نبـــــــكي بلوعـــــــة
من غيبة خـــــــوي وخلوة المربوعـــــــة
بالله ڪيف نصـــــــبـــــــࢪو !!
ايوب: اذكر الله يا معاذ هذا حد عمره ربي يرحمه مات بطل ان شاء الله تتلاقو ف جنته
عمي عمران: نوض خوك ياوليد دخله خلي يرتاح وقول لنسون يروحو خلي ينفس الراجل تعبان
وليد: هي معاذ نوض
وقفت بعد ماساعدوني نوقف ودفيت ايد وليد يلي شادني بيها : تو نخش بروحي " طلعت وانا نمسح ف دموعي .. حسيت اني مخنــــــــــــوق نبي هواء "اتجهت ورى الحوش وقعمزت ع الحيط وانا حاس بجسمي منهد ودموعي مش قادر نوقفهم : ربي يرحمك ربي يرحمك ااااخ يامصعب ااااه ياربي نزل عليا الصبر ياربي علاش الفقد ملازمني هالايام كيف كنت مرتاح سنين ومش فاقد حد .. دفعه وحده فقدتهم .. سالم وفتحي واشبح الباقي حيين ولا ماتو فرج ومنير ومحمد
ياربي
ياربي خفف عليا هالحمل تعبااان تعبااان
معـــــــاذ
رفعت راسي : قولي يا ايوب قولي علاش هكا يصير معايا علاش نفقدهم كلهم اعز الغوالي فقدتهم دفعه وحده
قعمز قدامي : استغفر ربك هذا مكتوبلهم عمرهم بيتم ولا ناسي ان الموت حق وكلنا بنذوقوها وماحد يفوت ساعته
ضربت قلبي بقوة وحاس بنار فيه: امتى ساعتي امتى دهشت دهشت
ايوب" عصب: معاذ خيرك نعرفك راجل مؤمن بالله ومؤمن بقضاه وقدره اسكت
تنهدت : استغفر الله غير مضغوط هاليومين ربي يسمحني
ايوب: نوض اغسل وجهك وكان تلقى تتوضا وتصلي ركعتين
وقفت مصدوم : لعشاء نسيته استغفر الله كيف نسيت نصلي هذا باش الشيطان خش عقلي يارب سامحني
ايوب: معليش تصير برى توضا وصلي وادعي وبعدها ارتاح
حطيت ايدي ع كتفه : ربي مايحرمني منك
ابتسم: ولا منك ياراجل دهشت عشر سنين وانا بروحي ربي لا يغيبك
ابتسمت ومشيت .. توضيت ف الحمام الخاص بالمربوعة وطلعت نصلي وكملت صلاتي ونسمع ف صوت الرجالا يطلعو من المربوعه قعدت مقعمز نسبح ونستغفر ومانبيش اي حد يجي جهتي والحمد لله فهمو هالشي ومشو .. بعد كملت لفيت لحوشنا لقيت وليد مقعمز ع الدروش يشوفلي ولما انتبه اني مركز عليه مسح دمعته بسرعه
تنهدت سبحان الخالق المصور من ال وليد خوي الصغير يكبر ويبدا نسخه من مصعب ! ولا انا مستاحشه بديت نتخايل فيهم يتشابهو
اه الله يرحمك يامصعب الله يرحمك
وقفت واتجهت للحوش ووقف وليد : شن طلعو حتى النسون؟
وليد: اي ماقعد حد غير خواتي بس
خشيت داخل واتجهت لدار يلي طالعه منهم اصواتهم لقيت امي واقفه واول ماشفتني ضمتني بقوة ابتسمت وبست راسها : اطمني هاني صحيح وبخير وطلعتلك حي
