9:00ص~
جالس على السرير يناظر الحجوزات وزفر بهدوء يمدد إجازته لان ماله خلق يداوم ابداً وخاصة ان زواج رائد بعد يوم،وقف يدخل الحمام"اكرمكم الله"يتحمم،طلع وهو ينشف شعره بالمنشفة اللي على رقبته وقف قدام التسريحة يلبس ساعته ويزبط الكبك حق الثوب،مد يده يرش عطر ويتوجه للسرير ياخذ جواله،طلع من الجناح ينزل لهم تحت يناظر الجميع مشغول ومحتاس
جلس جنب راجح ينطق بهدوء:صباح الخير!
التفتت راجح بابتسامه ينطق:ياهلا صباح النور!
نطقت نجلاء وهي تجلس:عقبال ما نجهز لزواجك يا يما! ناظرها عساف بهدوء والتفتت من نطق راجح:حددت موعد زواجك؟ هز راسه بالنفي عساف وقطب حواجبه راجح ينطق:ليه؟ ناظره عساف وش يقول له وريد ما تبغاني تنهد بخفة وهو ينطق بهدوء:ما تكلمنا للحين!
نطق راجح:ابغاكم اليوم تجون مكتبي ضروري يا عساف!
هز راسه عساف وتقريباً عرف ان راجح بيحدد موعد زواجه،التفتت من دخلت وريد تنطق بهدوء:صباح الخير
نطق راجح:صباح النور يابوي! ابتسمت وريد بخفة تجلس يمين نجلاء اللي نطقت:يا صباح الخير والله!
ناظرتها وريد تبتسم وابتسمت بوسع ثغرها من دخل الليث يجلس جنبها يدخلها تحت ذراعه ينطق بابتسامه:أشرقت شمسي يا صباح الخير والسرور يا زوجتي الحلوة!
ابتسمت وريد تنطق بنفس ابتسامته ونبرته:هلا صباح النور،ناظرها عساف بهدوء وصد عنها من دخلت شادن تصبح عليهم،جلست وهي تناظر وريد بهدوء لها فترا تتحاشى تجلس بمكان هي جالسة فيه وحتى السلام ما ترده عليها:شلونك وريد؟
ناظرتها وريد تنطق بهدوء:الحمدالله تمام! ناظرتها شادن وكانت بتنطق لولا دخول هالة اللي ابتسمت بخفة من شافت وريد جالسة معهم نطقت وريد بهدوء:رتيل صاحية؟
رفعت اكتافها هالة توقف وريد تنطق:بطلع اشوفها! هزوا رأسهم يناظرونها تطلع الدرج التفتت شادن تتفحص نظراته لوريد وايقنت ان في شي،التفت عساف لرائد من نطق بهدوء يجلس:السلام عليكم،ردو عليه السلام ونطق عساف وهو يوقف ما بيجلس عند شادن يسمع الموال اليومي حقها:يلا يا رائد! مشى رائد يطلع مع عساف بعد ما استأذن منهم،التفتت شادن تناظر راجح تنطق:عاجبك تصرف بنت ولدك معي؟ تأفف راجح ينطق:شادن اختصري اختصري!صدت شادن عنهم ونطقت غند اللي جالسة من اول ولكن ما طلع لها صوت:ما بتروحون المول؟ نطقت هالة:ألا بنروح! نطقت شادن:خلاص نروح جميع بعد العصر! ناظروها بهدوء ونطق راجح:بطلع و وقت يجي عساف و وريد خليهم يجوني! هزت راسها نجلاء تنطق:ابشر! ابتسم راجح ينطق لها:ابشري بعزك يا ام ذياب،ابتسمت نجلاء برضى وتقريباً راجح بدأ يرجع زي قبل يحكم ويأمر وينهي الموضوع اللي ما عجبه،كان له فترا ما يهتم للمواضيع ومتجاهل كل شي تقريباً ولكن الحين رجع زي قبل واحسن~
~
دخلت جناح رتيل بعد ما دقت الباب وسمحت لها رتيل بالدخول،نطقت وهي تناظر رتيل جالسة على السرير و الواضح أن مالها خلق لشي:صباح الخير يحلو!
ابتسمت رتيل ونطقت بهدوء وهي تعتدل بجلستها:ياهلا صباح النور،جلست وريد على الكنبة قدامها تنطق:ليه ما نزلتي تحت؟
رفعت اكتافها رتيل تنطق وهي تميل شفايفها:مالي خلق!
عبست وريد ملامحها تنطق:ما جهزت شي للزواج ما بتروحين معي السوق؟ ابتسمت رتيل على ملامح وريد تنطق:ابشري نروح المغرب ونشوفلك شي تلبسينه تأمري انتي،ابتسمت وريد وكانت بتنطق لولا دخول لاما اللي نطقت وهي تفتح عيونها بذهول:يا خاينات جالسين من غيري! مشت تنط عند رتيل على السرير تنسدح:يا بنات العم الحلوين طفو الضو بنام! ضحكت وريد بخفة من التفتت رتيل تضرب لاما بالمخدة تنطق:قومي ورانا مشاوير ناسية زواج اخوك؟ تأفتت لاما تعتدل بجلستها وتنطق:هو بيتزوج انا شعلي منه؟ ضحكت وريد بذهول وناظرتها رتيل تهز راسها بقل حيلة تنطق:مافي مفر ّمنك،بنروح المول المغرب ناظرتها لاما تنطق بضحك:والله مب مستوعبة ان بتجيني زوجة اخ! ضحكوا البنات على تصرفاتها اللي تميل للطفولية اكثر ولكنها بنت قد حالها بقوتها عارفة كل شي بس تمثل العدم،وقفت وريد تنطق:برجعلكم المغرب تمام! ناظروا لاما ورتيل بعض وما يعجبهم هدوء وريد معهم والحدود اللي حاطيتها بينهم،تنهدت رتيل بخفة تنطق:ان شاءالله!طلعت وريد من الجناح والتفتت لاما تنطق:بنجلس معها جلسة طويلة بس اصبري شوي! وقفت لاما بالمثل تروح لجناحها،انسدحت رتيل على السرير وسرعان ما داهمها النوم~
