واقفة لاما على الشباك تفكر شلون بتحكي مع بروق لجل تبعد عنهم ناظرت جوالها تفتحه تشوف فيديو بروق تتكلم صوت و صورة مع شخص بطريقة مب ولابد بتأدبها به ما بتتركها تخرب حياة وريد وقت بدأت تستقر وتتخطى احتدت ملامحها من شافتها واقفة بالساحة الخارجية تكلم بجوالها مشت تلبس جلالها بغضب وتنزل لها،طلعت من الصالة تناظرها فاضية وهي تكمل مشيها بعدم اهتمام تمشي لبروق وقفت خلفها تسمعها تضحك بدلع وتنطق
"تمام يحب على موعدنا" فار دمها توقف خلفها تمد يدها لكتفها تلفها عليها تنطق بغضب:قليلة ادب
رفعت يدها تضربها كف بقوة ناظرتها بروق ما تستوعب شي صرخت بخفة من ضربتها لاما كف وهي تناظرها بحدة:اكسرها لك يا زفت الطين
احتدت ملامح لاما تقرب لها تنطق بغضب من بين اسنانها:ابعدي عن عساف ولا وربي خالد"ابو بروق"يعرف عن سواياك لعنبو دارك الرجال عايفك وانتي تركضين وراه نفس كلبة التابلو يا عديمة الكرامة
ناظرتها بروق تبرد ملامحها بصدمة من كلامها بتحكي لابوها لجل يذبحها كملت لاما تناظر ملامحها وهي تطلع جوالها توريها الفيديو:وربي يا بروق برسالة وحدة انهي حياتك ما يرف لي جفن عليك
بكت بروق بصدمة تسمع حديثهم القذر واللي كله غزل وهي تتكلم معه صورة من غير عباية وشال رفعت نظرها تنطق بدموع:ابعدي عني مالك دخل
تقدمت لاما لها اكثر تنطق وهي تضرب راسها ب اصبعها بغضب:ابعدي عن وريد وعساف تعتذرين لعساف اليوم عن سواتك مبارح ولا الفيديو يصل لخالد وشادن وانتي عارفة وش يعني سمعة عند شادن وخالد آل حزام حذرتك يا بروق احفظي باقي كرامتك وانقلعي عن حياته رح تشوفيني قدامك لو قربتي لهم
ناظرتها بحدة ترمقها بنظره قرف تتركها تدخل الشالية بغضب،جلست بروق على الأرض تبكي بقوة هي انتهت انكشفت سواتها هي تركض ورا المال مب مهتمة لشي ماخذه الدنيا بطولها وعرضها نزلت راسها تستوعب انها باعت نفسها لناس قذرة وش بيصير فيها لو عرف فراس او خالد هزت راسها بالنفي بخوف من فكرة انهم يذبحونها بكت بخوف وهي تشتم نفسها بقوة وكره لذاتها،وقفت بعد موجة بكاء طويلة تدخل لغرفتها بسرعة لجل ما تقابل حد بطريقها جلست على السرير تدفن راسها بالمخدة تبكي بخوف وهي تدعي على لاما شلون كشفتها، ذي بروق تفكر فقط بالمال بعدم اهتمام للجميع وتعمل كل شي غلط والحين جالسة تعيش بخوف نتيجة سواتها استوعبت انها ارخصت نفسها وكرامتها لجل عساف اللي بكل مرا يرفضها بطريقة أقوى من اللي قبلها بكت بخوف ورعب وندم على كل شي ينتهي بها المطاف تنام وهي تشهق بخفة~
~
جالس ب الصالة يتذكر مبارح يندم على ضمته لها واكيد بتتمادى معه اكثر من كذا زفر يغضب يشد شعره
والتفتت من نطق راجح بهدوء:بشويش بشويش وش فيك؟
ناظره عساف ينطق بسخرية:وعليكم السلام يا راجح! ابتسم راجح ينطق بعدم اهتمام:وش فيك؟
هز راسه عساف بمعنى ولاشي ناظره راجح ينطق يجس نبضه:للحين وريد ما نزلت؟
هز راسه بالنفي عساف ينطق راجح ب استغراب:غريبة!
ناظره عساف يفهم مقصده يطلع بشوفها لكنه ما بيطلع:خلصني راجح وش ودك؟
ابتسم راجح ينطق:ولاشي سلامتك!
ناظره عساف بسخرية يصد عنه يناظر نجلاء وذياب وهالة اللي جلسوا بعد ما صبحوا عليهم وقف بملل يطلع لغرفته
ناظره ذياب يتنهد:للحين ما حدد الزواج؟
رفع حاجبه راجح بمعنى لا
نجلاء بابتسامه:ماعليه هم يحددون الوقت اللي يناسبهم! وقفوا غند وهالة يتوجهون للمطبخ يحضرون الفطور~
