الماجد_مابي اسمع رجاوي_ابتسمت بوسع من مقدمة الاغنية اللي لمست قلبها مباشرة،ناظرها هداج يمد يده يفتح سقف السيارة لان الجو حلو نوعاً ما رغم الهواء البارد،ابتسمت رتيل ترفع راسها تناظر الغيوم البيضا الواضحة رغم ظلام الليل،
ناظرها هداج يغمز لها ينطق:لحظة ولا بالخيال صح؟
ناظرته تهز راسها ب اي بهدوء يضحك هداج يسرع بالسيارة تتمسك رتيل بكفة بقوة،وقف عند الكوفي ياخذ اسبريسو له وماتشا وماكرون لرتيل،ركب السيارة يمد لرتيل أغراضها تأخذهم تبتسم بهدوء
نطق هداج يشرب من الاسبريسو يمشي بشوارع باريس تصور رتيل:تبغين نروح مكان ولا نرجع الفيلا؟
ناظرته تنطق بهدوء لانها بردت:برجع الفيلا
هز راسه بهدوء يمشي بطريقه الفيلا،
نزلوا تدخل رتيل مُسرعة للفيلا من البرد اللي دخل عظامها،نزل خلفها هداج يدخل الفيلا ناظر الصالة خالية يطلع للغرفة،دخل يناظرها واقفة وضامة يدينها لها ولابسة الجاكيت للحين،ضحك يتوجه للمكيف يرفع درجة حرارته التفت لرتيل يناظرها تنزع شالتها و الجاكيت حقها،بلع ريقه من شكلها البدي اللي مفصل جسدها من الأعلى عاري الأكتاف،رفعت نظرها رتيل له تعض شفتها بتوتر تتجاهل نظراته تتوجه للتسريحة ترفع شعرها بفرشة الميكب،نزع جاكيته هداج يناظرها مشى لها بهدوء يوقف خلفها مباشرة ينحني يهمس عند اذنها:حلوة
عضت شفتها بتوتر من همسه وقربه تجمد ملامحها من حست بيده على خصرها يحاوطه يقربها منه،غرس راسه بعنقها يغمض عيونه من نعومته يبلع ريقه ارتفع نبض قلبه بحب وشعور غريب عليه لأول مرا يحضن أنثى غير لاما،لأول مرا يشمّ ريحة عطر على العنق وما تخيل حلاوة الريحة بهالشكل
ارتفع نبض قلبها بتوتر وخوف تمد يدها لشعره من الخلف يرتخي جسد هداج بحضنها،غمضت عيونها بقوة تعبس ملامحها من حست فيه يقبّل عنقها همست بتوتر راجف:هداج
فتح عيونه يسمع نبرتها يبلع ريقه مب قادر يسيطر على مشاعره ابداً،رفع راسها لكنه للحين محاوط خصرها و ظهرها يناظر عيونها يهمس:ذبحتني حي قدامي ولا اقدر اقرب منك،حَرمي بالاسم فقط يا رتيل عضت شفتها تنطق بهمس بنبرة راجفة:هداج
ناظرها يزفر بهدوء يضمها بقوة ينطق:على الاقل ضميني بس
بلعت ريقها ترفع يدينها تحاوط عنقه توقف على أصابع رجولها لجل طوله ينزل راسه هداج لكتفها،شدها له أكثر تلصق رتيل فيه يغمض عيونه ويفتحها يستنشق عبيرها اللي ما كان الا زيادة لدماره،رفعها يحملها بين يدينه يمشي بها للسرير
بردت ملامح رتيل تتمسك بعنقه بقوة تحس فيه يمشي
انسدح هداج على السرير و ورتيل على صدره يضمها له بقوة
همست رتيل بخوف واضح:هداج
همس بتوهان شديد يشد على خصرها:ما بسوي شي! هزت راسها بهدوء تسند راسها على صدره ترمش بتكرار تناظر الفراغ قدامهم تسمع دقات قلبه العالية يزيد توترها،نطق هداج يحاول يتناسى رغبته:اليوم زواج فهد
هزت راسها تنطق تتساير معه:كنت بحضره
ابتسم بهدوء ينطق:مب مشكله
تنهدت بهدوء ورفعت راسها تناظره تنطق:نجود بتزعل مد يده لشعرها يشيل الفرشة منه ينسدل على كتفها ينطق بابتسامه يشيل خصلة تمردت على وجهها:مردها بترضى
توترت تبلع ريقها تهز راسها بهدوء تناظر عيونه ترمش بتكرار
تسمع دقات قلبها و قلبه العالية ترتبك بشعور غريب جداً،رفعها هداج له يناظر عيونها يسند جبينه على جبينها ينطق:رتيل
هزت راسها بالنفي رفض لفكرته يقرب هداج راسه من راسها يلمس ارنبة انفها ب ارنبه انفه يحركه تغمض عيونه بقوة،همست بخوف:هداج لا
زفر ينطق:ذبحتني دمرتيني بحلاكِ
فتحت عيونها تبعد راسها عنه تحاول تبعد عنه لكن ثبتها تزفر بغضب تدفن راسها بصدره تضرب كتفه
ابتسم يدخل يده من تحت البدي يلمس خصرها يرسم ملامحه بيده، يقشعر جسد رتيل بتوتر يعلو صدرها ويهبط،همس يحس بتسارع انفاسها:لا تخافين يا حَرمي
وسعت عيونها من قلب وضعيتهم ينسدح على جنبه"خصره" وهي بحضنه يغرس راسه بنحرها ترفع راسها رتيل بتوتر،غمض عيونه ينام يدفن رغبته معه،حاوطت كتوفه بتوتر ترفع يدها لشعره تخلل اصابعها فيه تغمض عيونه تلحقه وتنام بخوف وتوتر كبير بداخلها~
