9:30م~
نزلت الدرج تناظر رائد وريفال ورتيل وفهد وهداج جالسين:السلام عليكم
ردو عليها السلام تجلس وريد بالكنبة المفردة تناظر ريفال من نطقت:ليه ما نزلتي تفطرين الصباح؟ ابتسمت وريد بهدوء:كنت نايمة!
هزت راسها ريفال بتفهم ينطق هداج:لو ولد العم هِنا ما هذا حالك،شفيك افرديها!
ضحكت وريد بهدوء تشتت نظرها عنهم تنطق رتيل بابتسامه:الله يرجعه سالم
آمنوا على دعائها ،التفت رائد يناظر ريفال اللي تاكل فراولة من غير توقف:بشويش!
ناظرته ريفال ترفع اكتافها وهي تاكل:لذيذة!
ضحكوا من ضحك رائد تنطق وريد:صحة!
ابتسمت ريفال تاكل:على قلبك!
نطق هداج بملل من جوهم:نلعب لعبة؟
ناظروه ينطق فهد بمزح:يشيخ حلَّ عني مالي خلق العب
ناظره هداج يكشر ملامحه ينطق:وانتَ مين قال لك تلعب؟
ضحكوا على ملامح فهد اللي ضحك يغطي وجهه يهز راسه باسى
نطقت وريد وهي تعتدل بجلستها:نطلع للحوش؟
ناظروها ونطقت رتيل بابتسامه:نعمل هوت شوكلت ورائد يعزف لنا،الله
ضحك هداج يناظرها وصد لرائد اللي نطق:هيا!
طلعوا للحوش يجلسون بالجلسة الأرضية بعد ما رتيل طلبت الشغالة تعمل لهم هوت شوكلت وحلا، ابتسم رائد يجلس وبحضنه العود ينطق بهدوء:وش تبون نعزف؟ ناظره فهد ينطق:اي شي!
هز راسه بهدوء يبدأ يحرك اناملة بخفة على العود تناظره ريفال تبتسم وهي تشبك يدينها ببعض تتأمله بحب واضح على عيونها رفع نظره رائد لها يبتسم وهو يعزف
يناظر هداج رتيل سرحانة بالأرض وتفكر وصد عنها يبلع ريقه
سرح فهد يفكر بنجوده و وضعهم،ناظرت حالهم وريد تبتسم بهدوء تلاحظ نظرات هداج لرتيل وهي تصد عنهم تتنهد بهدوء تسمع رائد يعزف ملحونة_عيني انا بعينها_لخالد عبد الرحمن تسرح بتفيكرها للبعيد الموجود فيها عساف لها ٣ ايام ما شافته ولا تكلمت معه تحس بنقص بيومها لانه مب موجود تعودت عليه لدرجة كبيرة تحس بوحشة كبيرة بالغرفة لوحدها زفرت بخفة ترفع نظرها تناظر فهد من صفق:تسلم اناملك!
ضحك رائد بامتنان يناظر ريفال يبتسم لها بهدوء يغمز ويصد عنها يناظر هداج يمدحه
توردت ملامح ريفال من غمز لها تنزل نظرها للاسفل
ضحكت وريد تسمع مديح هداج المبالغ فيه لرائد
نطق هداج بضحك:يشيخ باخذك بيوم تعزف لي وانا بالقارب
ناظرته رتيل وصدت عنه من ناظرها يضحك عضت شفتها تمنع ابتسامتها
نطقت وريد:قارب؟
ناظرها هداج ينطق بهدوء:قبطان!
ابتسمت وريد بإعجاب تهمس:ماشاءالله
مدت يدها تاخذ الهوت شُكلت من يد الشغالة تبتسم بهدوء لها شربت منه شوي تحطه قدامها
تناظر ملامح ريفال تميل للنعس وابتسمت بهدوء تصد عنها من قربها منه رائد تسند راسها على كتفه يحاوط كتوفها رائد، تتمنى يكون جالس بينهم الحين لكنه مب موجود،تسمع لسوالفهم تشارك معهم ببعض الأمور وتسكت اغلب الوقت
وقفت تطلع لجناحها من دخلوا من اشتد الهواء يدخل كل منهم لجناحه تنطفي اضواء القصر يعلنون نومهم~
~جناح رائد~
انسدح على السرير يناظرها واقفة على التسريحة ترطب وجهها ترفع شعرها بعشوائية ابتسم بهدوء من التفتت له يفتح ذراعه تبتسم ريفال بتوتر تتوجه له
انسدحت بجنبه يحاوط خصرها رائد يقربها منه تسند ريفال راسها على كتفه يبتسم بهدوء يشدها له لأنها نامت من غير مقدمات و دقائق ونام معها~
