اسبوع يعتبر هادىء
*عساف رجع لشغله من ثاني يوم رجع القصر من غير ما يودع حد ولا يودعها لانه محتاج يبعد لجل ما يكفر بشادن لانه يتذكر دموعها وبكاها قدامه بالمرتين والثنتين سببهم شادن.
*وريد رجعت لشغلها من ثاني يوم رجعت القصر برضوا،ما تسمح لحد يشوفها تطلع بدري على الساعة 5 الفجر وترجع متأخر على الساعة 12 حاولت تضغط نفسها بالاشغال قدر المستطاع وكانت تاخذ مناوبات ليل ونهار المهم ما ترجع وتقابل شادن لحد ما ترجع لقوتها قبل.
*فهد انشغل بمطعمه والاصناف الجديدة اللي يحضرها،تناسى موضوع نجود وهو ماله خلق يصير له مثل عساف.
*رائد خطب ريفال رسمي من غير حفلة مجرد اجتماع عائلي بينهم وطبعا من غير وريد و عساف والاكيد انه عاذرهم،زواجه بعد اسبوع لانه مب قادر يصبر لوقت ما تصير عنده و ب بيته.
*الليث مشغول بالشركة ومب فاضي ابداً
*رتيل ولاما يقررون يفتحون بوتيك لجل يتسلون فيه
*فارس و بروق وشادن لهم مدة هاديين ويدعون ربهم ان يستمر هذا الهدوء لأنهم تعبوا من مشاكلهم فعلياَ~
~
طلعت من العملية وذي ثالث عملية لليوم تعبت ولكنها مب متذمرة على هالشي لانها تعشق عملها،بالأسبوع ذا قدرت ترجع وريد القديمة واحسن بعد،اختفت هالاتها وتحسنت نفسيتها كثير،صارت ما تقابل شادن ولو قابلت شادن بتعرف تتصرف معها،رفعت راسها تناظر الساعة 12:30م وقفت تتوجه تطلع من المكتب تتوجه لسيارتها،ركبت وهي تتوجه بطريقها للقصر وكالعادة تدعي ما تصادف حد،وقفت سيارتها ونزلت وهي تناظر القصر هادىء كالعادة،دخلت بهدوء تتوجه لجناحها،انسدحت على السرير بتعب ومسكت جوالها تناظره خالي من الاشعارات محد سأل عنها لهدرجة متناسيين وجودها،حتى عساف مب لاقية منه رسالة هي ما تنتظر منه شي ولكن يقدر يتطمن عليها،زفرت بعدم اهتمام وهي ما بتجلس معه اكثر من شهرين لجل التهديد فقط،طفت الضو من جنبها تنسدح تنام تغط بنومها بعدم اهتمام لشي~
~
10ص
جالس بالصالة وماسك جواله يناظر الرسائل اللي تصل لجواله
"وشلون حلوتنا؟"
عقد حجاجه بغضب من غير ما يرد عليهم،سكر جواله يحطه على الكنبة ويقوم يتوجه لمكتبه متناسي اللي جالسة جنبه وتناظر معه،
كانت بروق جالسة وتقلب بجوالها وتسرق النظر لراجح كل شوي فضولها بيقلتها بتعرف وش جالس يناظر بجواله اللي مخليه عاقد حجاجه والواضح انه عصب
التفتت تناظره من قام تارك جواله،ناظرت حولها بهدوء وهي تمد يدها تاخذ جواله تقلب فيه،فتحت على محادثة غريبة وهي تقرأ الرسائل وكلها كلام قذر ناظرت الفيديو وسرعان ما جمد وجهها من فتحته تناظر وريد وشخص يحاول يعتدي عليها،ابتسمت بخفيف وهي تصور المحادثات و تبعث الفيديو لها،سكرت جوال راجح ترجعه مكانه وتقوم تطلع لجناحها هي وامها،جلست على السرير وهي ماسكة جوالها وتضرب بيدها عليه:هذا اللي بيجيبلي عساف!
فتحت جوالها تقص الفيديو تترك فقط مقطع الشخص وهو يقبل وريد وهي حاطة يده على صدره لجل تدفه ولكن الواضح بالفيديو انها ماسكته، التفتت تناظر الغرفة حولها ونزلت راسها تدور رقم عساف اللي حافظته من سنين على أمل تحكي معه ولكن ماصار نصيب وبنظرها رح تحكي معه كثير من اليوم و رايح،
بعثت صور المحادثات اللي فقط من الشخص وكلها كلان غزل بوريد والفيديو وهي تكتب تحت الفيديو
"زوجتك المصونة"
سكرت جوالها وهي تضحك بسخرية وتنتظر على أحر من الجمر يتطلقون،انسدحت على السرير تحط الجوال على صدرها وهي تفكر بعشق كذبي وتبني احلام مع عساف، تتمنى تكون الحين مع عساف او قريب منه لجل تناظر ملامح وجهه وقت يشوف الفيديو~
