5:40ص~
ابتسمت بهدوء تشرب من قهوتها تناظر الجو من الشباك مغيم وهواء بارد ينعش القلب وكأنه يرويه بعد ضماه،عساف له 5 ايام مسافر ولا لقت منه اتصال واحد يتطمن فيه عليها، يحكي لها راجح انه يسلم عليها لكن ما تعرف اذا هو صادق أو كذبة منه لجل ما تزعل على عساف،على الحالتين ماخذه على خاطرها منه وكثير يغيب بالايام ولا يتصل عليها او يرسل لها لو نقطة كأنها ولاشي عنده كأنها شي عابر فقط تسلية له،يعجبها كلامه معها لكنه بدأت تشك انه كله كذب مستحيل الحبيب يترك حبيبته يومين من غير اتصال وهو تركها خمس ايام،تنهدت بخفوت ترتشف من قهوتها حاز في بالها الموضوع وكثير من ناحية عساف وناحية أخرى شغلها اللي ياما تمنت تتوظف فيه لكنها الحين بكل سهولة جالسة تتخلى عنه وكأنه شي عابر ما يهمها،رفعت راسها بهدوء تدعي ربها يطمن قلبها ويدلها على الطريق الصحيح وقفت بهدوء تتوجه للسرير تنسدح بتعب تمد يدها للكُمدينا تطفي النور تدخل بسُبات عميق من غير تفكير تحبس قهرها بقلبها كالعادة ما تعبر عن شي بداخلها~
_6:30م_
واقفة قدام التسريحة لافة الروب على جسدها ترطب جسدها و وجهها وشفايفها ترش من معطر الجسم بنكهه الفراولة والتوت والياسمين تبتسم بهدوء تستنشق عبيرها،توجهت للدولاب تلبس بنطلون اسود وبلوفر اسود وعباية باللون الابيض تجلس تنحني تلبس بوتها بهدوء و وقفت تعدل شالتها تاخذ شنطتها و جوالها تنزل تحت،دخلت تناظر نجلاء وهالة وغند ورتيل ولاما و ريفال:السلام عليكم
ردوا عليها السلام تبتسم وريد بهدوء تجلس بجانب هالة تلتفت عليها تمد يدها هالة تحطها على فخذ وريد تطمنها،
نطقت ريفال بتذمر تاكل فروالة:طيب ما يصير انا كمان ابغى اصبغ شعري
ضحكت وريد بهدوء تنطق:نو حبي ممنوع عشان البيبي!
ضحكوا بهدوء على طريقة نطق وريد تبتسم رتيل تناظر علاقتهم ببعض
نطقت لاما وهي توقف:هِيا؟
وقفت رتيل و وريد يطلعون مع وريد بعد ما استأذنوا يركبون بسيارة وريد تجلس رتيل بجانبها ولاما بالخلف مدت يدها وريد تكبس بشاشة السيارة تمد جوالها لرتيل تشغل اغاني،
وقفت بهدوء عند الصالون تناظر شكله تنزل من السيارة تبتسم لاما:تعالوا
مشوا معها يدخلون تجلس وريد على الكنبة تنتظر دورها،ابتسمت لرتيل اللي جالسة على الكرسي تفرد شعرها توريه للشغاله تشرح لها تهز راسها الشغالة بهدوء تتوجه تجيب الصبغة وكذلك الأمر لاما
رجعت ظهرها للخلف بعد ما نزعت عبايتها وشالتها تقلب بجوالها تتنهد بحزن تزم شفايفها ما تلاقي منه رسالة مسحت على وجهها تسكر جوالها تاخذ العصير من الشغالة ترتشف منه بهدوء يتراكم حزنها داخلها تشتت نظرها بهدوء،وقفت تجلس على الكرسي تبتسم بهدوء للشغالة تشرح لها شو بدها تسمع لها الشغالة بكل هدوء تبدأ شغلها،
خلصت رتيل تناظر شكلها بالمراية تخلل يدها بشعرها تعض شفتها تلتفت تناظر لاما اللي خلصت تنشف الشغالة شعرها:كيف؟
ناظرتها لاما تبتسم بوسع تغمز لها تنطق بابتسامه
:تجننين اسم الله عليك!
ضحكت رتيل بهدوء تناظر وريد اللي الصبغة على شعرها:كيف؟
ناظرتها وريد تبتسم بوسع ثغرها تبان علامة خدها:ماشاءالله تجننين اسم الله عليك
انحنت رتيل تبوسها على خدها تبتسم وريد لها،
وقفت تناظر شعرها اللي قصته يصير لعند كتفها و لون شعرها الجديد"خروبي فاتح"درجته افتح من درجة شعرها تبتسم بهدوء تعض شفتها من حلاوة لونه تخلل يدها فيه تحركه التفتت تناظر لاما ورتيل تنطق بابتسامه:كيف؟
رفعوا رأسهم يناظرونها يبتسمون بوسع توقف رتيل تحضنها تهمس بإذنها:وين عساف عنك هو يحكي لك رأينا،تجننين اسم الله
ضحكت وريد بهدوء تناظر لاما اللي تغمز لها:ماشاءالله غطيتي علينا ما اسمح لك يعني
ابتسمت وريد تنطق تعبس ملامحها:القمر ما يغطونه النجوم يا حَرم فزاع
ضحكت لاما توقف تحضنها يلبسون عبايتهم يطلعون من الصالون يتوجهون للكوفي تاخذ لهم وريد ماتشا لرتيل وامريكانو ل لاما ولها قهوة سودا تحرك وريد للقصر~
دخلت الصالة تناظر نجلاء وهالة وغند وريفال للحين جالسين،تنزع شالتها تنزلها على كتفها تبتسم هالة بوسع تنطق:ماشاءالله تبارك الرحمن
ابتسمت لها وريد تناظر نجلاء اللي نطقت تضرب يدينها ببعض:اخخ ماشاءالله وين عساف عنك حد يترك القمر ويسافر؟
ابتسمت بهدوء تحبس غصتها بقلبها تناظر ريفال اللي نطقت تاكل الفراولة بزعل:طيب ودييي
ضحكوا بهدوء تناظرهم لاما وهي لمحت سيارة فزاع تنطق وهي توقف:بطلع جناحي
هزوا رأسهم بهدوء تبتسم نجلاء تنطق تناظر وريد ورتيل طلعوا الدرج تتوجه كل منهم لجناحه:الله يحميهم!
آمنوا على دعائها تبتسم هالة بهدوء~
