جالسة بالغرفة وهي تبكي بقوة تشهق من كل قلبها مب قادرة تستوعب تلوم كل شخص بالقصر،كرهت السعودية وأهلها ندمت انها رجعت اصلاً،وقفت من انقطع نفسها من بكاها وهي تمسك رقبتها،تنفست بقوة ومافي احد حولها بكت بقوة وهي تشهق من ما قدرت تاخذ نفس،جلست على الأرض وهي تضرب فوق صدرها بقوة لجل تاخذ نفس ولكن لا حياة لمن تنادي،بكت بقوة وهي تحاول توقف مب قادرة من خوفها ناظرت يدينها بفزع ولونهم بدأ يتغير للون الاحمر والازرق انشدت عروق عنقها وهي توقف بتخرج برا الغرفة ولكن سرعان ما رجعت للخلف بترنح من صدمت بجسد عريض،دخل عساف الغرفة وهو يعتقد انها نايمة دخل ياخذ بجامته لجل يبدل ملابسة وينام بالملحق ولكن سرعان ما ارتعب من دخل الغرفة وهو يناظرها عيونها حمرا من بكاها،نزل نظره لعنقها وهو يشوفها ماسكيته وتحاول تتنفس استوعب وهو يمشي لعندها من وطاحت على الأرض وهي تشهق بقوة،جلس قدامها ومب عارف يتصرف معها نطق بتوتر:تنفسي تنفسي
بكت ما تقدر تتنفس وعرف انها مختنقة و قرب لعندها وهو يمسك يدها اللي على عنقها وينطق بتوتر:اهدي اهدي وخذي نفس تنفسي بهدوء
حاولت تهدأ وريد ولكن كل ما تتذكر ترجع تبكي بقوة اكثر من قبل،ناظرها عساف مب عارف وش يسوي و تقدم لها وهو يحاوط وجهها ينطق بهدوء يحاول يهديها
:اهدي وريد خذي نفس قضاء الله وقدره،بكاك ما بينفعهم بدل ما تبكين ادعين لهم
بكت بقوة تنزل راسها تبكي وتشهق،ناظر حالها ما يعرف شلون يهديها ما يعرف يعبر عن مشاعره تقدم لها بهدوء وسرعان ما ضمها يحاوط ظهرها يسمع بكاها وشهقاتها،بكت بقوة تدفن راسها بصدره وهي تبكي و شدت على تيشيرته تبكي متناسية كل شي حولها ومب مركزة بشي ابداً،مسح على شعرها بهدوء وهو يغمض عيونه بقوة شتمّ نفسه انه منع راجح يتكلم معها و شد عليها يهمس:أهدي خلاص
بكت وريد تسمع همسه وهي تهز راسها بالنفي،شد عليها اكثر يبي يدخلها بضلوعه من قسوة العالم على قلبها الحين يشد عليها كل ما بسمع شهقاتها،بعدت عنه وريد تناظر الفراغ بتوهان وسرّحان تخاف من كل شي بهالحظة تلوم راجح وذياب وغيث والليث وكل من في القصر ليه ما راحوا لهم المطار ليه ما ركبوا بنفس السيارة، تمنت لو انها منعتهم يرجعون تمنت لو ما أصرّت عليهم ولكن ما يفيد الندم،ناظر سرّحانها ودموعها اللي تنزل بغزاره وهو يتنهد سرعان ما تقدم لها يضمها يدخلها بضلوعه مب بحضنه من شدته عليها،بكت بقوة اكثر من قبل تهز راسها بالنفي تنطق وهو تدفن راسها بصدره:ما اقدر بدونهم مقدر
نطق وهو يحاوط ظهرها بيده واليد الثانية يمسح على شعرها:بتقدرين كلنا ماشيين هالطريق ادعي لهم بكاك ما بينفعهم بالنهاية قضاء الله وقدره ما نقدر نعترض على حكمته
بكت تسمع كلامه ومحاولة لتهدأتها بعدت عنه تناظر وجهه تنطق بهمس ودموع ترفع اكتافها:ما اقدر وربي مقدر هم دنيتي مالي غيرهم با..قاطعها يهمس بتهدئة
:الا تقدرين خلاص ادعين لهم ما بيرجعون على الحياة عشان بكاك
ناظر عيونها باللون الاخضر يتحولون للاحمر نتيجة بكاها،غطت وجهها تبكي تحاول تهدأ ولكن مب قادرة،تقريباً هدأت نوعاً ما بعد كلامه معه تكلم ان كل شي قضاء الله وقدره ما بتقدر تعترض على حكمه وبكاها ما بينفعهم
نطق يشوفها تمسح دموعها تحاول تقوي نفسها بتشتيت نظرها عنه:بخير؟
هزت راسها وناظرت عيونها تشكره بعيونها مب قادرة تنطق صوتها انبح من بكاها وقف عساف يناظر نظراتها له ويتفحصها للمرا الأخيرة قبل يخرج ولكن طلع من انهزم عند نظراتها يقفل الباب خلفه يتركها لوحدها تحاول تفرغ عن نفسها،خاف عليها وكثير من كلام شادن يخاف تهزمها وهي بهالضعف الحين اكيد ما بتتحمل،تنهد يدخل الملحق يغط بنومه مايبي يفكر اكثر~
